स्मार्ट बुलेटिन | 16 जुलै 2019 | मंगळवार | एबीपी माझा

देशभरातील महत्त्वाच्या आणि ताज्या घडामोडींचा संक्षिप्त आढावा

1. विधानसभेच्या तोंडावर सरकारी कर्मचाऱ्यांना आश्वासनांची खैरात, पाच दिवसांच्या आठवड्यासह निवृत्ती वयाबाबत लवकरच निर्णय घेणार, मुख्यमंत्र्यांचं आश्वासन 2. चंद्रकांत पाटील यांचा फोटो असलेलं भाजपचं ओळखपत्र दाखवल्यास टोल फ्री प्रवास, खुद्द भाजप आमदार सुरेश हाळवणकरांकडून पक्षाच्या फुकटेगिरीचा पर्दाफाश 3. अंडी आणि कोंबड्यांना आयुर्वेदिक घोषित करा, नंदुरबारमधल्या आदिवासी पाड्याचा किस्सा सांगत संजय राऊतांची राज्यसभेत अजब मागणी 4. एनआयए विधेयकाच्या चर्चेदरम्यान अमित शाह आणि ओवेसींमध्ये जोरदार खडाजंगी, गृहमंत्री विरोधकांना घाबरवत असल्याचा आरोप, तर शाहांचाही ओवेसींवर पलटवार 5. कर्नाटकचे मुख्यमंत्री कुमारस्वामी 18 जुलैला बहुमत चाचणीला सामोरे जाणार, सर्वोच्च न्यायालयाच्या भूमिकेकडे राजकीय वर्तुळाकडे लक्ष 6. मुंबईतील धारावीमध्ये नाल्यात पडून सात वर्षीय मुलाचा मृत्यू, पाच दिवसातील तिसरी घटना, तर पाच दिवसांनंतरही बेपत्ता दिव्यांशचा शोध नाही 7. सेवानिवृत्त झालेल्या वयोवृद्ध मंडळींनी शहराबाहेर राहायला काय हरकत, ट्राफिकच्या समस्येवरुन मुंबई हायकोर्टाच्या मुख्य न्यायमूर्तींचा मुंबईकरांना सल्ला 8. क्रिकेट पाहताना प्रेक्षक गोंगाट करणारच, त्यांना खेळाचा आनंद लुटू द्या, आयपीएल सामन्यात ध्वनी प्रदूषण झाल्याची तक्रार करणारी याचिका उच्च न्यायालयाने फेटाळली 9. गुरुपौर्णिमेनिमित्त अक्कलकोटमध्ये हजारो भाविक दाखल, तर शिर्डीत साईबाबा मंदिरात मोठा उत्साह, चंद्रग्रहणामुळे आज रात्री साईंचं मंदिर बंद राहणार 10. हृतिक रोशन आणि टायग्रर श्रॉफच्या 'वॉर' चित्रपटाचा टीझर लाँच, जबरदस्त अॅक्शन दृश्यांची मेजवानी, 2 ऑक्टोबरला सिनेमा प्रेक्षकांच्या भेटीला