Rohit Pawar: तटकरे, मुंडे भाजपसोबत जातील, अजित पवार एकटेच राहतील : रोहित पवार

Rohit Pawar: शरद पवारांवर ज्यांनी टीका केली त्यांना घेऊ नये.  मला बच्चा म्हणाले मात्र आता मी मोठा झालोय हे त्यांना कळालं असेल, असे रोहित पवार म्हणाले.

Rohit Pawar & Ajit Pawar

Source : Rohit Pawar & Ajit Pawar \ Facebook

बारामती : बारामतीत (Baramati Lok Sabha Election) नंणद सुप्रिया सुळेंनी (Supriya Sule) भावजय सुनेत्रा पवारला (Sunetra Pawar)  जोरदार धक्का दिला आहे.   बारामती राखण्यात सुप्रिया सुळेंना यश मिळाले आहे. तर अजित पवार गटाच्या सुनेत्रा पवारांचा पराभव झाला आहे. सध्या बारामतीत  जल्लोष समोर आला आहे. बारामतीचा पराभव हा अजित पवारांसाठी मोठा धक्का  मानला जात आहे.  लोकसभा निकालानंतर आता  अजित पवार एकटेच राहतील, अशी प्रतिक्रिया राष्ट्रवादी काँग्रेसचे आमदार रोहित पवार यांनी दिली आहे. एबीपी माझाशी बोलत होते. 

रोहित पवार म्हणाले, लोकसभा निकालानंतर आता अजित पवार एकटेच राहतील. बाकी 12 ते 13 जण भाजपसोबत जातील आणि उर्वरित आमदार आमच्या सोबत येतील तर सुनील तटकरे धनंजय मुंडे हे तुम्हाला भाजपमध्ये जाताना दिसतील.

शरद पवारांनी त्यांच्यावर ज्यांनी टीका केली त्यांना घेऊ नये : रोहित पवार

अजित पवारांनी घरवापसी केली तर तुम्ही काय निर्णय घेणार याविषयी बोलताना रोहित पवार म्हणाले,  जर ते येणार असतील तर मी पक्ष सोडेल असं मी म्हणालो नाही.  पण माझी वेगळी भूमिका असेल हे मात्र मी म्हणालो आहे. त्यामुळे शरद पवारांवर ज्यांनी टीका केली त्यांना घेऊ नये.  मला बच्चा म्हणाले मात्र आता मी मोठा झालोय हे त्यांना कळालं असेल. 

अनेक लोकांच्या झोपा आता उडाल्या : रोहित पवार

रोहित पवार म्हणाले, आम्हाला नेता बनण्याची घाई झाली नाही. भाजपने खाली राजकारण नेलं होतं. ते पुन्हा व्यवस्थित करायचं आहे.  जेव्हा अनेक नेते धमक्या देत होतें त्यावेळी आम्ही म्हणत होतो की जनता हे सर्व काही बघत आहे. अनेक लोकांच्या झोपा आता उडाल्या आहेत. महाराष्ट्राला पुन्हा एक नंबरच राज्य करायचे आहे. वंचित आमच्यासोबत आले असते तर नक्की आणखी वेगळं चित्रं पाहिला मिळालं असतं. 

सुप्रिया सुळे विजयी

महाराष्ट्रातील सर्वात  प्रतिष्ठेची लढाई  ही बारामती लोकसभा मतदारसंघात झाली आहे. कारण गेली अनेक वर्षे राज्याच्या राजकारणात रुजलेल्या  पवार कुटुंबातील दोन व्यक्ती निवडणुकीच्या (Lok Sabha Election 2024) रिंगणात उतरल्या आहेत.  सुप्रिया सुळेंनी  16 व्या फेरी अखेर मोठी मुंसडी मारली आहे. सुप्रिया सुळेंना 1 लाख आठ हजार 490 चा लीड मिळाला आहे. 

हे ही वाचा :