अजित पवार भाजपच्या रेशीम बाग येथील कार्यक्रमाला जाणार नाहीत
नागपूर : उपमुख्यमंत्री अजित पवार (Ajit Pawar) उद्या (मंगळवार) नागपुरातील रेशीम बाग (reshim bagh nagpur) येथे जाणार नाहीत.
नागपूर : उपमुख्यमंत्री अजित पवार (Ajit Pawar) उद्या (मंगळवार) नागपुरातील रेशीम बाग (reshim bagh nagpur) येथे जाणार नाहीत. भाजपच्या (BJP) वतीने महायुतीतील घटक पक्ष असणाऱ्या शिवसेना व राष्ट्रवादी या पक्षांच्या आमदारांना रेशीमबागेत डॉक्टर हेडगेवार (Keshav Baliram Hedgewar) व गोळवलकर गुरुजी (Madhav Sadashivrao Golwalkar) यांना अभिवादन करण्याकरता उपस्थित राहण्याचं निमंत्रण देण्यात आले होते. अजित पवार (Ajit Pawar) येथे जाणार नसल्याची माहिती खात्रीलायक सुत्रांनी दिली आहे.
भाजपचे मुख्यप्रतोद आशिष शेलार यांच्या वतीने आमदारांना उपस्थित राहण्याचे निमंत्रण देण्यात आले होते. अजित पवार रेशीम बाग येथे जाणार नाही. मंगळवारी सकाळी भाजपचे सर्व आमदार डॉक्टर हेडगेवार व गोळवलकर गुरुजी यांना अभिवादन करण्यासाठी उपस्थित राहणार आहेत. यामधून अजित पवार यांनी काढता पाय घेतलाय. अजित पवारांसोबत असणारे इतर आमदार जाणार का? याबाबत मात्र अद्याप कोणतीही माहिती समोर आलेली नाही.
राजकीय वर्तुळात अजित पवार कार्यक्रमाला उपस्थित राहणार का? याकडे सर्वांचे लक्ष होतं. परंतु पूर्वनियोजित कार्यक्रमांमुळे अजित पवार जाणार नसल्याची विश्वसनीय सूत्रांनी माहिती दिली आहे.
महत्त्वाच्या बातम्या
