'मतदान करा आणि हॉटेलिंगमध्ये 25 टक्क्यांपर्यंत सूट मिळवा'

मुंबई : तुम्ही जर येत्या स्थानिक स्वराज संस्थेत मतदान करणार असाल, तर तुम्हाला हॉटेलिंगमध्ये 25 टक्क्यापर्यंतची सूट मिळू शकते. मतदानाचा टक्का वाढवण्याच्या दृष्टीने शासनातर्फे ही सकारात्मक पावलं उचलण्यात येत आहेत. मतदानाची खूण आणि आवश्यक बाबींची पूर्तता केल्यानंतर सरकारी किंवा खासगी हॉटेलमध्ये तुम्हाला 25 टक्क्यांची सवलत मिळणार आहे. महाराष्ट्राच्या पर्यटन विभागानं याबाबत पुढाकार घेत ही खास सवलत दिली आहे. निवडणुकांच्या दिवशी सुट्टीचा फायदा अनेक जण फिरायला जातात. त्यामुळे मतदानाच्या प्रमाणात घट होते. मतदारांना मतदानासाठी प्रवृत्त करण्यासाठी ही योजना आखण्यात आली आहे. खास करुन शहरी लोकांनी गावाकडे जाऊन अधिकाधिक मतदानाचा हक्क बजवावा, असा हेतू यामागे आहे.