Mega Block : मुंबईकरांनो, मध्य आणि हार्बर मार्गांवर मेगाब्लॉक; घराबाहेर पडण्याआधी लोकलचं वेळापत्रक तपासा
Mumbai Local Train : मुंबईत रविवारी लोकल ट्रेनने प्रवास करण्याच्या विचारात असाल तर आधी लोकलचं वेळापत्रक तपासा. देखभालीच्या कामांसाठी मध्य आणि हार्बर मार्गांवर मेगाब्लॉक घेण्यात येणार आहे.
Mumbai Local Train Mega Block 15 January : मुंबईकरांनो (Mumbai) रविवारी घराबाहेर पडणार असाल आणि लोकल ट्रेनने प्रवास करणार असाल, तर तुमच्यासाठी महत्त्वाची बातमी आहे. 15 जानेवारी रोजी रविवारी देखभालीच्या कामांसाठी मुंबई लोकल रेल्वे मार्गावर मेगाब्लॉक (Local Train Mega Block) घेण्यात येणार आहे. आज मुंबई उपनगरीय रेल्वेच्या (Mumbai Local Mega Block) मध्य आणि हार्बर मार्गांवर मेगाब्लॉक घेण्यात येणार आहे. त्यामुळे विकेंडला घराबाहेर पडताना रेल्वेचं बदललेलं वेळापत्रक जाणून घ्या आणि नंतरच प्रवास करा.
मध्य आणि हार्बर मार्गांवर मेगाब्लॉक
मुंबई लोकलच्या रेल्वे रुळांच्या दुरुस्तीच्या कामांसाठी आणि सिग्नल यंत्रणेच्या देखभालीच्या कामासाठी हा मेगाब्लॉक घेण्यात येणार आहे. या मेगाब्लॉकमुळे मध्य (Central Railway), पश्चिम (Western Railway) आणि हार्बरच्या (Harbour Railway) लोकल वाहतुकीवर परिणाम होणार आहे. त्यामुळे मुंबईकरांनो रविवारी घराबाहेर पडणार असाल आणि लोकलनं प्रवास करण्याचा विचारात असाल, तर लोकलचं वेळापत्रक वाचा.
माटुंगा - मुलुंड अप आणि डाउन जलद मार्गावर सकाळी 11.05 ते दुपारी 3.55 पर्यंत
- छत्रपती शिवाजी महाराज टर्मिनस मुंबई येथून सकाळी 10.25 ते दुपारी 3.35 पर्यंत सुटणाऱ्या डाउन जलद सेवा माटुंगा आणि मुलुंड दरम्यान डाउन धीम्या मार्गावर वळवल्या जाऊन त्यांच्या संबंधित स्थानकांवर वेळापत्रकानुसार थांबतील. ठाण्याच्या पुढे जलद असलेल्या गाड्या मुलुंड येथे डाउन जलद मार्गावर पुन्हा वळवण्यात येतील आणि निर्धारित वेळेच्या 15 मिनिटे उशिराने गंतव्यस्थानी पोहोचतील.
- ठाणे येथून सकाळी 10.50 ते दुपारी 3.46 वाजेपर्यंत अप जलद सेवा मुलुंड आणि माटुंगा दरम्यान अप धीम्या मार्गावर वळविण्यात येऊन वेळापत्रकानुसार त्यांच्या संबंधित स्थानकांवर थांबवल्या जातील. पुढे या अप जलद सेवा अप जलद मार्गावर पुन्हा वळवण्यात येतील आणि नियोजित वेळेच्या 15 मिनिटे उशिराने गंतव्यस्थानी पोहोचतील.
पनवेल- वाशी अप आणि डाउन हार्बर मार्गावर सकाळी 11.05 ते सायंकाळी 4.05 पर्यंत (नेरुळ/बेलापूर-खारकोपर लाईन वगळून)
- पनवेल/बेलापूर येथून सकाळी 10.33 ते दुपारी 3.49 वाजेपर्यंत सुटून छत्रपती शिवाजी महाराज टर्मिनस मुंबई/गोरेगावकडे जाणाऱ्या अप हार्बर मार्गावरील सेवा आणि छत्रपती शिवाजी महाराज टर्मिनस मुंबई येथून सकाळी 9.45 ते दुपारी 3.12 या वेळेत पनवेल/बेलापूरकडे जाणाऱ्या अप हार्बर मार्गावरील सेवा रद्द राहतील.
- पनवेल येथून सकाळी 11.02 ते दुपारी 3.53 वाजेपर्यंत ठाणे करीता सुटणाऱ्या अप ट्रान्सहार्बर मार्गावरील सेवा आणि पनवेल येथून सकाळी 10.01 ते दुपारी 3.20 वाजेपर्यंत ठाणेकरीता सुटणाऱ्या ट्रान्सहार्बर मार्गावरील सेवा रद्द राहतील.
- दरम्यान, ब्लॉक कालावधीत छत्रपती शिवाजी महाराज टर्मिनस मुंबई ते वाशी दरम्यान विशेष लोकल धावतील. ब्लॉक कालावधीत ठाणे-वाशी/नेरुळ स्थानकांदरम्यान ट्रान्सहार्बर लाईन सेवा उपलब्ध असेल. ब्लॉक कालावधीत बेलापूर/नेरुळ - खारकोपर दरम्यानच्या उपनगरीय रेल्वे सेवा वेळापत्रकानुसार धावतील.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
