Maharashtra : राज्यात पुन्हा निर्बंध; तिसऱ्या लाटेबाबत मंत्री नवाब मलिकांचं मोठं वक्तव्य

 Maharashtra Corona Omicron Third Wave : राज्यात कोरोना ओमायक्रॉनचे संकट वाढत चाललं आहे. यामुळं जानेवारीत तिसरी लाट येऊ शकते, असं मलिक यांनी म्हटलं आहे

Maharashtra Corona Omicron Third Wave

Maharashtra Corona Omicron Third Wave : महाराष्ट्रासह देशात (Maharashtra Corona Omicron Update) वाढत चाललेल्या कोरोना आणि ओमायक्रॉनच्या पार्श्वभूमीवर केंद्रासह राज्य सरकार सतर्क झाले आहेत. राज्यात पुन्हा निर्बंध लागू करण्यात येणार हे काल निश्चित झालं आहे. त्यानुसार आज, शुक्रवारपासून नवे निर्बंध घोषित होणार आहेत. याबाबत आज नियमावली जाहीर करण्यात येणार आहे. काल यासंदर्भात मंत्रिमंडळाची बैठक झाली. या बैठकीला उपस्थित असलेले राज्याचे मंत्री नवाब मलिक (Nawab Malik) यांनी महत्वाची माहिती दिली आहे. 

नवाब मलिक यांनी म्हटलं की, काल कॅबिनेटमध्ये कोविडबाबत चर्चा झाली. कॅबिनेटमध्ये आराखडा देत असताना लक्षात आलं की कोरोना रुग्णांमध्ये रोज 18 टक्क्यांनी वाढ होत आहे.  ओमायक्रॉनचे संकट वाढत चाललं आहे. यामुळं जानेवारीत तिसरी लाट येऊ शकते, असं मलिक यांनी म्हटलं आहे.  हायकोर्टाने सांगितलं आहे की तिसरी लाट येऊ शकते त्यामुळे निवडणूक पुढे ढकलायली हवी. जर निवडणूका झाल्या नाहीत तर राष्ट्रपती राजवट लावावी लागेल. पंजाबमध्ये अशी परिस्थिती होऊ शकते, असंही मलिक म्हणाले. 

दरम्यान मुस्लिम आरक्षणावर बोलताना नवाब मलिक यावेळी म्हणाले की, खासदार इम्तियाज जलील पत्रकार होते. त्यांच्या पक्षाचे अध्यक्ष आहेत ते बॅरिस्टर आहेत. त्यांच्या अध्यक्षांनी मला सांगावं की आरक्षण 50 टक्क्यांच्या पुढे कसं द्यायचं. घटनेची दुरुस्ती होणं गरजेचं आहे, असं ते म्हणाले.

टास्क फोर्सच्या कालच्या बैठकीत काय झालं

राज्यभरात रात्रीची जमावबंदी लागू होणार

5 पेक्षा जास्त लोक एकत्र येऊ शकणार नाहीत 

आज दुपारपर्यंत राज्यशासन नवी नियमावली जाहिर करणार, असे असू शकतात नियम

लग्नसमारंभ, कार्यक्रम यांवरही निर्बंध
100 जणांनाच परवानगी, आधी ही मर्यादा 200होती

बंदीस्त जागेतील कार्यक्रम 
समारंभ , लग्न, इतर कार्यक्रम यांकरता 100 लोकांनाच परवानगी
25 % किंवा 100 यामध्ये जी कमी ती मर्यादा लागू

खुल्या जागेतील कार्यक्रम
50% किंवा 100 यामध्ये जी कमी ती मर्यादा लागू 100 लोकांनाच परवानगी

रेस्टरंट- 
50% क्षमतेने सुरु राहणार, 
प्रशासनाचं आता हॉटेल ,रेस्टॉरंटकडे बारकाईनं लक्ष असेल

31 डिसेंबरच्या पार्श्वभूमीवर चौपाट्यांवर रात्रीची जमावबंदी
फटाके फोडता येणार नाहीत, आतिषबाजी नाही

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha

 

 

इतर महत्त्वाच्या बातम्या :