Dharmveer Movie trailer: धर्मवीर 2 चा ट्रेलर रिलीज, एकनाथ शिंदेंनी एका दगडात अनेक पक्षी मारले, उद्धव ठाकरेंना डिवचणारे 5 डायलॉग

Maharashtra Politics: विधानसभा निवडणुकीपूर्वी धर्मवीर-2 हा चित्रपट प्रदर्शित होणार आहे. हा चित्रपट शिवसेनेचे फायरब्रँड नेते आनंद दिघे यांच्या जीवनावर आधारित असला तरी या चित्रपटातून एकनाथ शिंदे यांच्या राजकीय इमेजला झळाळी मिळाली आहे.

dharmveer 2 movie trailer

Source : ABPLIVE AI

मुंबई: गेल्या काही दिवसांपासून चर्चेत असलेल्या 'धर्मवीर' या मराठी चित्रपटाचा पुढचा भाग लवकरच प्रेक्षकांच्या भेटीला येत आहे. शनिवारी मुंबईतील एका कार्यक्रमात धर्मवीर 2 चा ट्रेलर रिलीज करण्यात आला. या ट्रेलरमधील अनेक संवाद हे उद्धव ठाकरे (Uddhav Thackeray) यांना डिवचणारे असल्याची चर्चा आता राजकीय वर्तुळात सुरु झाली आहे. कारण, धर्मवीर 2 च्या (Dharmaveer 2) ट्रेलरमधून हिंदुत्त्वाच्या मुद्द्यावरुन उद्धव ठाकरे यांना लक्ष्य करण्यात आल्याचे स्पष्टपणे दिसत आहे. ट्रेलरमधून सत्तेत भाजपसोबत जाण्याचा निर्णय का घेतला, याचे उत्तरही देण्यात आले आहे.

प्रवीण तरडे दिग्दर्शित या सिनेमात प्रसाद ओक आणि क्षितिज दाते हे महत्त्वाच्या भूमिकेत दिसणार आहेत. प्रसाद ओकने (Prasad Oak) आनंद दिघे यांची तर क्षितिज दातेने एकनाथ शिंदे (Eknath Shinde) यांची भूमिका साकारली आहे. या चित्रपटाच्या ट्रेलर लाँच सोहळ्याला  मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस यांच्यासह अनेक राजकीय मंडळी उपस्थित होती. येत्या 9 ऑगस्ट रोजी हा सिनेमा प्रेक्षकांच्या भेटीला येणार आहे. त्यामुळे आता या सिनेमात प्रेक्षकांना काय पाहायला मिळणार याची उत्सुकता सगळ्यांना लागून राहिली आहे. 

'धर्मवीर-2'या चित्रपटाची निर्मिती झी स्टुडिओज आणि साहील मोशन आर्ट्स या निर्मिती संस्थेचे मंगेश देसाई,उमेश कुमार बन्सल यांनी केली आहे कथा,पटकथा,संवाद आणि दिग्दर्शनाची जबाबदारी प्रवीण तरडे यांनीच निभावली असून कॅमेराम न म्हणून महेश लिमये यांनी काम पाहिले आहे.  

चित्रपटात उद्धव ठाकरेंना डिवचणार कोणते डायलॉग?

* छत्रपती शिवरायाचं स्वप्न होता हा भगवा रंग, आणि कोणाशी तरी आघाडी करुन तुम्ही विकलात तो भगवा रंग

* काय आहे हिंदुत्त्व, अरे 18 पगड जातीच्या लोकांनी एकमेकांना करु करुन मारलेल्या मिठीत आहे हिंदुत्व

* आपणच जर आपल्या धर्माची इज्जत नाही राखली, तर दुसरे कोणी येऊन ती उतरवतील

* सावरकर समझने के लिए देशभक्त बनना पडेगा, किसी एक फॅमिली का कुत्ता नही

* नेता स्वत:च्या घरात घरात नाही, लोकांच्या दारातच शोभून दिसतो, म्हणूनच तुम्ही लोकांच्या दारातील नेते व्हा

* 20 वर्षांपूर्वी याच ठाण्यात एक दाढीवाला बेसावध होता, पण जाताना दुसऱ्या दाढीवाल्याला सावध करुन गेलाय

 

 

 

 

 

View this post on Instagram

 

 

 

 

 

 

 

 

 

 

 

A post shared by Mangesh Desai (@mangeshdesaiofficial)

इतर बातम्या