आधी नोटा दाखवल्या मग बाटली दाखवत अंबादास दानवेंची प्रश्नांची सरबत्ती, संजय शिरसाट यांचं प्रत्युत्तर

Shivsena UBT vs Shivsena MNS : छत्रपती संभाजीनगरमध्ये शिवसेना ठाकरे गट आणि शिवसेना मनसेचे कार्यकर्ते आमने सामने आले होते. यावेळी दोन्ही बाजूंनी घोषणा देण्यात आल्या.

अंबादास दानवे

Source : एबीपी माझा ग्राफिक्स टीम

छत्रपती संभाजीनगर : लोकसभा निवडणुकीच्या (Lok Sabha Election) चौथ्या टप्प्याच्या प्रचाराचा आज शेवटचा दिवस आहे. छत्रपती संभाजीनगर लोकसभा मतदारसंघात शिवसेनेकडून संदिपान भुमरे (Sandipan Bhumare) तर शिवसेना उद्धव बाळासाहेब ठाकरे गटाकडून चंद्रकांत खैरे (Chandrakant Khaire) लोकसभेच्या रिंगणात आहेत.प्रचाराच्या शेवटच्या दिवसाच्या निमित्तानं रॅलीचं आयोजन करण्यात आलं होतं. महायुती आणि शिवसेना ठाकरे गटाचे शिवसैनिक क्रांती चौकात आमने सामने आल्यानं तणावं वातावरण पाहायला मिळालं. अंबादास दानवे (Ambadas Danve) यांनी मनसेच्या कार्यकर्त्यांना दोनशे रुपये देऊ केले होते.याठिकाणी दोन्ही बाजूनं घोषणाबाजी करण्यात आली होती.

क्रांती चौकात विधानपरिषदेचे विरोधी पक्षनेते अंबादास दानवे यांनी हातात दारुची बाटली धरुन विरोधकांवर हल्लाबोल केला. महायुती आणि ठाकरे गटाचे कार्यकर्ते एकमेंकांवर धावून जाताना पाहायला मिळाले. अंबादास दानवे यांनी हातात नोटा धरुन मनसेला डिवचलं. यावर मनसेकडून देखील उत्तर देण्यात आलं. 

शिवसेना ठाकरे गटाच्या कार्यकर्त्यांना पन्नास खोके आणि एकदम ओके अशा घोषणा दिल्या. अंबादास दानवे यांनी भुमरे यांचा व्यवसाय दारुचा आहे त्यामुळं दारुची बाटली दाखवतोय, असं म्हटलं. पैठणची दारु संभाजीनगरमध्ये आणायची का असा सवाल दानवे यांनी केला. तणाव योग्य नाही पण आमच्या कार्यकर्त्यावर हात उचलला तर आम्ही देखील उत्तर देऊ असं अंबादास दानवे म्हणाले. संदिपान भुमरे यांचा व्यवसाय दारु असल्याचं लोकांना सांगतोय, असं अंबादास दानवे म्हणाले. शिवसेना ठाकरे गटाच्या कार्यकर्त्यांना थांबवू ,असं अंबादास दानवे म्हणाले.  तर, ठाकरे गटाकडे कार्यकर्ते नसल्यानं असा प्रकार करण्यात आला, असं आमदार संजय शिरसाट म्हणाले.

पाहा व्हिडीओ

पोलिसांचा बंदोबस्त कमी प्रमाणात?

छत्रपती संभाजीनगरमध्ये शिवसेना, मनसे आणि शिवसेना ठाकरे गट आमने सामने आल्यानंतर वाद निर्माण झाला होता. ज्या ठिकाणी ही घटना घडली तिथं पोलीस बंदोबस्त कमी प्रमाणात दिसून आला. 
 
पोलिसांनी दोन्ही बाजूच्या कार्यकर्त्यांची समजूत काढण्याचा प्रयत्न केला. पोलिसांनी आणि नेत्यांनी कार्यकर्त्यांना बाजूला होण्याचं आवाहन केलं. शिवसेना ठाकरे गटाचे कार्यकर्ते क्रांती चौकात होते. तर पोलिसांनी शिवसेना कार्यकर्त्यांना क्रांती चौकातून पुढं जाण्यास सांगितलं. 

छत्रपती संभाजीनगरमध्ये  तिरंगी लढत

छत्रपती संभाजीनगरमध्ये शिवसेना ठाकरे गटाचे उमेदवार चंद्रकांत खैरे आहेत, शिवसेनेकडून संदिपान भुमरे आणि एमआयएमचे उमेदवार खासदार इम्तियाज जलील लोकसभेच्या रिंगणात आहेत. 

संबंधित बातम्या :