दोन नंबरचे धंदे करणाऱ्यांना, गुन्हेगारांना पक्षात घेऊ नका,...; चंद्रशेखर बावनकुळेंनी पक्षप्रवेशाच्या कार्यक्रमात स्पष्टच सांगितलं
पंतप्रधान मोदींच्या RSS मुख्यालयाच्या भेटीवरून केलेल्या वक्तव्यावरही बावनकुळेंनी वडेट्टीवारांवर निशाणा साधला.
Nagpur:गुन्हेगारी पार्श्वभूमी असणाऱ्या नेत्यांमुळे,कार्यकर्ते आणि पदाधिकाऱ्यांमुळे अडचणीत येण्याचे प्रमाण वाढल्यानंतर जिल्हा परिषद पंचायत समिती निवडणुकांसाठी भाजपने नवीन लोक पक्षात घेताना आता विचार करायला सुरुवात केलीय. गुन्हेगारी पार्श्वभूमीचे अवैध धंदे करणारे लोक पक्षात घेऊ नका,असे लोक आपल्या पक्षात नको अशी भूमिका भाजप प्रदेशाध्यक्ष चंद्रशेखर बावनकुळे यांनी पक्षप्रवेशावेळी नागपुरात घेतली. राज्यात स्थानिक स्वराज्य संस्थांच्या निवडणुकांसाठी भाजपची मोर्चेबांधणी सुरू असून राज्यात एक कोटी 46 लाख सदस्य झाले आहेत .एक कोटी 51 लाखाचा टारगेट आहे .त्यामुळे तुमच्या गावात नव्या सदस्य नोंदणीचे प्रयत्न सुरू करा अशा सूचनाही बावनकुळेंनी कार्यकर्ते पदाधिकाऱ्यांना दिल्या . (Chandrashekhar Bavankule) दरम्यान, पंतप्रधान मोदींच्या RSS मुख्यालयाच्या भेटीवरून केलेल्या वक्तव्यावरही बावनकुळेंनी वडेट्टीवारांवर निशाणा साधला.
नागपूर जिल्ह्यातील 20 सरपंच त्यांच्या शेकडो कार्यकर्त्यांसह आज भाजपमध्ये प्रवेश करणार होते .त्यासाठी भाजप प्रदेशाध्यक्ष चंद्रशेखर बावनकुळे यांच्या जनसंपर्क कार्यालयात पक्षप्रवेश सोहळा झाला .यात जिल्ह्यातील सर्व आमदार आणि इतर पदाधिकारी उपस्थित होते . यावर बोलताना जिल्हा परिषद पंचायत समिती निवडणुकांची तयारी करायची असेल तर किमान 1000 सदस्य करावे लागतील असे बावनकुळे म्हणाले आहेत. .
काय म्हणाले चंद्रशेखर बावनकुळे ?
विकसित भारत आणि विकसित महाराष्ट्र च्या प्रयत्नांना साथ देण्यासाठी हे सरपंच आणि कार्यकर्ते भाजपमध्ये येत आहे.देशात 13 कोटी तर राज्यात 1 कोटी 46 लाख सदस्य झाले आहे 1 कोटी 51 लाखाचा आपला टार्गेट आहे.. त्यामुळे उद्यापासून तुमच्या गावात नव्या सदस्य नोंदणीचे प्रयत्न सुरू करा..50 सदस्य केल्याशिवाय तुम्हाला सक्रिय सदस्य म्हणून नोंदवता येत नाही आणि त्याशिवाय तुम्हाला वेगवेगळ्या समित्यांवर किंवा पक्षामधील पदाधिकारी म्हणून घेता येत नाही.जिल्हा परिषद, पंचायत समिती निवडणूक लढायची असेल तर किमान 1000 सदस्य करावे लागेल.गुन्हेगारी पार्श्वभूमीचे, अवैध धंदे करणारे लोकं पक्षात घेऊ नका. असे लोकं आपल्या पक्षात नको.संघटनेत जास्त काम करेल त्याला आपण संधी देऊ. असे बावनकुळे म्हणाले. दरम्यान, वडेट्टीवारांच्या वक्तव्यावरही त्यांनी प्रत्यूत्तर दिले.
वडेट्टीवारांच्या वक्तव्यावर प्रत्यूत्तर
ते म्हणाले,' वडेट्टीवारांना संघ समजायला खूप वेळ लागेल. ते पराभवाच्या मानसिकतेतून अजून बाहेर आले नाही. संघाला समजून घेण्यासाठी त्यांना प्रशिक्षण घ्यावं लागेल. त्यांनी समजून घेतलं पाहिजे की त्यांचा एवढा मोठा पराभव का झाला.. नेहमी मतांचा लांगून चांगून केले, म्हणून त्यांचा पराभव झाला.. त्यांनी कधीच विकासाचे राजकारण केले नाही. नेहमी जातीजातीमध्ये तेढ निर्माण करण्याचे काम केले.त्याद्वारेचत्यांनी सत्ता भोगली आहे. त्यांच्या पायाखालची वाळू सरकली आहे.. संघाबद्दल बोलावं एवढी त्यांची उंची नाही असं म्हणत भाजप प्रदेशाध्यक्ष चंद्रशेखर बावनकुळेंनी विजय वडेट्टीवारांवर निशाणा साधलाय. काँग्रेसनेते विजय वडेट्टीवारांनी आरएसएसच्या मुख्यालयाला दिलेल्या भेटीवरून केलेल्या वक्तव्यावर भाजप प्रदेशाध्यक्ष चंद्रशेखर बावनकुळेंनी प्रत्यूत्तर दिले.
हेही वाचा:
महत्त्वाच्या बातम्या
ट्रेंडिंग न्यूज
