काँग्रेस कार्यकर्ते सुस्तावलेले, सोन्याचा चमचा घेऊन आलेल्यांना वाटतं आपण सत्तेतचं आहोत, माजी मंत्र्यांचा घरचा आहेर

Vasant Purke on Congress, Akola : माजी मंत्री वसंत पुरके यांनी काँग्रेस नेत्यांना घरचा आहेर दिलाय.

Photo Credit - abp majha reporter

Source : ABPLIVE AI

Vasant Purke on Congress, Akola : बातमी आहे राज्यातील काँग्रेसचे ज्येष्ठ नेते आणि माजी शिक्षण मंत्री प्रा. वसंत पुरके (Vasant Purke) यांनी काँग्रेसला दिलेल्या घरच्या आहेराची.... काँग्रेस नेते आणि कार्यकर्त्यांना सुनावलेल्या खड्या बोलाची... तोंडात सोन्याचा चमचा घेऊन आलेल्यांना आजही आपण सत्तेत असल्याचंच वाटतंय. काँग्रेस कार्यकर्ते सुस्तावले आहेत.... निवडणुकीतील पराभवानंतरही ते पेटून का उठत नाहीय?, असा सवाल माजी मंत्री  प्रा. वसंत पुरके यांनी केलाये. ते अकोला येथे एका पत्रकार परिषदेत बोलत होते. काँग्रेसने आज राज्यभरात निवडणूक आयोगाचा दुटप्पीपणा आणि राष्ट्रीय मतदार दिनानिमित्त जिल्हा-जिल्ह्यात मोठ्या नेत्यांच्या पत्रकार परिषदा आयोजित केल्या होत्या.‌ यासाठी ते अकोल्यात आले होते.

डॉ. बाबासाहेब आंबेडकर, संविधान आणि माजी पंतप्रधान डॉ. मनमोहन सिंग यांचा अपमान झाल्यानंतरही काँग्रेस कार्यकर्ते म्हणावे तसे पेटून उठले नसल्याची खंत त्यांनी व्यक्त केलीय. यावेळी त्यांनी भाजपवरही स्तुतीसुमनं उधळलीय. ते सतत 60 वर्षे हरल्यानंतरही निराश झाले नाहीय. दोन खासदारांपासून सुरुवात करून ते आता सत्तेत पोहोचल्याचा दाखलाही त्यांनी दिलाय. मग काँग्रेस एक-दोन निवडणुका हरल्यानंतर निराशेच्या गर्तेत का गेलीय?, असा‌ सवाल‌ केलाय. आपण काँग्रेस कार्यकर्त्यांमधली निराशा झटकण्यासाठी लवकरच संपूर्ण विदर्भात फिरणार असल्याचं प्रा. पुरके म्हणालेय.

दरम्यान विधानसभा निवडणुकीत 70 ते 75 लाख मते कशी वाढलीत?, असा सवाल करीत त्यांनी विधानसभा निवडणूक निकाल प्रश्नचिन्ह उपस्थित केलंय. तर केंद्रातील सरकारी यंत्रणांचा गैरवापर करून महाराष्ट्रातली सत्ता संपादन करण्यात भाजपने यश मिळवल्याचं ते म्हणालेय.

प्रा. वसंत पुरके ज्येष्ठ काँग्रेस नेते आणि माजी मंत्री.

सोन्याचा चमचा घेऊन आलेल्यांना आजही आपण सत्तेत असल्याचंच वाटतंय.
काँग्रेस कार्यकर्ते सुस्तावले आहेत.
 निवडणुकीतील पराभवानंतरही काँग्रेस कार्यकर्ते पेटून का उठत नाहीत?.
डॉ. बाबासाहेब आंबेडकर, संविधान आणि माजी पंतप्रधान डॉ. मनमोहन सिंग यांचा अपमान झाल्यानंतरही काँग्रेस कार्यकर्ते म्हणावे तसे पेटून उठले नाहीत. 
भाजप कार्यकर्ते सतत 60 वर्षे हरल्यानंतरही निराश झाले नाहीय. 
मग काँग्रेस एक-दोन निवडणुका हरल्यानंतर निराशेच्या गर्तेत का गेलीय?.
आपण काँग्रेस कार्यकर्त्यांमधली निराशा झटकण्यासाठी लवकरच संपूर्ण विदर्भात फिरणार.
 विधानसभा निवडणुकीत  70 ते 75 लाख मते कशी वाढलीत?.
केंद्रातील सरकारी यंत्रणांचा गैरवापर करून महाराष्ट्रातली सत्ता संपादन करण्यात भाजपला यश.

इतर महत्त्वाच्या बातम्या