निवडणूक आयोग भाजपच्या इशाऱ्यावर चालतोय, वडेट्टीवारांचा हल्लाबोल, म्हणाले, 6 महिन्यात 50 लाख मतदार वाढले कसे?
निवडणूक पारदर्शकपणे घेणे हे निवडणूक आयोगाचे काम आहे मात्र अलीकडच्या काळात निवडणूक आयोग हा मनू वाद्यांच्या आणि भाजपच्या इशाऱ्यावर चालत असल्याचा आरोप काँग्रेस नेते विजय वडेट्टीवार यांनी केला आहे.
Vijay Wadettiwar: निवडणूक पारदर्शकपणे घेणे हे निवडणूक आयोगाचे काम आहे मात्र अलीकडच्या काळात निवडणूक आयोग हा मनू वाद्यांच्या आणि भाजपच्या इशाऱ्यावर चालत असल्याचा आरोप काँग्रेस नेते विजय वडेट्टीवार यांनी केला आहे. 2019 ते 2024 या पाच वर्षाचे 5 लाख मतदार वाढले. लोकसभा ते विधानसभा या निवडणुकीच्या 6 महिन्यात 50 लाख मतदार कसे वाढले? असा सवालही त्यांनी उपस्थित केला.
निवडणूक आयोगाच्या आशीर्वादावर आलेले हे भाजप सरकार
विधानसभेवेळी 5 वाजल्यानंतर 76 लाख मतदान कसे झाले? याचे कुठलेही इतर निवडणूक आयोगाकडे नाही. भाजपच्या कार्यकर्ते असल्यासारखे वागत असल्याने निवडणूक आयोगाची स्वायत्तता नष्ट झाली. निवडणूक आयोगाच्या आशीर्वादावर आलेले हे भाजप सरकार आहे. यामुळे आयोगाच्या कृत्यांविरोधात, लोकशाहीचे रक्षण तसेच मतदारांच्या हक्कासाठी राष्ट्रीय मतदार दिनी काँग्रेस कडून बसस्थानक चौकात विरोधी पक्ष नेते विजय वेडेट्टीवार यंच्या नेतृत्वाखाली आंदोलन करण्यात आले.
किरीट सोमय्या हे नाटकातील सोंगाड्या
भाजपचे किरीट सोमय्या कुठली चांदणी वा तारा आहे हे कळायला मार्ग नाही. सोमय्या नाटकातील सोंगाड्या असल्याची टीका वडेट्टीवार यांनी केली. आवश्यक त्या ठिकाणी त्याला पुढे केले जाते. काम झाले की त्यांचे कपडे काडून टाकले जातात. त्यामळे त्यांना महत्त्व देण्याची गरज नाही असे वडेट्टीवार म्हणाले. ज्यांच्यावर सोमय्यांनी आरोप केले ते सगळे मंत्रीमंडळात मंत्री असून सरकारमध्ये सहभागी आहेत. त्यांनी आरोप करायचे आणि भाजपने त्यांना उचलून घायचे अश्या बेइमानी लोकांना महत्त्व देण्याची गरज नाही.
हिंदूंना मूर्ख बनवून व्होट घ्यायचा हा भाजपचा एकमेव धंदा
ज्या दिवशी भाजप हिंदू-मुस्लिम आणि मंदीर आणि मशीद यांचे राजकारण बंद करतील त्या दिवशी भाजपचे अधपटतन झालं असेल. भाजप केवळ मतांसाठी हिंदू मुस्लिम, मंदिर मशीद भारत पाकिस्तान, वोटजिहाद करीत आहे. हिंदूंना मूर्ख बनवून व्होट घ्यायचे हा एकमेव धंदा भाजपचा आहे. मुख्यमंत्री दावोसला जाऊन आलेत मात्र झालेले करार हे महाराष्ट्रातीलच कंपन्यांसोबत आहे. महाराष्ट्रातील चांगले उद्योग गुजरातला जात आहेत त्यावेळेस हे गप्प का बसत आहेत असे वडेट्टीवार म्हणाले.
लढ म्हटलं की आम्ही लढायला तयार
काँग्रेसच्या प्रदेशाध्यक्ष विषयावर बोलताना हा प्रश्न हाय कमांडचा असल्याचे वडेट्टीवार म्हणाले. प्रदेशाध्यक्ष कधी द्यायचा? कोण करायचं? हे हायकमांड ठरवीत असते. याच उत्तर माझ्याकडे नाही. प्रदेशाध्यक्षासाठी आपण इच्छुक आहात का? यावर बोलताना हाय कमांड निर्णय घेईल त्यांनी लढ म्हटलं की आम्ही लढायला तयार असल्याचे वडेट्टीवार म्हणाले.
महत्त्वाच्या बातम्या
ट्रेंडिंग न्यूज
