LIVE UPDATES | रायडींग करताना संतुलन बिघडून अपघात रायडरचा जागीच मृत्यू

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

महत्त्वाच्या हेडलाईन्सवर एक नजर...

1. अमेरिकेचे राष्ट्राध्यक्ष डॉनल्ड ट्रम्प 2 दिवसीय भारत दौऱ्यावर, अहमदाबादेत स्वागताची जय्यत तयारी, मोटेरा स्टेडियमही सजलं

2. शेतकरी कर्जमाफीची पहिली यादी आज जाहीर होणार, सरकारची मोठी घोषणा, गिरणी कामगारांना घरांसाठी 1 मार्चला लॉटरी

3. आजपासून ठाकरे सरकारचं पहिलं अर्थसंकल्पीय अधिवेशन, वादग्रस्त मुद्दे टाळण्यासाठी महाविकासआघाडीची बैठक, तर चहापानाच्या कार्यक्रमावर विरोधकांचा बहिष्कार

4. ठाकरे सरकार 11 दिवसांत पडेल, भिवंडीतील कार्यक्रमात भाजप खासदार नारायण राणेंचे संकेत, जनतेच्या अपेक्षा पूर्ण करण्यात सरकार अयशस्वी ठरल्याचाही दावा

5. अंडरवर्ल्ड डॉन रवि पुजारीला सेनेगलमधून भारतात प्रत्यार्पण, रॉ ची कारवाई, पुजारीवर खंडणी आणि हत्येचे तब्बल 200 गुन्हे

6. मुंबईत आता मेट्रो स्टेशनबाहेर भाडेतत्वावर सायकल मिळणार, 2 रूपयांत तासभर सायकलवारी, मुंबई वन मेट्रोचा उपक्रम

एबीपी माझा वेब टीम

21:42 PM (IST)  •  24 Feb 2020

अंबरनाथ - 'वालधुनी'च्या पुनरुज्जीवनासाठी स्वतंत्र प्राधिकरण स्थापन करा, खासदार डॉ. श्रीकांत शिंदेंची राज्य सरकारकडे मागणी

23:25 PM (IST)  •  24 Feb 2020

शहापूर : मुंबई-नाशिक महामार्गावरील शहापूर तालुक्यातील लाहेफाट्याजवळ रायटिंग करत असताना भिवंडीतील तरुणाचा अपघाती मृत्यू झाल्याची घटना समोर आली आहे. शाहीर हुसेन शेख वय वर्ष 35 असे तरुणाचे नाव असून त्याला रायडिंगची खूप आवड होती. त्यासाठी त्याने आठ लाखाची स्पोर्ट बाईक देखील विकत घेतली होती. रायडिंग करण्यासाठी शाहीर आपल्या मित्रांसोबत कासाऱ्याच्या दिशेने जात होते. मात्रस तेथून परत येत असताना शाहीर याचा बाईकवरील संतुलन बिघडल्याने बाईक थेट टँकरला जाऊन आदळली. त्यात शाहीरचा जागीच मृत्यू झाला. सध्या पोलिसांनी चालक शाहीरच्या विरोधात 304 अंतर्गत गुन्हा दाखल करत तपास करत आहे.

21:31 PM (IST)  •  24 Feb 2020

पुणे : भारनियमनाने कंबरडे मोडलेल्या विजेने पुण्याच्या आंबेगाव तालुक्यातील शेतकऱ्यांना धक्का दिलाय. विद्युत प्रवाहाच्या तारांमधील घर्षणामुळे लागलेल्या आगीत तब्बल साडेबारा एकर ऊस पुन्हा एकदा पेटलाय. मंचरच्या लोंढेमळा येथे ही घटना आज सायंकाळी घडली. यात तेरा शेतकऱ्यांचं लाखोंचं नुकसान झालंय. आधीच भारनियमनामुळं आठ तास अंधारात काढावं लागणाऱ्या शेतकऱ्यांना या विजेने हा मोठा धक्का दिलाय. असा आरोप करत शेतकऱ्यांनी भरपाईची मागणी केलीये. गेल्या महिन्यात 15 जानेवारीला आंबेगाव तालुक्यातीलच चांडोली बुद्रुकमध्ये चौदा एकर ऊस पेटला होता. तेव्हा आगीचे कारण पुढे आले नव्हते पण नुकसान झालेले शेतकरी महावितरणाकडेच बोट दाखवत होते. तेव्हा शेतकऱ्यांचं आणखी नुकसान होण्यापूर्वीच महावितरण विभागाने खाली लोंबणाऱ्या विजेच्या तारांचा बंदोबस्त लावायला हवा.

21:00 PM (IST)  •  24 Feb 2020

बीड : परळीत स्त्री जातीचे जिवंत अर्भक रेल्वे ट्रॅकच्या बाजूला आढळले. आठ दिवसांपूर्वी या अर्भकाचा जन्म झाला असण्याची शक्यता आहे. स्त्री जातीचे अर्भक कोणीतरी रेल्वे ट्रॅकच्या बाजूला ठेवून पसार झाले होते.

23:51 PM (IST)  •  24 Feb 2020

मुंबई-नाशिक महामार्गावरील शहापूर तालुक्यातील लाहेफाट्याजवळ रायटिंग करत असताना भिवंडीतील तरुणाचा अपघाती मृत्यू झाल्याची घटना समोर आली आहे. शाहीर हुसेन शेख वय वर्ष 35 असे तरुणाचे नाव असून त्याला रायडिंग ची खूप आवड होती त्यासाठी त्याने आठ लाखाची स्पोर्ट बाईक देखिल विकत घेतली होती व रायडिंग करण्यासाठी शाहीर आपल्या मित्रांसोबत कासाऱ्याच्या दिशेने जात होते मात्र तेथून परत येत असताना शाहीर याचा बाईक वरील संतुलन बिघडल्याने बाईक थेट टँकरला जाऊन आदळली व शाहीर चा जागीच मृत्यू झाला सध्या पोलिसांनी चालक शाहीर च्या विरोधात 304 अंतर्गत गुन्हा दाखल करत पोलिस तपास करत आहे