Salman Khan : पनवेलमधील शेजा-याविरोधात सलमान खानचा कोर्टात मानहानीचा दावा
Salman Khan's defamation case : अतिक्रमणाच्या मुद्यावरून वाद असताना नाहक वैयक्तिक पातळीवर आरोप होत असल्याचा आरोप
Salman Khan's defamation case : जमिनीच्या व्यवहारात आपल्या कुटुबियांविरोधात अपमानास्पद टिपण्णी केल्याप्रकरणी अभिनेता सलमान खाननं त्याच्या शेजाऱ्याविरोधात अब्रुनुकसानीचा दावा केला आहे. सलमानने मुंबईच्या दिवाणी सत्र न्यायालयात पनवेल येथील फार्म हाऊसजवळील एका जमिनीच्या मालकाविरोधात हा अब्रुनुकसानीचा खटला दाखल केला आहे. (Salman Khan's defamation case against NRI neighbor at Panvel)
सलमाननं केलेल्या दाव्यानुसार, पनवेल येथील त्याच्या फार्महाऊस जवळच असलेल्या भूखंडाचे मालक केतन कक्कड यांनी एका यूट्युब चॅनलच्या माध्यमातून आपली बदनामी केली आहे. अशा प्रकारच्या अपमानकारक व्हिडिओला ब्लॉक करावं आणि तात्काळ हटवून टाकावं, असे निर्देश देण्याची विनंतीही सलमाननं या याचिकेतून केली आहे. त्यासोबतच सदर व्हिडीओतील अन्य दोन जणांना प्रतिवादी करण्यात आले आहे. याप्रकरणी ट्विटर, फेसबुक, यूट्युब आणि गुगललाही सलमाननं प्रतिवादी केले आहे. या याचिकेवर न्यायाधीश अनिल लद्दाद यांच्यासमोर गुरूवारी सुनावणी पार पडली.
क्ककड यांनी व्हिडीओ, पोस्ट आणि ट्विटरवरून केलेले आरोप हे खोटे, अपमानास्पद आणि बदनामी असून त्यामुळे सलमान आणि त्यांच्या कुटुंबातील सदस्यांना नाहक त्रासाला सामोरे जावे लागत असल्याचा दावा सलमानच्यावतीनं बाजू मांडताना केला गेला. मुळात सलमान आणि एनआरआय असलेल्या कक्कडमध्ये जागेच्या अतिक्रमणावरून वाद आहे. मात्र कक्कड यानं केलेले हे सर्व आरोप वैयक्तिक पातळीवरचे आहेत. चाईल्ड ट्रॅफिकिंग, ड्रग ट्रॅफिकिंग, बलात्कार, सुशांत सिंगला ठार मारले, अंडरवर्ल्डशी संबंध, लँड माफिया, दहशतवादी असे अनेक आरोप कोणताही पुरावा नसताना कक्कड यांच्याकडनं केले गेले आहेत. तसेच या प्रकरणाला धार्मिक रंगही देण्याचा प्रयत्नही केला गेला आहे. असा आरोपही सलमानच्यावतीनं कोर्टात करण्यात आला.
याची दखल घेत कोर्टानं हा खटला प्रलंबित असेपर्यंत संबंधित जमीन मालकाने कुठलीही बदनामीकारक विधाने करू नयेत, असे अंतरिम आदेश तातडीनं देण्याची विनंतीही त्यांनी केली गेली. मात्र, तूर्तास तसे कोणतेही आदेश न देता कोर्टानं सुनावणी उद्या शुक्रवारपर्यंत तहकूब केली आहे.
महत्त्वाच्या बातम्या
ट्रेंडिंग न्यूज
