Sushma Andhare on Prakash Shinde: 145 कोटींच्या ड्रग्सचे गंभीर आरोप, प्रकाश शिंदेंनी आरोप फेटाळले, आता सुषमा अंधारेंनी मोबाईवरून पुरावेच दाखवले, म्हणाल्या, ते हॉटेल...
Sushma Andhare on Prakash Shinde: प्रकाश शिंदे यांनी सुषमा अंधारेंचे सर्व आरोप फेटाळले होते, तर ते हॉटेल आपण चालवत नाही, दुसऱ्याला चालवायला दिलेलं आहे, अशी माहिती प्रकाश शिंदेंनी दिली होती.
Sushma Andhare on Eknath Shinde: शिवसेनेचे मुख्य नेते आणि राज्याचे उपमुख्यमंत्री एकनाथ शिंदे (Eknath Shinde) यांच्या भावाच्या (Prakash Shinde) रिसॉर्टमध्ये १४५ कोटी रुपयांचे ड्रग्ज सापडल्याचा आरोप ठाकरेंच्या शिवसेनेच्या नेत्या सुषमा अंधारे (Sushma Andhare) यांनी काल (बुधवारी, ता १७) केला. मात्र साताऱ्याचे पोलीस अधिक्षक तुषार दोषी यांनी ही माहिती लपवल्याचा दावा सुषमा अंधारे यांनी केला. साताऱ्यातील जावळी तालुक्यातील सावरीत गावातील एका रिसॉर्टमध्ये टाकलेल्या धाडीत ४५ किलो ड्रग्जचा साठा सापडला होता. हे रिसॉर्ट प्रकाश शिंदे (Prakash Shinde) चालवत असल्याचा आरोप होत आहे. अशातच प्रकाश शिंदे (Prakash Shinde) हे एकनाथ शिंदे यांचे सख्खे भाऊ असल्याचा दावाही सुषमा अंधारे यांनी केला होता. त्यानंतर आज पुन्हा एकदा सुषमा अंधारे यांनी पत्रकार परिषद घेत अनेक महत्त्वाचे मुद्दे मांडले आहेत. त्याचबरोबर प्रकाश शिंदे यांनी सुषमा अंधारेंचे सर्व आरोप फेटाळले होते, तर ते हॉटेल आपण चालवत नाही, दुसऱ्याला चालवायला दिलेलं आहे, अशी माहिती प्रकाश शिंदेंनी दिली, त्यानंतर आज अंधारेंनी ते हॉटेल प्रकाश शिंदेंचं आहे आणि तेच ते हॉटेल चालवत असल्याचे पुरावे त्यांनी माध्यमांसमोर दाखवले आहेत.(Prakash Shinde)
Sushma Andhare on Prakash Shinde: आता त्यांच्या सातबारा बदलण्याच्या हालचाली सुरू
आज पत्रकार परिषद घेत सुषमा अंधारे म्हणाल्या, काल प्रकाश शिंदे यांनी आरोपांवर आपलं स्पष्टीकरण दिलं. त्यावर बोलताना सुषमा अंधारे म्हणाल्या, प्रकाश शिंदे काल माध्यमांशी बोलत होते, खरंतर आता त्यांच्या सातबारा बदलण्याच्या हालचाली सुरू केल्या आहेत, बावनकुळेंच्या मुलाचा देखील असाच प्रवास होता, ती गाडी त्याची नाही, नंतर ती गाडी मित्राची पण तो बसलेला नाही, मग तो मागच्या सीटवर आला, मागच्या सीट वरून पुढच्या सीटवर आला, हीच गोष्ट आता इथे घडते आहे. आधी प्रकाश शिंदे तो प्रकाश शिंदे नाही. मग प्रकाश शिंदे हा तोच आहे. आता तोच प्रकाश शिंदे आहे, पण मी ती जागा दुसऱ्याला वापरायला दिली. तिथे हॉटेलच नाही किंवा मी माझी जागा दुसऱ्याला दिली, असं सगळं चालवलं असल्याचं सुषमा अंधारे यांनी म्हटलं आहे.
