(Source: ECI/ABP News/ABP Majha)
Onion Export : अखेर कांदा निर्यात खुली, लासलगावात कालपेक्षा आजच्या दरात वाढ, जाणून घ्या कांद्याला किती मिळतोय भाव?
Onion Export : केंद्राने कांद्यावरील निर्यातबंद हटवली आहे. यामुळे सर्वात मोठी बाजारपेठ असलेल्या लासलगावात काल (दि. ०३) पेक्षा आजच्या सरासरी दरात वाढ झाल्याचे दिसून येत आहे.
Onion Export : ऐन लोकसभा निवडणुकीच्या (Lok Sabha Election 2024) काळात केंद्र सरकारने (Central Government) मोठा निर्णय घेतला आहे. केंद्राने कांद्यावरील निर्यातबंद हटवली (Onion Export) आहे. तसेच 550 डॉलर प्रति मेट्रिक टन किमान निर्यात मूल्य (Export Duty) ठेवण्यात आले आहे. यामुळे कांद्याची निर्यात करणं शक्य होणार असून शेतकऱ्यांना (Farmers) दिलासा देण्याचा प्रयत्न सरकारकडून करण्यात आला आहे.
दि. 7 डिसेंबर 2023 ला निर्यातबंदी लागू करण्यात आल्याने याचा मोठा फटका शेतकरी आणि निर्यातदारांना बसला होता. त्यानंतर NCEL च्या माध्यमातून काही देशात निर्यात सुरू करण्यात आली होती. मात्र अनेक तक्रारी येत होत्या. त्यामुळे केंद्रीय वाणिज्य मंत्रालयाने नवीन निर्णय घेतला असून याचे निर्यातदारांनी स्वागत केले आहे.
या पार्श्वभूमीवर लासलगाव बाजार समितीत (lasalgaon Bajar Samiti) कांद्याला सरासरी 2 हजार 300 रुपये भाव मिळत आहे. तर जास्तीत जास्त 2 हजार 551 भाव मिळतोय. कालच्या आणि आजच्या दरात सरासरी 800 रुपये प्रति क्विंटल कांद्याचे भाव वाढल्याचे चित्र आहे. केंद्रीय वाणिज्य मंत्रालयाचे नोटीफिकेशन निघाल्यानंतर कांद्याचा दरात सुधारणा झाली आहे. यामुळे शेतकरी वर्गात समाधान व्यक्त केले जात आहे.
लासलगाव बाजार समितीतील शुक्रवारचे कांद्याचे दर
कमीत कमी - 700
जास्तीत जास्त - 1 हजार 801
सरासरी - 1 हजार 551
काय म्हणाल्या केंद्रीय मंत्री डॉ. भारती पवार?
कांदा निर्यातबंदी हटवल्यानंतर केंद्रीय आरोग्य व कुटुंबकल्याण राज्यमंत्री डॉ. भारती पवार (Dr Bharti Pawar) यांनी एबीपी माझाशी संवाद साधताना म्हटले आहे की, आम्ही सगळ्यांनी मागणी केली होती की, काहीही करा आणि कांदा निर्यात खुली करा. या निर्णयामुळे कांद्याला चांगला भाव मिळेल, ही अत्यंत चांगली गोष्ट आहे. या नोटिफिकेशनमध्ये स्पष्टता आहे की, किमान निर्यात मूल्य 550 प्रति मेट्रिक टन असेल. त्यामुळे आता कोणीही मनात संभ्रम बाळगू नये, निर्यात पूर्ण खुली झाली आहे. मी पंतप्रधान नरेंद्र मोदी (PM Narendra Modi), मुख्यमंत्री एकनाथ शिंदे (CM Eknath Shinde), उपमुख्यमंत्री देवेंद्र फडणवीस (DCM Devendra Fadnavis), उपमुख्यमंत्री अजित पवार (DCM Ajit Pawar) यांचे आभार मानते, अशी प्रतिक्रिया त्यांनी दिली आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
