महाविकास आघाडीचे ठरलं! 218 जागांवर एकवाक्यता; अंतिम यादीबाबत खासदार अमोल कोल्हेंची माहिती, म्हणाले....

Amol Kolhe: आमच्या पक्षाची तयारी पूर्ण झाली आहे. अनेक इच्छुक लोकांच्या मुलाखती झाल्या आहेत. आमच्या पक्षात एकूण 1600 लोकांनी मुलाखती दिल्या असल्याची माहिती खासदार अमोल कोल्हे यांनी यावेळी दिली.

Amol Kolhe on Vidhansabha Election 2024

Source : ABP Majha

Maharashtra Vidhansabha Election 2024 : आगामी विधानसभा निवडणुकीच्या अनुषंगाने आचारसंहिता जाहीर होत आहे, निवडणुका देखील जाहीर होईल अशी अपेक्षा आहे. मात्र याआधीच निवडणूक होईल असे वाटत होते.  पण तसे झाले नाही. आमच्या पक्षाची तयारी पूर्ण झाली आहे. अनेक इच्छुक लोकांच्या मुलाखती झाल्या आहेत. आमच्या पक्षात एकूण 1600 लोकांनी मुलाखती दिल्यात. लोकसभेत राज्यातील लोकांनी महाविकास आघाडीवर (Mahavikas Aghadi) विश्वास दाखवला. आमची महाविकास आघाडी म्हणुन तयारी पूर्ण झाली आहे. तर जागावाटप अंतिम टप्प्यात आल असून  पुढील 2-3  दिवसात अंतिम निर्णय होईल. अशी माहिती खासदार अमोल कोल्हे (Amol Kolhe) यांनी यावेळी दिली. 218 जागांवर एकवाक्यता झाली आहे. त्या बाबत 2-3 दिवसात सगळं चित्र स्पष्ट होईल, असेही ते म्हणाले.

निवडणुकीची सोय म्हणुन शपथविधी?

राज्यपाल नामनिर्देशित 7 आमदारांच्या शपथविधीचा मार्ग मोकळा झाला आहे. राजभवनातील सोहळ्याला कोणतीही स्थगिती देण्यात आलेली नाही. निकाल प्रलंबित असताना 12 पैकी 7 आमदारांची नियुक्ती केल्याची हायकोर्टानं नोंद घेतली आहे. अंतिम निर्णय देताना आम्ही याबाबत आपलं मत देऊ, असं हायकोर्टानं म्हटलं आहे. तसेच, निकाल राखून ठेवताना नियुक्त्यांना कोणतीही स्थगिती नव्हती, तसेच आम्ही तसं कोणतंही आश्वासन दिलेलं नव्हतं, असं स्पष्टीकरण राज्य सरकारतर्फे महाधिवक्ता डॉ. बीरेंद्र सराफ यानी दिलं आहे. दरम्यान याच मुद्द्याला घेऊन खासदार अमोल कोल्हे यांनी आपली प्रतिक्रिया देत टीका केली आहे. निवडणुकीची सोय म्हणुन हे केलं का, हि शंका आहे. कारण 12 जागा असताना केवळ 7 आमदारांचा शपथविधी होत आहे. त्यामुळे निवडणुका समोर ठेवून हा शपथविधी तर केला जात नाही ना? अशी शंका त्यांनी बोलून दाखवली आहे. 

उद्धव ठाकरे यांच्या सेनेने माझ्यासाठी खुप काम केलं-अमोल कोल्हे

राज्यात मोठी ताकत उभी राहत आहे. पडत्या काळात ज्यांनी मदत केली त्यांचा विचार नक्की केला जाईल. फलटणकरांच्या मनात काय आहे, हे लोकसभेला समोर आल आहे. महविकास आघाडीचे आमदार निवडूण यावेत हीच आमची इच्छा आहे, त्यासाठी आम्ही तसे प्रयत्न देखील करत आहोत माझ्यावेळी सगळ्यांनी काम केलं आहे, मला प्रत्येक मतदारसंघात लीड दिलं. तसेच उद्धव ठाकरे यांच्या सेनेने माझ्यासाठी खुप काम केलं, है मान्य करावच लागेल. असेही खासदार अमोल कोल्हे म्हणाले.

महायुतीला घालवून महविकास आघाडीचं सरकार आणायचं आहे   

दरम्यान, हडपसर मतदारसंघाच्या दाव्याबाबत बोलताना खासदार अमोल कोल्हे म्हणाले की, दावा कुणीही करू शकतो. सगळे पक्ष तयारी करत असतात यात, गैर नाही. प्रत्येक राजकीय पक्षाची रणनीती आहे. सगळे नेते एकत्र येत निर्णय घेतील. एकून 65 मतदारसंघात आम्ही फिरलो आहोत. यात्रेच्या माध्यमांतून लोकांनी ठरवलं आहे की महायुतीला घालवून महविकास आघाडीचं सरकार आणायचं आहे. लोक आमच्याकडे येतात ही तर साहेबांची जादू आहे. तिथल्या नेत्यांना सगळ महिती असतं, लोकांनी ठरवून ठेवलं आहे. सरकारने योजनांची केवळ खैरत मांडली आहे. जाहिरातबाजी केल्याशिवाय सरकला पर्याय नाही, लोकांपर्यंत सरकारच्या योजना पोहचत नसल्याचेही अमोल कोल्हे यावेळी म्हणाले.

हे ही वाचा