Cyrus Mistry Death : सायरस मिस्त्रींच्या अपघातग्रस्त कारचा डेटा जर्मनीला पाठवणार, अनेक प्रश्नांचा उलगडा होणार

Cyrus Mistry Death in Car Accident : टाटा समूहाचे माजी अध्यक्ष सायरस मिस्त्री यांच्या अपघातग्रस्त कारचा डेटा जर्मनीला पाठवला जाणार आहे.

CyrusCyrus Mistry Death in Car Accident Mistry Death in Car Accident

Cyrus Mistry Death in Car Accident : टाटा समूहाचे (Tata Group) माजी अध्यक्ष आणि उद्योगपती सायरस मिस्त्री (Cyrus Mistry) यांच्या अपघातग्रस्त कारचा (Car Accident) डेटा जर्मनीला (Germany) पाठवला जाणार आहे. जर्मनीतील मर्सिडीज कंपनी (Mangled Mercedes) कारचा डेटा डिकोड करेल. मर्सिडीज कंपनीच्या जर्मनीतील प्लँटमध्ये टेडा डीकोड करण्याचं तंत्रज्ञान उपलब्ध आहे. डेटा डीकोड केल्यानंतर अपघाताच्या वेळी कारचा वेग किती होता? याची आणि अन्य काही माहिती मिळू शकेल. पुढच्या दोन तीन दिवसांत अपघातग्रस्त कारचा डेटा जर्मनीला पाठवण्यात येणार आहे. दरम्यान, उद्योगपती सायरस मिस्त्री यांचं अपघाती निधन झाल्यानंतर आज मुंबईत त्यांच्यावर अंत्यसंस्कार करण्यात आले. 

मुंबईतील वरळीच्या स्मशानभूमीत सायरस मिस्त्री यांच्या पार्थिवावर अंत्यसंस्कार पार पडले. शहरातील अनेक उद्योगपती आणि मान्यवर यावेळी उपस्थित होते. तसेच मिस्त्री कुटुंबीयांचे निकटवर्तीय देखील पोहोचले आहेत. राष्ट्रवादीच्या खासदार सुप्रिया सुळे यादेखिल सायरस मिस्त्री यांच्या अंत्यदर्शनाला उपस्थित होत्या. 

सीसीटीव्ही फुटेज समोर 

टाटा उद्योग समूहाचे माजी प्रमुख सायरस मिस्त्री यांचं पालघरमध्ये अपघाती निधन झालं.. या अपघातापूर्वीची (Accident) दृश्यं समोर आली आहेत. सायरस मिस्त्री यांची कार दापचरी चेक पोस्टजवळ पोहोचली त्यावेळची दृश्यं सीसीटीव्ही कॅमेऱ्यात कैद झाली आहेत. या दृश्यांमध्ये सायरस मिस्त्री यांची मर्सिडीज भरधाव वेगानं पुढे जात असल्याचे पाहायला मिळत आहे. तसेच, प्रत्यक्षदर्शींनीही भरधाव वेगामुळं अपघात झाल्याची माहिती दिली होती. 

सायरस मिस्त्रींचा अपघात नेमका झाला कसा? 

54 वर्षी सायरस मिस्त्री यांचा अपघात झाला असून त्यामध्ये त्यांचा मृत्यू झाला. परवा (रविवारी) दुपारी सव्वा तीनच्या सुमारास अहमदाबादवरुन ते मुंबईला येत होते. पालघरमधील चारोटी येथे मिस्त्री यांच्या मर्सिडिस कारचा अपघात झाला. डिव्हायरला गाडी धडकल्यामुळे हा अपघात झाल्याची माहिती पालघर पोलीस अधिक्षकांनी दिली आहे. या संदर्भात अधिकचा तपास पोलीस करत असल्याची माहितीही त्यांनी दिली आहे. अपघात झाल्यानंतर तात्काळ दोघांचा मृत्यू झाला. तर इतर दोघांना रुग्णालयात दाखल करण्यात आलं आहे. सायरस मिस्त्रींच्या अपघाती निधनाची चौकशी करण्याचे आदेश मुख्यमंत्र्यांनी दिले आहेत. 

सायरस मिस्त्री यांचा रविवारी महाराष्ट्रातील पालघर येथे झालेल्या अपघातात मृत्यू झाला. मिस्त्री हे अहमदाबादहून मुंबईला मर्सिडीज कारमधून परतत असताना दुपारी साडेतीनच्या सुमारास मुंबईला लागून असलेल्या पालघर जिल्ह्यात त्यांची कार डिव्हायडरला आदळली, तेव्हा हा अपघात झाला. कारमध्ये 4 लोक होते, ज्यामध्ये 2 जणांचा जागीच मृत्यू झाला. महिला कार चालवत होती, सध्या ती जखमी असून तिला रुग्णालयात दाखल करण्यात आलं आहे. मिस्त्री यांच्याशिवाय जहांगीर दिनशा पंडोल नावाच्या व्यक्तीचाही अपघातात मृत्यू झाला आहे. जखमींमध्ये अनायता पांडोळे (महिला चालक) आणि दारियस पांडोळे यांचा समावेश आहे. त्यांच्यावर गुजरातमधील वापी येथील रुग्णालयात उपचार सुरू आहेत.