हायटेक तेजसच्या प्रवासासाठी 780 ते 2740 रुपये तिकीट

मुंबई : कोकण आणि गोवावासियांसाठी पर्वणी ठरणारी तेजस एक्स्प्रेस आजपासून कोकण रेल्वे मार्गावर धावणार आहे. अगदी आरामदायक आणि जलद असणारी ही गाडी कोकणवासियांचा वेळ वाचवणार आहे. केवळ साडे आठ तासात मुंबई ते गोवा हा पल्ला गाठता येणार आहे. पण या ट्रेनच्या प्रवासासाठी रेल्वे प्रवाशांना 780 ते 2740 रुपये मोजावे लागणार आहेत. असे असतील तिकीट दरपत्रक

मार्ग	एसी चेअर (जेवणासह)	एसी चेअर (जेवणाशिवाय)	एक्झिक्युटिव्ह (जेवणासह)	एक्झिक्युटिव्ह (जेवणाशिवाय)
सीएसटी-रत्नागिरी	1940	1785	955	835
सीएसटी-कुडाळ	2495	2340	1200	1080
सीएसटी- करमाळी	2740	2585	1310	1185
दादर-रत्नागिरी	1915	1760	940	815
दादर-कुडाळ	2475	2320	1190	1070
दादर-करमाळी	2725	2570	1295	1175
ठाणे-रत्नागिरी	1820	1665	905	780
ठाणे-कुडाळ	2425	2270	1170	1050
ठाणे-करमाळी	2680	2575	1280	1155

  विशेष म्हणजे, रेल्वेने प्रवाशांसाठी खानपान सेवा नको असल्यास तिकीट काढताना त्यासाठीचा पर्याय उपलब्ध करुन दिला आहे. पण जे प्रवासी गाडीत तशी मागणी करतील त्यांना अतिरिक्त 50 रु. भरावे लागणार आहेत. रेल्वेमंत्री सुरेश प्रभू आज दुपारी 3.25 वाजता तेजस एक्स्प्रेसला हिरवा कंदील दाखवतील. त्यानंतर ही एक्स्प्रेस मुंबईतून निघून रात्री 12.35 वाजता करमाळीमध्ये पोहचणार आहे. 10 जून ते 31 ऑक्टोबरदरम्यान ही गाडी आठवड्यातून तीन वेळा आणि त्यानंतर आठवड्यातून पाचवेळा धावणार असल्याचं रेल्वे मंत्रालयाच्या वतीनं सांगण्यात येत आहे. दरम्यान, या गाडीचं तिकीट मिळवण्यासाठी प्रवाशांची झुंबड उडाली आहे. या गाडीला पहिल्याच दिवशी प्रवाशांकडून उत्तम प्रतिसाद मिळाला. रविवारी सकाळच्या सुमारास केवळ सहा तासांत पुढील चार महिन्यांतील हजारो तिकिटांची विक्री झाली आहे. विशेष म्हणजे गणेशोत्सवाच्या आधी 23 ऑगस्टच्या चक्क 600 तिकिटांचे आरक्षण झाले. संबंधित बातम्या

केवळ साडे 8 तासात मुंबई-गोवा... हायटेक ‘तेजस’ सज्ज!

मुंबई-गोवा 8.30 तासात, तेजस एक्स्प्रेस 22 मेपासून ट्रॅकवर!