Mumbai Corona Update : मुंबईत नव्या कोरोनाबाधितांच्या तुलनेत कोरोनामुक्तांची संख्या अधिक, गुरुवारी 1 हजार 384 नवे कोरोनाबाधित तर, 5 हजार 686 कोरोनामुक्त

Mumbai Corona Update : मुंबईत नव्याने आढळणाऱ्या कोरोनाबाधितांच्या तुलनेत कोरोनामुक्त होणाऱ्यांची संख्या अधिक असल्याने मुंबईकरांना दिलासा मिळाला आहे.

Mumbai_Corona_Update-_16_January

Mumbai Coronavirus Cases : मुंबईमध्ये नव्याने आढळणाऱ्या कोरोनाबाधितांची संख्या मागील काही दिवस कमी होत असून आज कोरोनामुक्त झालेल्यांची संख्याही मोठ्या प्रमाणात असल्याने मुंबईकरांसह प्रशासनाला मोठा दिलासा मिळाला आहे. मागील 24 तासांत मुंबई 1 हजार 384 नवे कोरोना (Corona) रुग्ण आढळले आहेत. कालच्या तुलनेत रुग्णसंख्या काही प्रमाणात आणखी कमी झाली आहे. मुंबईत सद्यस्थितीला 18 हजार 40 सक्रिय कोरोनारुग्ण आहेत.

महापालिकेने दिलेल्या माहितीनुसार, मुंबईत गुरुवारी 1 हजार 384 नवे रुग्ण आढळले असून 12 जणांचा उपचारादरम्यान मृत्यू झाला आहे. ज्यामुळे कोरोनामुळे मृत्यू पावलेल्यांची संख्या 16 हजार 581 झाली आहे. तर मागील 24 तासांत तब्बल 5 हजार 686 जणांनी कोरोनावर मात केली आहे. त्यामुळे सध्या मुंबईचा रिकव्हरी रेट 96 टक्के इतका आहे.  

मुंबईतील कोरोनारुग्ण संख्येच्या आकडेवारीवर एक नजर.. 

दिनांक	मुंबईतील रुग्णसंख्या
10 जानेवारी	13,648
11 जानेवारी	11,647
12 जानेवारी	16,420
13 जानेवारी	13, 702
14 जानेवारी	11, 317
15 जानेवारी	10, 661
16 जानेवारी	7, 895
17 जानेवारी	5, 956
18 जानेवारी	6, 149
19 जानेवारी	6, 032
20 जानेवारी	5,708
21 जानेवारी	5,008
22 जानेवारी	3,568
23 जानेवारी	2250
24 जानेवारी	1857
25 जानेवारी	1815
26 जानेवारी	1858
27 जानेवारी	1384

सध्या मुंबईतील 28 इमारती सील करण्यात आल्या आहेत. तसंच आज नव्याने सापडलेल्या 1 हजार 384 रुग्णांपैकी 184 रुग्णांनाच रुग्णालयात दाखल करण्यात आल्याने पालिकेकडील 37 हजार 827 बेड्सपैकी केवळ 2 हजार 927 बेड वापरात आहेत.  

इतर बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha