KEM Hospital : मुंबईतल्या केईएम रुग्णालयाच्या अकाऊंटन्टला घोटाळ्याप्रकरणी अटक, पाच कोटींच्या घोटाळ्याचा आरोप
KEM Hospital Scam : पाच कोटी रुपयांच्या घोटाळ्यात एका अकाऊंटन्टला अटक करण्यात आली असून दुसरा अकाऊंटन्ट फरारी आहे. त्याचा शोध घेण्यात येत आहे.
मुंबई : मुंबईतील प्रसिद्ध रुग्णालय केईएमच्या अकाऊंटन्टला पाच कोटी रुपयांच्या घोटाळ्याच्या प्रकरणी पोलिसांनी अटक केली आहे. या संबंधी दोन अकाऊंटन्टवर आरोप ठेवण्यात आला असून एकाला अटक केली आहे तर दुसरा फरार आहे.
आरोप करण्यात आलेले हे दोन अकाऊंटन्ट गेली दहा वर्षे झाली ही पैशाची अफरातफर करत असल्याचं समोर आलं आहे. फरार आरोपीचा पोलीस शोध घेत आहेत.
केईएमचे या आधीच्या अधिष्ठातांच्या नावाचा गैरवापर करुन, त्यांच्या बनावट सह्या करुन हे अकाऊंटन्ट पैसे काढत होते. परळचे केईएम रुग्णालय आणि मेडिकल कॉलेजच्या अकाऊंटमधून हे पैसे काढण्यात येत होते. यामध्ये डॉक्टर अविनाश रेघे आणि डॉक्टर निर्मला सुपे यांच्याही नावाचा गैरवापर करून या आरोपींनी पैसे काढले होते.
ही गोष्ट सध्याचे केईएमचे अधिष्ठाता हेमंत देशमुख यांनी पोलीस स्टेशनमध्ये तक्रार केली. पोलिसांनी या प्रकरणाची प्राथमिक चौकशी केली आणि त्याचा अहवाल वरिष्ठांना पाठवण्यात आला. त्या अहवालाच्या आधारे या दोन अकाऊंटन्टवर कारवाई करत त्यांना अटक करण्यात आली आहे.
महत्वाच्या बातम्या :
- Coronavirus Lockdown : 1 जूननंतर लॉकडाऊन वाढणार? आरोग्यमंत्री राजेश टोपे यांनी दिले महत्त्वाचे संकेत
- Chhattisgarh : सुरजपूर जिल्हाधिकाऱ्यांचे 'ते' कृत्य सेवेच्या मूलभूत नियमांच्या विरोधात, IAS Association ने व्यक्त केली नाराजी
- Coronavirus : देशात गेल्या 24 तासात 2.40 लाख नव्या रुग्णांची भर तर 3741 जणांचा मृत्यू
महत्त्वाच्या बातम्या
