वडील महापालिकेत शिपाई, पोरानं उधळला गुलाल; शिपायाचा लेक रेशीमबागेतून शिवसेनेचा नगरसेवक

नागपूरच्या प्रभाग 31 मधून गणेश चर्लेवार शिवसेनेच्या तिकीटावर विजयी झाले आहेत, त्यांच्या विजयानंतर भाजप समर्थकांनी एकच जल्लोष केला असून त्यांनी विजयाचा गुलाल उधळला आहे.

Nagpur mahapalika ganesh charlewar

Source : Abp

नागपूर : अवघ्या महाराष्ट्राचं लक्ष लागलेल्या मुंबईसह नागपूर (Nagpur) महापालिकेतही भाजपने मोठं बहुमत मिळवत सत्ता स्थापन करण्याच्या दिशेने वाटचाल केली आहे. मुंबईत भाजप शिवसेना महायुतीची वाटचाल स्पष्ट बहुमताकडे असल्याचे दिसून येते. तर, लातूर आणि कोल्हापूर महापालिका वगळता निवडणुकांमध्ये भाजपने (BJP) आघाडी घेतल्याचं चित्र आहे. नागपूर महापालिकेच्या 151 जागांसाठी झालेल्या निवडणुकीत भाजपने 100 हून अधिक जागांवर विजय मिळवत बहुमत मिळवलं आहे. याच नागपूरमध्ये एका शिपायाचा मुलगा नगरसेवक बनला आहे. येथील प्रभाग क्रमांक 31 मधून गणेश चर्लेवार विजयी झाले असून त्यांचे वडिल नागपूर महापालिकेत शिपाई पदावर कार्यरत आहेत.

नागपूरच्या प्रभाग 31 मधून गणेश चर्लेवार शिवसेनेच्या तिकीटावर विजयी झाले आहेत, त्यांच्या विजयानंतर भाजप समर्थकांनी एकच जल्लोष केला असून त्यांनी विजयाचा गुलाल उधळला आहे. गणेश यांचे वडील नागपूर महापालिकेत शिपाई पदावर नोकरी करतात. आता, त्याच महापालिकेत त्यांचा मुलगा नगरसवेक असणार आहे. गणेश हा संघाचा कट्टर स्वयंसेवक असून यंदा शिवसेनेच्या कोट्यातून भाजपने त्याला अत्यंत प्रतिष्ठेच्या रेशीमबाग प्रभागातून उमेदवारी दिली होती.

नागपूर मध्ये 101 प्रभागांमध्ये भाजपा आघाडीवर असून 38 जागांवर काँग्रेस आघाडीवर आहे. त्यामुळे, जवळपास भाजपचा विजय येथील महापालिकेत निश्चित मानला जात आहे. नागपूरात राष्ट्रवादी अजीत दादा गटानेही खातं उघडलं असून प्रभाग 21 मधून राष्ट्रवादी काँग्रेस उमेदवार आभा पांडे यांचा जवळपास 656 मतांनी विजय झाला आहे.

हेही वाचा