नवज्योतसिंह सिद्धू रुग्णालयात दाखल, लिव्हरशी संबंधित समस्याने त्रस्त

Navjot Singh Sidhu Admitted: काँग्रेस नेते आणि माजी क्रिकेटपटू नवज्योतसिंह सिद्धू यांना सोमवारी यकृताशी संबंधित समस्या समोर आल्यानंतर रुग्णालयात दाखल करण्यात आले आहे.

navjot singh sidhu

Navjot Singh Sidhu Admitted: काँग्रेस नेते आणि माजी क्रिकेटपटू नवज्योतसिंह सिद्धू यांना सोमवारी यकृताशी संबंधित समस्या समोर आल्यानंतर रुग्णालयात दाखल करण्यात आले आहे. त्यांना चंदीगड पीजीआय नेहरू हॉस्पिटल एक्स्टेंशनच्या हेपॅटोलॉजी वॉर्डमध्ये दाखल करण्यात आले आहे. डॉक्टरांच्या म्हणण्यानुसार, सिद्धू सध्या त्यांच्या देखरेखीखाली आहेत. त्यांची प्रकृती आता स्थिर आहे.

तत्पूर्वी, सोमवारी सकाळी त्यांना हेप्टोलॉजी चाचणीसाठी पीजीआय चंदिगडमध्ये आणण्यात आले होते. येथून नेल्यानंतर सिद्धूला पुन्हा पीजीआयमध्ये आणण्यात आले. मिळालेल्या माहितीनुसार, सिद्धू यांच्या सकाळी झालेल्या चाचण्यांमध्ये काही अडचण आल्याने त्यांना पुन्हा पीजीआयमध्ये आणण्यात आले आहे. त्यानंतर त्यांना हेप्टोलॉजी विभागात दाखल करण्यात आले आहे.

रोड रेज प्रकरणी सिद्धू यांना एक वर्षाची कारावासाची शिक्षा 

काँग्रेस नेते नवज्योतसिंह सिद्धू यांना 1988 च्या रोड रेज प्रकरणी सर्वोच्च न्यायालयाने एक वर्षाची शिक्षा सुनावली आहे. सिद्धू आणि त्यांचा मित्राने एका व्यक्तीला मारहाण केली होती. त्यानंतर उपचारादरम्यान त्यांचा मृत्यू झाला. मात्र, त्या व्यक्तीचा मृत्यू हृदयविकाराच्या झटक्याने झाल्याचे अहवालात उघड झाले आहे. या प्रकरणात सिद्धू यांची ट्रायल कोर्टाने निर्दोष मुक्तता केली आहे. पण हायकोर्टाने सिद्धू यांना 3 वर्षांची शिक्षा सुनावली होती. या निर्णयाला सिद्धू यांच्या वतीने सर्वोच्च न्यायालयात आव्हान देण्यात आले होते. 15 मे 2018 रोजी सर्वोच्च न्यायालयाने उच्च न्यायालयाचा निर्णय रद्द केला. या प्रकरणी सर्वोच्च न्यायालयाने सिद्धू यांना एक हजार रुपयांचा दंड ठोठावला होता. परंतु मे 2018 मध्ये सर्वोच्च न्यायालयाच्या निर्णयावर पुनर्विलोकन याचिकेवर सुनावणी करताना पीडितांनी सिद्धूला एक वर्ष तुरुंगवासाची शिक्षा सुनावली.

इतर महत्वाच्या बातम्या: