एक्स्प्लोर

सोमय्यांनी हवाला किंग संबोधलेले Nandkishor Chaturvedi कोण? ठाकरे कुटुंबियांशी काय संबंध?

Nandkishor Chaturvedi : सोमय्यांनी हवाला किंग संबोधलेले Nandkishor Chaturvedi कोण? ठाकरे कुटुंबियांशी त्यांचा काय संबंध?

By : एबीपी माझा वेब टीम | Edited By: श्रद्धा भालेराव | Updated at : 23 Mar 2022 01:38 PM (IST)

Who is Nandkishor Chaturvedi What is relationship with Thackeray family Kirit Somaiya Maharashtra News सोमय्यांनी हवाला किंग संबोधलेले Nandkishor Chaturvedi कोण? ठाकरे कुटुंबियांशी काय संबंध?

ED Raid on Shridhar Patankar

Nandkishor Chaturvedi : सध्या राज्यभर चर्चा आहे ती, केंद्रीय तपास यंत्रणांनी राजकीय नेत्यांवर केलेल्या कारवायांची. अनेक राजकीय नेते आणि त्यांचे निकटवर्तीय केंद्रीय तपास यंत्रणांच्या रडारवर आहेत. आता केंद्रीय तपास यंत्रणांनी आपला मोर्चा थेट मुख्यमंत्र्यांच्या निकटवर्तीयांकडे वळवला आहे. मुख्यमंत्री उद्धव ठाकरे (CM Uddhav Thackeray) यांचे मेहुणे श्रीधर पटवर्धन (Shridhar Patankar) यांच्या मालमत्तेवर ईडीनं टाच आणली आहे. सध्या राजकीय वर्तुळात या प्रकरणाच्या चर्चा रंगवल्या आहेत. अशातच पत्रकार परिषदेत बोलताना भाजप नेते किरीट सोमय्यांनी ठाकरे कुटुंबियांवर अनेक गंभीर आरोप केले आहेत.

ईडीच्या रडारवर असलेल्या नंदकिशोर चतुर्वेदी यांचे ठाकरे परिवाराशी संबंध असल्याचा गंभीर आरोप किरीट सोमय्यांनी केला आहे. पाटणकरांशी केलेल्या व्यवहाराबद्दल मुख्यमंत्री बोलणार का? असा सवालही सोमय्यांनी विचारला आहे. पण सोमय्यांनी ठाकरेंवर आरोप करताना उल्लेख केलेले नंदकिशोर चतुर्वेदी नेमके आहेत तरी कोण? जाणून घेऊयात...

गेल्या कित्येक दिवसांपासून भाजप नेते किरीट सोमय्यांकडून ठाकरे कुटुंबियांवर आरोपांचं सत्र सुरु आहे. अशातच मुख्यमंत्र्यांच्या मेहुण्यांवर ईडीनं केलेल्या कारवाईनंतर पुन्हा एकदा सोमय्यांनी ठाकरेंवर आरोपांचं टीकास्त्र डागलं आहे. त्यावेळी त्यांनी आणखी एक नवा आरोप ठाकरे कुटुंबियांवर केला. ईडीच्या रडारवर असलेल्या नंदकिशोर चतुर्वेदी यांचे ठाकरे कुटुंबियांशी संबंध असल्याचा आरोप भाजप नेते किरीट सोमय्या यांनी केला आहे. आधी आदित्य, रश्मी आणि तेजस ज्या कंपनीत संचालक होते, त्यांच्या राजीनाम्यानंतर नंदकिशोर आणि रिटा चतुर्वेदींची त्या कंपनीत एन्ट्री झाल्याची माहिती समोर आली आहे. कोमो स्टॉक अँड प्रॉपर्टीज कंपनीत नंदकिशोर आणि रिटा चतुर्वेदी डायरेक्टर आहेत. 2014 साली स्थापना झालेल्या या कंपनीत आदित्य आणि रश्मी ठाकरे संचालक होते. मार्च 2020 मध्ये ठाकरे कुटुंबाची कोमो स्टॉकमधून एक्झिट झाल्यानंतर चतुर्वेदी संचालक बनले. चतुर्वेदी आणि पुष्पक ग्रुपनंच ठाकरेंच्या मेहुण्याच्या कंपनीला विनातारण कर्ज दिल्याचा ईडीला संशय आहे.

पाहा व्हिडीओ : मुख्यमंत्री परिवाराचा कोट्यवधींच्या घोटाळ्यात समावेश : किरीट सोमय्या

किरीट सोमय्यांचा आरोप नेमका काय?

किरीट सोमय्या यांनी म्हटले की, आदित्यने 2014 मध्ये आई रश्मी ठाकरे सोबत कोमो स्टॉक अॅण्ड प्रॉपर्टीज ही कंपनी स्थापन केली. त्यानंतर पाच वर्षानंतर आदित्य यांनी कंपनीच्या संचालकपदाचा राजीनामा दिला. आता ही कंपनी देशातील मोठा हवाला किंग नंदकिशोर चतुर्वेदीच्या मालकीची झाली आहे. उद्धव यांनी याबाबत काहीही भाष्य केलं नाही. आदित्य श्रीधर आणि रश्मी यांच्यात कौटुंबिक संबंधासोबत आर्थिक संबंध आहेत का हे त्यांनी स्पष्ट करावं, अशीही मागणी सोमय्या यांनी केली. शेल कंपन्याच्या माध्यमातून मोठा आर्थिक व्यवहार झाला असल्याचाही आरोप सोमय्या यांनी केला. नंदकिशोर चतुर्वेदी आणि ठाकरे कुटुंबाचा संबंध काय हे मुख्यमंत्र्यांनी सांगावे, मनी लाँड्रिंग केली आहे का, या प्रश्नांची उत्तरे मुख्यमंत्री ठाकरे यांनी देण्याची मागणी सोमय्या यांनी केली.

सोमय्यांनी हवाल किंग असा आरोप केलेल्या नंदकिशोर चतुर्वेदींच्या कंपन्यांची यादी