Uday Samant Attack : हल्ल्यानंतर उदय सामंत यांची पहिली प्रतिक्रिया; "शांत आहे म्हणजे..."

Uday Samant Attack : शांत आहे म्हणजे हतबल, असाह्य नाही, पुण्यात झालेल्या हल्ल्यानंतर मध्यरात्री ट्वीट करत उदय सामंत यांनी त्यांच्या हल्ल्याचा निषेध केला आहे.

Uday Samant Attack

Uday Samant Attack : पुण्यातल्या (Pune) कात्रजमध्ये शिंदे गटातील (CM Eknath Shinde) आमदार उदय सामंत (Uday Samant) यांच्या गाडीवर हल्ला करण्यात आला आहे. पुण्यातील श्रीमंत दगडूशेठ मंदिराच्या दिशेनं जात असताना शिवसैनिकांकडून सामंत यांच्या गाडीवर हल्ला करण्यात आला आहे. सामंत यांच्या गाडीतील एक व्यक्ती जखमी झाली असून उदय सामंत मात्र सुरक्षित आहेत. पुण्याच्या कात्रज परिसररात ही घटना घडली आहे.

मुख्यमंत्री एकनाथ शिंदे पुणे दौऱ्यावर आहे. एकनाथ शिंदे हे पुण्यातील दगडुशेठ गणपतीचे दर्शन घेणार होते. यासाठी उदय सामंत हे देखील दगडुशेठच्या दिशेनं जात होते. त्यावेळी ठाकरेंच्या समर्थकांनी त्यांचा गाडीवर हल्ला केला आहे. या हल्ल्यात गाडीतील एक व्यक्ती जखमी झाल्याची माहिती मिळत आहे. जखमी व्यक्तीला रुग्णालयात उपचारासाठी दाखल करण्यात आलं आहे. 

महाविकास आघाडीतील माजी मंत्री उदय सामंत यांनी त्यांच्यावर झालेल्या हल्ल्याबाबत मध्यरात्री एक ट्वीट केलं आहे. या ट्वीटमध्ये त्यांनी म्हटलं आहे की, "गद्दार म्हणता तरी शांत आहे...शिव्या घालता तरी शांत आहे..आई वडिलांना शिव्या घातल्यात तरी शांत आहे.. लोकशाहीत विचार बदलला म्हणून काय ठार माराल.. शांत आहे म्हणजे हतबल आणि असाह्य नाही..काळ ह्याला उत्तर आहे..अंत पाहू नका.. जय महाराष्ट्र"

भ्याड हल्ला मर्दानगी नाही, कायदा सुव्यवस्था बिघडवत असाल तर कारवाई होणार : एकनाथ शिंदे 

गाडीवर दगड मारुन पळून जाणं ही मर्दुमगी नाही. कायदा सुव्यवस्थेचं पालन करण्याचं काम सरकारचं आणि पोलिसांचं आहे. त्यामुळे ज्यांनी हे केलंय त्यांच्यावर कारवाई करण्याचं काम पोलीस करतील, असं म्हणत मुख्यमंत्री एकनाथ शिंदे यांनी उदय सामंत यांच्यावर झालेल्या हल्ल्यावर प्रतिक्रिया दिली आहे. 

पाहा व्हिडीओ : अशाप्रकारे भ्याड हल्ला करणाऱ्यांवर कारवाई होणार

शिवसेना नक्की कोणाची?

शिवसेना नक्की कोणाची? ठाकरेंची  की शिंदेंची? असा वाद सुरु आहे. मात्र हे सगळं निवडणूक आयोगाला ठरवू द्या, असं एकनाथ शिंदेंनी स्पष्ट केलं आहे. यावर शिंदे गटाच्या 16 आमदारांच्या अपात्रतेच्या प्रकरणावर  3 तारखेला म्हणजेच, आज सर्वोच्च न्यायालयात प्रकरणावर सुनावणी होणार आहे. शिवसेनेच्या निवडणूक चिन्हाशी संबंधित प्रश्नावर सुनावणी न घेण्याची विनंती एकनाथ शिंदे यांनी सर्वोच्च न्यायालयात केली आहे. सुनावणीच्या एक दिवसा आधी दोघेही आमने-सामने आले आहेत.