नागपूरच्या मारोतराव मुळे विद्यालयातील 31 विद्यार्थ्यांना शालेय पोषण आहारातून विषबाधा

Background

आज दिवसभरात या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा https://marathi.abplive.com/

महत्त्वाच्या हेडलाईन्सवर एक नजर...

1. हिंगणघाट जळीतकांडातील गुन्हेगारांचा हैदराबादसारखा फैसला करा, प्रणिती शिंदेंच्या मागणीला महिला नेत्यांचा दुजोरा, तर विशेष अधिवेशन बोलवण्याची सुधीर मुनगंटीवारांची मागणी

2. मुंबईत रेल्वे पुलावर दिवसाढवळ्या तरुणींचा विनयभंग, घटना सीसीटीव्हीत कैद होऊनही पोलीस तक्रारीच्या प्रतीक्षेत, चोरीप्रकरणी अटकेतील आरोपीला जामीन

3. प्रदूषण रोखा अन्यथा कंपन्यांना टाळं ठोका, माझाच्या बातमीनंतर मुख्यमंत्री ठाकरेंचा डोंबिवलीतील कारखान्यांना इशारा, बेवारस वाहनांसंदर्भात लवकरच धोऱण

4. पक्षात असूनही फोन टॅपिंगची गरज काय? माझाला दिलेल्या मुलाखतीत खडसेंचा भाजपला सवाल, तर मनातलं बंड कायम राहणार असल्याची भावना व्यक्त

5. कोरोना व्हायरसमुळे तब्बल 24 हजार जणांचा मृत्यू झाल्याचा तैवान वृत्तसंस्थेचा दावा, चीन मृतांचा आकडा लपवत असल्याचा आरोप

6. जखमी प्रवाशासाठी ट्रेन उलटी चालवली, देवळाली ते भुसावळ शटलच्या मोटरमन आणि गार्डकडून माणुसकीचं दर्शन, सर्व स्तरातून कौतूक

22:26 PM (IST)  •  07 Feb 2020

उल्हासनगर महापालिकेचा ४८३ कोटींचा अर्थसंकल्प सादर , पाणीपट्टीत दुपटीने वाढ, तर मालमत्ता करात वाढ नाही! , मालमत्ता कराची थकबाकी तब्बल ४८५ कोटी

22:23 PM (IST)  •  07 Feb 2020

नागपूरच्या मारोतराव मुळे विद्यालयातील 31 विद्यार्थ्यांना आज शालेय पोषण आहारातून विषबाधा झाली. मध्यान भोजन आहारात आज शाळेत खिचडी आणि उसळ देण्यात आली. जेवण झाल्यावर काही वेळेनंतर विद्यार्थ्यांना मळमळ आणि उलट्या होऊ लागल्या. त्यामुळं या विद्यार्थ्यांना शासकीय रुग्णालयात दाखल करण्यात आलं. 31 विद्यार्थ्यांवर रुग्णालयात उपचार सुरू असून त्यांची प्रकृती धोक्याबाहेर आहे. तर एका विद्यार्थ्यांवर अतिदक्षता विभागात उपचार सुरू आहे.