LIVE UPDATES | नागपूर जिल्ह्यातील देवलापार येथे ब्लँकेट न दिल्याने हॉटेल चालकाची वेटरकडून हत्या

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

 

महत्त्वाच्या हेडलाईन्सवर एक नजर...

 

1. दिल्लीत सीएए समर्थक आणि विरोधकांमध्ये हिंसाचार, एका पोलिसासह पाच नागरिकांचा मृत्यू, उत्तरपूर्व दिल्लीत शाळांना सुट्टी जाहीर

2. दिल्लीतल्या आंदोलनाचे मुंबईतही पडसाद, गेटवे परिसरात आंदोलनाचा प्रयत्न, मात्र पोलिसांनी सुरक्षा वाढवत आंदोलकांना हाकललं
3. ट्रम्प यांच्या भारत दौऱ्याचा आज दुसरा दिवस, हैदराबाद हाऊसमध्ये ट्रम्प आणि मोदीत द्विपक्षीय चर्चा, दहशतवाद, सुरक्षेसह व्यापारावर चर्चा
4. ठाकरे सरकारकडून कर्जमाफीची पहिली यादी जाहीर, 68 गावातील 15 हजार 358 लाभार्थ्यांचा समावेश, शेतकऱ्यांच्या तोंडाला पाने पुसल्याची विरोधकांची टीका
5. उद्धव ठाकरेंच्या उपस्थितीत महाविकासआघाडीची महत्वपूर्ण बैठक, सरकार 5 वर्षे चालण्याचा विश्वास, विरोधकांच्या वक्तव्याकडं लक्ष न देण्याची सूचना
6. ट्वेन्टी ट्वेन्टी विश्वचषकात भारतीय महिलांचा सलग दुसरा विजय, भारताची बांगलादेशवर 18 धावांनी मात, पूनम यादवची फिरकी पुन्हा प्रभावी

एबीपी माझा वेब टीम

23:57 PM (IST)  •  25 Feb 2020

नागपूर जिल्ह्यातील देवलापार येथे पांघरायला ब्लँकेट न दिल्याने वेटरने हॉटेल मालकाची हत्या केल्याची घटना घडली आहे. प्रकाश बालगोविंद जयस्वाल यांचे वडंबा शिवारात धाबा/हॉटेल आहे. त्यांच्याकडे आरोपी कारा हा वेटर म्हणून काम करायचा. तो थोडा रागीट आणि लहरी स्वभावाचा होतात. आज सकाळी तो झोपला असताना थंडी वाजत असल्याने त्याने मालक प्रकाशला ब्लँकेट मागीतले, मात्र, प्रकाश यांनी ते न दिल्याने कारा याने त्यांना लाकडी काठीने मारून गंभीर जखमी केले. दुपारी प्रकाश जयस्वाल यांचा मृत्यू झाला. पोलिसांनी या प्रकरणी आरोपी वेटरला हत्येच्या आरोपाखाली अटक केली आहे.

23:12 PM (IST)  •  25 Feb 2020

बीड : घरात कोणी नसल्याचा गैरफायदा घेत एका महिलेवर बळजबरीने बलात्कार केला. यानंतर अत्याचार झाल्याच्या घटनेने मनस्ताप झाल्यामुळे पीडित महिलेने विषारी द्रव्य पिऊन आत्महत्या केल्याची तक्रार मयत महिलेच्या पतीने दिलीय. या तक्रारीवरुन आरोपी विरोधात बलात्काराचा गुन्हा दाखल झाला आहे. आरोपी राम नवघरे वय 32 वर्षे हा फरार आहे.

21:51 PM (IST)  •  25 Feb 2020

औंढा नागनाथ येथे रथोस्थवाला 10 वाजता होणार सुरुवात. एक लाखाच्या वर भाविक औंढा नगरीत दाखल. मंदिराला 5 प्रदक्षिणा घातल्या जाणार.

20:40 PM (IST)  •  25 Feb 2020

उमरी तालुक्यातील शिरूर येथे 85 वर्षीय वृद्ध महिलेची गळा चिरुन हत्या. अंगावरील सर्व दागिने काढून घेऊन हत्या करण्यात आली असून राहत्या घरातच ही घटना घडली. या घटनेमुळे उमरी तालुक्यात एकच खळबळ उडाली आहे.

21:32 PM (IST)  •  25 Feb 2020

राज्यसभेतील महाराष्ट्राच्या 7 जागांसाठी 26 मार्चला निवडणूक, 26 मार्चलाच लागणार निकाल, राज्यसभेत एकूण 17 राज्यांतील 55 सदस्यांचा कार्यकाळ एप्रिल 2020 मध्ये संपतोय