Sushma Andhare on Prakash Shinde: व्हॉट्सॲपमध्ये प्रकाश शिंदे असं नाव इथे आलं
यावेळी सुषमा अंधारेंनी काही महत्त्वाच्या गोष्टी दाखवत ते हॉटेल प्रकाश शिंदे यांचंच असल्याचा दावा केला, पत्रकार परिषदेत आपल्या फोनवरून प्रात्यक्षिक दाखवत अंधारे म्हणाल्या, गुगलमध्ये जाऊन तुम्ही तेजयश त्या हॉटेलचं नाव टाकलं तर ते येतं, प्रकाश शिंदे खोटं का बोलले, ते म्हणाले हे माझं हॉटेल नाही, यावेळी अंधारे यांनी त्यांच्या फोनवरून हॉटेल तेजयश सर्च केलं, जर ही जागा कमर्शियल नसेल तर त्याला रेटिंग कशी काय येईल, याला 4.8 चा रेटिंग आहे, गुगल (google) वरती डायरेक्शन आहे आणि व्हॉट्सॲप नंबर देखील दिलेला आहे, इथे ऑनलाईन बुकिंगही करता येते, शेअर आहे आणि हॉटेलचा मॅपही दाखवण्यात आलेला आहे, तिथे दिलेल्या नंबर वर क्लिक केल्यानंतर व्हॉट्सॲपमध्ये प्रकाश शिंदे असं नाव इथे आलं, हे हॉटेल अजूनही प्रकाश शिंदे चालवतात कारण इथे त्यांचा नंबर दिलेला आहे. त्याचबरोबर त्यांचं नाव आलेलं आहे, माझ्या प्रामाणिकपणावर शंका घ्यायची नाही, मी लॉजिकल बोलते आहे, मी प्रामाणिकपणे बोलते आहे, मी एका एका पुराव्यासाठी मेहनत घेते आहे, मी पुन्हा एकदा सांगते महाराष्ट्रातील 14 कोटी जनतेच्या विश्वासाचा विषय आहे, आमच्या महाराष्ट्रातली पोरं तुम्ही देशोधडीला लावणार आहात का, आणि असा ड्रग्स मधून कमवलेला पैसा तुम्ही निवडणुकीत वापरता, मग 22 हजाराला एक मत तर फार सोपी गोष्ट आहे, 22 काय तर 25 हजाराला देखील तुम्ही मत घेऊ शकता, अशा टोला देखील अंधारेंनी लगावला आहे.
Sushma Andhare on Prakash Shinde: तर त्यांना पालकमंत्री म्हणून घेण्याचा अधिकार आहे का?
पुढे अंधारे म्हणाल्या की, मला तुषार दोषी आणि पालकमंत्री शंभूराज देसाई या दोघांनाही प्रश्न विचारायचे आहेत. तुम्ही नेमकं काय करत होतात. मुंबईच्या लोकांनी कारवाई केली, तरी तुम्ही ढिम्म होतात, काल पत्रकार परिषद घेतल्यानंतर हे सगळं सुचलं असेल तर त्याच्या आधी या लोकांनी किती हैदोस दिवस घातला असेल, पाचगणी हे पर्यटन ठिकाण आहे. महाराष्ट्रातलं सगळ्यात महत्त्वाचं ज्याला मिनी स्वित्झर्लंड म्हणून ओळखलं जातं. हा मिनी स्वित्झर्लंड जिथे अनेक ठिकाणाहून पर्यटक येतात. अशा ठिकाणी जर ड्रगचा आणि कोकेनचा विळखा असेल, आणि याची कल्पना पालकमंत्र्यांना नसेल तर त्यांना पालकमंत्री म्हणून घेण्याचा अधिकार आहे का?, तिथल्या पालकमंत्र्यांना कळलं पाहिजे की राज्यातील सर्वात महत्त्वाचा पर्यटन क्षेत्र माझ्या जिल्ह्यामध्ये येतं आणि मी या पर्यटन स्थळाची सुरक्षा बघितली पाहिजे. ज्याअर्थी तिथे इतकं सगळं होत आहे, तिथे कोणी बॉम्ब ब्लास्ट करून गेलं तरी त्यांना कळणार नाही, पालकमंत्री नेमकं काय करत आहे असा सवाल यावेळी सुषमा अंधारे यांनी उपस्थित केला आहे.
Sushma Andhare on Prakash Shinde: अंधारेंनी एकनाथ शिंदे यांनी राजीनामा मागितला
त्याचबरोबर यावेळी सुषमा अंधारेंनी एकनाथ शिंदे यांनी राजीनामा मागितला आहे. त्या पत्रकार परिषदेत म्हणाल्या की, मी उपमुख्यमंत्री एकनाथ शिंदेंचा राजीनामा मागत आहे. वाल्मिक कराड प्रकरणी मुंडे यांचा राजीनामा घेतला, तर मग इथे प्रकाश शिंदे तर एकनाथ शिंदेंचे भाऊ आहेत. मग उपमुख्यमंत्री असल्यामुळे तपासाला आपले पद प्रभावित करू शकतं असं वाटत असेल तर राजीनामा द्यावा, अशी मागणी अंधारेंनी केली आहे.
महत्त्वाच्या बातम्या
