Sushma andhare Shivsena Dasara Melava 2023 : फडणवीस तुम्ही महाराष्ट्र नासवलाय, लेकी बाळांना घाबरवत आहात; सुषमा अंधारेंचा थेट हल्लाबोल!

Sushma andhare Shivsena Dasara Melava 2023 : फडणवीस तुम्ही फेल ठरले आहात, सरळ सरळ प्रश्नांची उत्तरे द्या, अशा शब्दात शिवसेना ठाकरे गटाच्या नेत्या सुषमा अंधारे यांनी कडाडून हल्ला चढवला. 

Sushma andhare Shivsena Dasara Melava 2023

Shivsena Dasara Melava 2023 : सुषमा अंधारे चळवळीतून आली आहे, बाळासाहेबांचं बाळकडू आहे, आमदार, कोट्यधीशांना तुम्ही नडला असाल पण मध्यमवर्गीयांना कधी नडला नसाल, ड्रग्जमुक्त महाराष्ट्राचा लढा देते आहे, फडणवीस तुम्ही फेल ठरले आहात, सरळ सरळ प्रश्नांची उत्तरे द्या, अशा शब्दात शिवसेना ठाकरे गटाच्या नेत्या सुषमा अंधारे यांनी कडाडून हल्ला चढवला. 

सुषमा अंधारे म्हणाल्या की, दहा दिवसांपासून मला नोटीस पाठवणारे मला अंधारात सेटलमेंटची भाषा करत आहेत. नाशिकचा अमोल परदेशी पुण्याच्या एकीला फोन करतो. मला नाही अब्रू आणि मी कशाला घाबरू? हे धमकावत राहतात आणि फडणवीस म्हणतात सर्वांचे आवाज बंद होतील. गृहमंत्री साहेब ललित पाटील आमचा होता अशी बदमाशी का करता? शिवतीर्थावरून विचारते  की 9 महिने त्याला कोणता आजार होता की त्यामुळे ससूनला ठेवले? गरोदर महिला सोडून कोणालाच एवढे दिवस ठेवत नाहीत. त्याच्यासह इतर तिथं काय करत होते?

फडणवीस तुम्ही महाराष्ट्र नासवलाय, लेकी बाळांना घाबरावत 

त्या पुढे म्हणाल्या की,  पक्ष, जात, धर्म बाजूला ठेवा तरुणांना वाचवा. मला घाबरायला फडणवीस काही लोकांना पुढे करतात, मला तर ते चाणक्य अजिबात वाटत नाही.  पवार साहेबांनी कोणाला घडवलं तर अजित दादा आणि इतरांना. देवेंद्रजी तुम्ही कोणाला घडवलं? तर तुम्ही फक्त जमवलं. चंद्रकांत पाटलांना संपवायच्या तुम्ही मागे लागला आहात. देवा भाऊ सगळं तुमच्याकडे असतांना शिवसेना, राष्ट्रवादीतून उचलेगिरी का करता?फडणवीस तुम्ही महाराष्ट्र नासवलाय, लेकी बाळांना घाबरावतायत. 

नाशिकचा पालकमंत्री गोट्या खेळत होता का?  

दरम्यान, सुषमा अंधारे यांनी पुन्हा एकदा नाशिकचे पालकमंत्री दादा भुसे आणि उत्पादन शुल्क मंत्री शंभूराजे यांच्यावर कडाडून प्रहार केला. नाशिकमध्ये ललित पाटील ड्रग्ज रॅकेट समोर आल्यानंतर सुषमा अंधारे यांनी चौफेर हल्ला चढवला आहे. दसरा मेळाव्यातून सुषमा अंधारे यांनी दादा भुसे आणि एक्साईज मंत्री शंभूराज देसाई यांच्यावर सडकून प्रहार केला. नाशिकमध्ये कोट्यवधी रुपयांची ड्रग्ज सापडत असताना नाशिकचा पालकमंत्री गोट्या खेळत होता का? अशा शब्दात त्यांनी दादा भुसेंवर प्रहार केला. महाराष्ट्र ड्रजमुक्त झाला पाहिजे, महाराष्ट्र नशामुक्त झाला पाहिजे यासाठी आम्ही प्रयत्न करत असल्याचे त्या म्हणाल्या. 

इतर महत्वाच्या बातम्या