'या' नावानं आलेला ईमेल उघडू नका! महाराष्ट्र सायबर पोलिसांचं आवाहन, पाकिस्तानी हॅकर्सचा ट्रॅप!
तुम्हाला राजेश शिवाजीराव नागवडे नावानं ई-मेल आलाय? महत्वाचं म्हणजे हा मेल उघडून पाहू नका... कारण पाकिस्तान आणि यूपीतील हॅकर्सनी मुंबई पोलिसांच्या सायबर विभागाचा पूर्वीचा ई-मेल आयडी हॅक केलाय.
मुंबई : तुम्हाला राजेश शिवाजीराव नागवडे नावानं ई-मेल आलाय? एकदा मेलचा इनबॉक्स तपासा... पण महत्वाचं म्हणजे हा मेल उघडून पाहू नका... कारण पाकिस्तान आणि यूपीतील हॅकर्सनी मुंबई पोलिसांच्या सायबर विभागाचा पूर्वीचा ई-मेल आयडी हॅक केलाय. याच मेल आयडीवरुन Terrorist Behind JK Attack Gunned Down In Mumbai अशा आशयाचा फिशिंग मेल काही ठिकाणी गेल्याचं उघडकीस आलंय. पण हा मेल म्हणजे हॅकर्सना तुमच्या मेलचा आणि सिस्टमचा पासवर्ड मिळण्याचं एक साधन आहे. त्यामुळे तुमचा ई-मेल आयडी आणि पासवर्डची माहिती घेऊन हॅकर्स त्याचा दुरुपयोग करण्याची शक्यता नाकारता येत नाही. त्यामुळे राजेश शिवाजीराव नागवडे याच्या नावानं आलेला ई-मेल आणि त्यातील पीडीएफ फाईल अजिबात उघडू नका, असं आवाहन सायबर विभागानं केलं आहे.
email Hacking : राजेश शिवाजीराव नागवडे नावानं ई-मेल आलाय का? मग सावध व्हा... इकडे लक्ष द्या
महाराष्ट्र सायबरचे एसपी संजय शिंत्रे यांनी सांगितलं की, राज्य सायबर सेलने प्रकरणाची गंभीरता लक्षात घेऊन तपासाला सुरुवात केली आहे. पाठवलेल्या मेलसोबत एक इंटेलिजन्स रिपोर्ट नावाने पीडीएफ फाईलही जोडली जातीय जी ओपन केल्यास डेटा चोरी होऊ शकतो. राज्य सायबर सेलने राज्यातील सर्व पोलीस आयुक्त आणि पोलीस अधीक्षकांना असा मेल आल्यास उघडला जाऊ नये अशा सूचना दिल्या आहे.
पोलिसांच्या माहितीनुसार पाकिस्तान व यूपीतील हॅकर्सनी ई-मेल हॅक करण्यासाठी ट्रॅप लावला आहे. त्यासाठी त्यांनी राजेश शिवाजीराव नागवडे ps.mummahapolice.gov या आयडीवरून सर्व शासकीय ई-मेल आयडीवर एक फिशिंग मेल डिलिव्हर केले आहेत. त्यामध्ये रिपोर्ट इंटेलिजन्स डॉट पीडीएफ नावाची फाईल दिसत असून ती ओपन करू नये, असे आवाहन महाराष्ट्र सायबर पोलिसांनी केले आहे.
'टेरेरिस्ट बिहाईंड जेके अटॅक गन डाऊन इन मुंबई' या विषयाचा ई-मेल राजेश शिवाजीराव नागवडे नावाच्या आयडीवरून फिशिंग मेल डिलिव्हर होत आहे. हा मेल उघडल्यावर रिपोर्ट इंटेलिजंट डॉट पीडीएफ नावाची फाइल दिसते. ती फाइल उघडल्यास आपला पासवर्ड त्या पाकिस्तान व यूपीतील हॅकर्सना समजेल. त्यामुळे आपला ई-मेल आयडी व पासवर्डची माहिती घेऊन हॅकर्स त्याचा दुरुपयोग करण्याची शक्यता नाकारता येत नाही. त्यामुळे असा फिशिंग मेल उघडू नये असे आवाहन महाराष्ट्र सायबर पोलिसांनी केले आहे. दरम्यान सायबर विभागाचाच हा मेल आयडी हॅक झाल्याने खळबळ उडाली आहे.
महत्त्वाच्या बातम्या
ट्रेंडिंग न्यूज
