![ABP Premium](https://cdn.abplive.com/imagebank/Premium-ad-Icon.png)
पतीच्या दुसऱ्या लग्नात पहिल्या पत्नीचा धुमाकूळ, राडा घालत मोडलं लग्न
वसईत पार पडत असलेल्या लग्नात हा प्रकार घडला. पत्नीनं आपल्या पतीच्या दुसऱ्या लग्नात राडेबाजी केली. ती एवढ्यावरच थांबली नाही तर तीनं पतीचं दुसरं लग्नच उधळून लावलं आहे.
![पतीच्या दुसऱ्या लग्नात पहिल्या पत्नीचा धुमाकूळ, राडा घालत मोडलं लग्न mumbai vashi news wife gives cheating allegations on husband पतीच्या दुसऱ्या लग्नात पहिल्या पत्नीचा धुमाकूळ, राडा घालत मोडलं लग्न](https://feeds.abplive.com/onecms/images/uploaded-images/2021/11/26/1db54a3fa9c7d690e9b22063a195357a_original.jpg?impolicy=abp_cdn&imwidth=1200&height=675)
mumbai : मुंबई : पहिले लग्न झालेले असताना दुसरे लग्न करणे एका नवरोबाला चांगलेच महागात पडले आहे. दुसरे लग्न धुमधडाक्यात सुरू असताना पहिल्या पत्नीने लग्नात चांगलाच धुमाकूळ घातला. अचानक घडलेल्या या प्रसंगाने विवाहाला उपस्थित असलेल्या पाहुण्यांना आर्श्चर्याचा धक्काच बसला. या घटनेने नवरदेवही हैराण झाला.
वसईत पार पडत असलेल्या लग्नात हा प्रकार घडला. पत्नीनं आपल्या पतीच्या दुसऱ्या लग्नात राडेबाजी केली. ती एवढ्यावरच थांबली नाही तर तीनं पतीचं दुसरं लग्नच उधळून लावलं आहे. पतीचं लग्न सुरू असतानाच पहिल्या पत्नीनं हॉलमध्ये धाड घालून राडा केला व अंतिम टप्प्यात सुरू असलेलं लग्नच मोडून टाकलं.
वसई पूर्वेच्या वसंतनगरी परिसरातील जोशी पार्टी हॉलमध्ये हा प्रकार घडला. अर्जुन सिंग असं पतीचं नाव असून, कांचन सिंग असं पत्नीचं नाव आहे. 2012 मध्ये या दोघांचा वैदीक पद्धतीने विवाह झाला होता. पतीने या विवाहात हुंडाही घेतला होता. मात्र सहा महिन्यातच पतीने पत्नीला दूर केले.
या दोघांच्या घटस्फोटाचा खटला न्यायालयात सुरू असतानाच, रविवारी पती दुसरं लग्न करत असल्याचं कांचनला समजलं आणि तिने मग भर लग्न मंडपात येऊन राडा घातला. पत्नीने दाखवलेल्या या धाडसामुळे नवरदेवाच्या पहिल्या लग्नाचा भांडाफोड झाला व दुसरं लग्न होता होता थांबलं. सुमारे दोन तास सुरू असलेल्या या राड्याची माहिती पोलिसांना मिळाल्यानंतर त्यांनी मध्यस्ती करत वातावरण शांत केलं. पतीने केलेल्या या कृत्याबाबत त्याच्यावर कठोर कारवाई करावी अशी मागणी पीडित पत्नीने केली आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
इतर बातम्या
भाजपचा महाविकास आघाडीला धक्का; अकोल्यात शिवसेनेचे बाजोरिया यांचा धक्कादायक पराभव
BJP : भाजपाचा महाविकास आघाडीला धोबीपछाड; आघाडीची 96 मते फोडली
विधान परिषद निवडणूक: नागपूरमध्ये चमत्कार झालाच नाही, भाजपचा दणदणीत विजय, महाविकास आघाडीची मते फुटली
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)