Mumbai Corona Update : मुंबईतील रुग्णसंख्येतील घट कायम, आज 1 हजार 857 नवे कोरोनाबाधित

Mumbai Corona Update : मुंबईत कोरोनाबाधितांची संख्या मागील काही दिवसांपासून कमी होत असल्याने प्रशासन आणि नागरिकांची चिंता काहीशी कमी झाली आहे. सोमवारी 1 हजार 857 नवे कोरोना बाधित मुंबईत आढळले आहेत.

Corona_Update

Mumbai Coronavirus Cases : सोमवारी मुंबईत 1 हजार 857 नवे कोरोना (Corona) रुग्ण आढळले आहेत. मागील काही दिवसांतील ही सर्वांत कमी रुग्णसंख्या असल्याने मुंबईकरांना मोठा दिलासा मिळाला आहे. कमी होणाऱ्या रुग्णसंख्येमुळे मुंबईकरांसह पालिका प्रशासनाची डोकेदुखीही कमी झाली आहे. मुंबईत रविवारी 2 हजार 250 रुग्ण आढळले होते. त्यानंतर आज ही रुग्णसंख्या आणखी कमी झाली आहे. पण राज्यात रुग्णसंख्या वाढत असल्याने नियमांचे पालन करणं मात्र महत्त्वाचं असल्याचं प्रशासनाकडून सांगण्यात येत आहे. 

मुंबई महापालिकेने दिलेल्या माहितीनुसार, मुंबईत सोमवारी 1 हजार 857 नवे रुग्ण आढळले असून 11 जणांचा उपचारादरम्यान मृत्यू झाला आहे. ज्यामुळे कोरोनामुळे मृत्यू पावलेल्यांची संख्या 16 हजार 546 झाली आहे. तर मागील 24 तासांत 503 जणांनी कोरोनावर मात केली आहे. त्यामुळे सध्या मुंबईचा रिकव्हरी रेट 96 टक्के इतका आहे.  

मुंबईतील कोरोनारुग्ण संख्येच्या आकडेवारीवर एक नजर.. 

दिनांक	मुंबईतील रुग्णसंख्या
10 जानेवारी	13,648
11 जानेवारी	11,647
12 जानेवारी	16,420
13 जानेवारी	13, 702
14 जानेवारी	11, 317
15 जानेवारी	10, 661
16 जानेवारी	7, 895
17 जानेवारी	5, 956
18 जानेवारी	6, 149
19 जानेवारी	6, 032
20 जानेवारी	5,708
21 जानेवारी	5,008
22 जानेवारी	3,568
23 जानेवारी	2250
24 जानेवारी	1857

सध्या मुंबईतील 27 इमारती सील करण्यात आल्या आहेत. तसंच आज नव्याने सापडलेल्या 1 हजार 857 रुग्णांपैकी 234 रुग्णांनाच रुग्णालयात दाखल करण्यात आल्याने पालिकेकडील 37 हजार 742 बेड्सपैकी केवळ 3 हजार 855 बेड वापरात आहेत.

इतर बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha