Chhagan Bhujbal : नाशिकच्या जागेवरून रस्सीखेच सुरु असतानाच भुजबळांची आज पत्रकार परिषद, मोठी घोषणा करणार?
Chhagan Bhujbal : नाशिक लोकसभा मतदारसंघाचा तिढा महायुतीत अद्याप कायम आहे. त्यातच आता छगन भुजबळ हे आज माध्यमांशी संवाद साधणार आहेत. छगन भुजबळ नेमकं काय बोलणार याकडे सर्वांचे लक्ष लागले आहे.
Chhagan Bhujbal : महाविकास आघाडीकडून (Mahavikas Aghadi) शिवसेना ठाकरे गटाने (Shiv Sena UBT) नाशिक लोकसभा मतदारसंघासाठी (Nashik Lok Sabha Constituency) सिन्नरचे माजी आमदार राजाभाऊ वाजे (Rajabhau Waje) यांना उमेदवारी जाहीर केली आहे. राजाभाऊ वाजे यांच्याकडून नाशिकमध्ये जोरदार प्रचारालाही सुरुवात करण्यात आली आहे. तर महायुतीत मात्र अद्याप नाशिकच्या जागेवरून तिढा कायम आहे.
एकीकडे शिवसेना शिंदे गटाचे विद्यमान खासदार हेमंत गोडसे (Hemant Godse) यांनी पुन्हा एकदा उमेदवारीसाठी जोर लावला आहे. तर राष्ट्रवादी अजित पवार गटाचे मंत्री छगन भुजबळ (Chhagan Bhujbal) यांनी देखील नाशिकच्या जागेवर दावा केल्याने या जागेचा तिढा अजूनही सुटलेला नाही. तर भाजपकडून देखील नाशिकमध्ये आमची ताकद अधिक असल्याचा दावा करत या जागेची मागणी करण्यात आली आहे.
छगन भुजबळ नेमकं काय बोलणार?
आता मंत्री छगन भुजबळ हे महत्त्वाच्या विषयावर आज तीन वाजता पत्रकार परिषद घेणार आहेत. मुंबईतल्या राष्ट्रवादी प्रदेश कार्यालयात ते माध्यमांशी संवाद साधतील. नाशिक लोकसभेची निवडणूक लढवण्यासाठी छगन भुजबळ इच्छुक आहेत. मात्र अद्याप या जागेचा निर्णय झालेला नाही. त्यामुळे आजच्या पत्रकार परिषदेत छगन भुजबळ नेमकं काय बोलणार? याकडे आता सर्वांचे लक्ष लागले आहे.
नाशिकची जागा नक्की कुणाला?
दरम्यान, काही दिवसांपूर्वीच नाशिक लोकसभेवरचा दावा आम्ही सोडला नसल्याची प्रतिक्रिया राष्ट्रवादीचे प्रदेशाध्यक्ष सुनील तटकरे (Sunil Tatkare) यांची एबीपी माझाशी बोलताना दिली होती. तर शिवसेना शिंदे गट देखील नाशिकची जागा शिवसेनेलाच मिळावी, यासाठी ठाम आहे. आता नाशिकची जागा नक्की कुणाला सुटणार? हे पाहणे महत्वाचे ठरणार आहे.
इतर महत्वाच्या बातम्या
Nashik Lok Sabha : नाशिक लोकसभेचा तिढा कधी सुटणार? सुनील तटकरेंनी थेट मुहूर्तच सांगितला!
हेमंत गोडसे छगन भुजबळांच्या पाया पडले, काळाराम मंदिरात भेट; नेमकं काय घडलं?
महत्त्वाच्या बातम्या
ट्रेंडिंग न्यूज
