Ideas of India Summit 2023 : 'भारत आणि जपानमध्ये आध्यात्मिक जवळीक, इथले अनेक देव जपानमध्ये : यासुकाता फुकाहोरी
Ideas of India Summit 2023 : सरस्वती, लक्ष्मी, गणेश असे एकूण 30 ते 50 देव जपानमध्ये असून त्यांची पूजा करत असल्याचे मत जपानचे यासुकाता फुकाहोरी यांनी व्यक्त केले आहे.
Ideas of India Summit 2023 : जेव्हा बौद्ध जपानमध्ये आले, तेव्हा हिंदूही जपानमध्ये (Japan) आले, म्हणूनच आजही जपानमध्ये असे अनेक देव आहेत, ज्यांची पूजा केली जाते. जपानमध्ये पुजल्या जाणार्‍या अनेक देवता भारतीय आहेत. सरस्वती, लक्ष्मी, गणेश असे एकूण 30 ते 50 देव आहेत, ज्यांची आपण पूजा करत असल्याचे मत जपानचे वाणिज्य दूतावास यासुकाता फुकाहोरी (Yasukata Fukahori) यांनी व्यक्त केले आहे.
एबीपी नेटवर्कच्या (ABP Network) माध्यमातून मुबंईत (Mumbai) दोन दिवसीय 'आयडियाज ऑफ इंडिया समिट 2023' (Ideas Of India Sameet 2023) कार्यक्रमाचे आयोजन करण्यात आले आहे. या कार्यक्रमातील एका सत्राप्रसंगी फुकाहोरी बोलत होते. यावेळी यासुकाता फुकाहोरी म्हणाले की, त्यांनी भारतात बराच काळ घालवला आहे आणि त्यांना भारताशी आध्यात्मिक संबंध वाटतो. आमच्याकडे जवळपास 15-20 देव आहेत, जे भारतातून जपानमध्ये आले आहेत. गेल्या 1500 वर्षांपासून आपण एकाच देवतांची पूजा करत असल्याने आपण दोघेही समान मूल्ये आणि संस्कृतीसाठी काम करत असल्याचे फुकाहोरी म्हणाले.
यासुकाता फुकाहोरी पुढे म्हणाले की, भारत आणि जपानमध्ये आश्चर्यकारक आध्यात्मिक जवळीकता आहे. हिंदू धर्म, जपानी शिंटोइझम आणि बौद्ध धर्म यांच्यात आश्चर्यकारक साम्य आहे. भारत आणि जपानमधील लोकांमधील आध्यात्मिक स्नेह खोलवर आहे. भारतीय आणि जपानी लोक एकमेकांना समजून घेऊ शकतात. दोन्ही देशांमधील संबंध जगात सर्वात जवळचे आहेत, त्यामुळे आपण एकमेकांचे नैसर्गिक मित्र आहोत, असेही ते म्हणाले.
भारताच्या प्रेमात पडलो...
यासुकाता फुकाहोरीने सांगितले की, भारतात आल्यानंतर इथल्या संस्कृतीच्या प्रेमात पडलो. हा माझा सर्वात आवडता देश आहे, मी इथे तेच कपडे घातले आहेत, जे इतर देशांमध्ये घालतात. ते म्हणाले की जपान आणि भारत समान आहेत, आपण दोघेही मंदिरात प्रार्थना करतो आणि आम्हाला रामायण आणि महाभारताची पूर्ण माहिती आहे. ते म्हणाले की, जेव्हा बौद्ध जपानमध्ये आले, तेव्हा हिंदूही जपानमध्ये आले, म्हणूनच आजही जपानमध्ये असे अनेक देव आहेत, ज्यांची पूजा केली जाते. जपानमध्ये पुजल्या जाणार्‍या अनेक देवता भारतीय आहेत. सरस्वती, लक्ष्मी, गणेश असे एकूण 30 ते 50 देव आहेत ज्यांची आपण पूजा करतो.
भारत आणि जपानच्या आर्थिक विकासावर म्हणाले?
यासुकाता फुकाहोरी म्हणाले की, जेव्हा ते पूर्वी भारतात यायचे, तेव्हा त्यांना येथे खूप कमी गुंतवणूक दिसायची, पण गेल्या काही वर्षांत खूप बदल झाले आहेत. भारतात जपानी गुंतवणूक वाढत आहे. त्याचबरोबर भारतीय उद्योगपती एकमेकांसोबत मोठ्या प्रेमाने आणि चांगल्या पद्धतीने काम करत आहेत. गेल्या काही वर्षांत देशात बदल झाला आहे.
महत्त्वाच्या बातम्या
ट्रेंडिंग न्यूज
