मोठी बातमी: नंदुरबारमध्ये भरधाव ट्रक मेंढ्यांच्या कळपात शिरला, 100 मेंढ्या चिरडून ठार; कोंडाईबारी घाटातील वाहतूक ठप्प
Nandurbar : नंदुरबार जिल्ह्यातून एक अपघाताची मोठी बातमी समोर आली आहे. जिल्ह्यातून जाणाऱ्या राष्ट्रीय महामार्ग क्रमांक सहावर वाहनाच्या कोंडाईबारी घाटात भरधाव ट्रकने मेंढ्यांना अक्षरक्ष: चिरडले आहे.
नंदुरबार : नंदुरबार जिल्ह्यातून एक अपघाताची मोठी बातमी समोर आली आहे. जिल्ह्यातून जाणाऱ्या राष्ट्रीय महामार्ग क्रमांक सहावर वाहनाच्या कोंडाईबारी घाटात भरधाव ट्रकने मेंढ्यांना अक्षरक्ष: चिरडले (Accident) आहे. यात सुमारे 100 हून अधिक मेंढ्या ठार झाल्याची माहिती पुढे आली आहे. परिणामी, रस्त्यावर मेंढ्यांच्या मृतदेहांचा खच पडला आहे. भरधाव वेगाने येणाऱ्या ट्रकने मेंढ्यांना चिरडल्याच्या या घटनेने परिसरात एकच खळबळ उडाली आहे. तर या अपघातामुळे मेंढ्या पाळणाऱ्यांचे मोठं आर्थिक नुकसान झालं असून एकच शोककळा पसरली आहे.
भरधाव ट्रकने 100हून अधिक मेंढ्यांना अक्षरक्ष: चिरडले
मिळालेल्या माहितीनुसार, धुळ्याहून सुरतच्या दिशेने जाणारी क्रमांक ए पी 31 पी जी 0869 या वाहनाने रस्त्याच्या कडेने जाणाऱ्या जवळ जवळ 100हून अधिक मेंढ्यांना चिरडल्याची दुर्दैवी घटना घडली आहे.परिणामी, रस्त्यावर मेंढ्यांच्या मृतदेहांचा खच पडला आहे. तर या अपघातामुळे महामार्गावरील वाहतूक ठप्प झाली आहे. अपघात झाल्याची माहिती पोलिसांना माहिती मिळताच पोलीस प्रशासन तातडीने घटनास्थळी दाखल झाला आहे. कोंडाईबारी घाटात वारंवार अपघात होत असतात. मात्र उपायोजना शून्य दिसून येत आहेत. तर या अपघताचे नेमके कारण अद्याप कळू शकले नाही. सध्या पोलीस पुढील तपास करत आहे. मात्र या या अपघातामुळे मेंढ्या पाळणाऱ्यांचे मोठं आर्थिक नुकसान झालं आहे. सध्या वाहतूक सुरळीत करण्याचे काम पोलीस प्रशासन करत आहे.
डोळ्या देखत मेंढपाळांवर दुःखाचा डोंगर
या घटनेतील मेंढ्यांचे मालक लखा गोविंदा गोईकर, बाळु सोमा गोईकर, दगडु गोईकर (रा.विजापूर ता.साक्री जि.धुळे) हे आपल्या शेकडो मेंढ्यांचा कळप घेऊन विसरवाडीच्या दिशेने गुजरात राज्यात जात होते. दरम्यान, मागून येणारा एका भरधाव ट्रकने त्याच्या 100हून अधिक मेंढ्यांना अक्षरक्ष: चिरडल्या आहेत. हा ट्रक आंध्रप्रदेश राज्याकडून गुजरातकडे जात होता. ट्रकचालक रमेश दुगंला (राजू) या ट्रकचालकाचे ट्रकवरील नियंत्रण सुटल्याने महामार्गावर हा अपघात झाल्याचे बोलले जात आहे. या कळपामध्ये काही मेंढ्या या गर्भवती असल्याची प्राथमिक माहिती मिळाली आहे. घटनास्थळावरून पोलिसांनी ट्रक चालकास ताब्यात घेतले आहे. स्थानिकांनी या घटनेचा रोष व्यक्त करत मोठा आक्रोश व्यक्त केला आहे. तर आपल्या घरातील सदस्याप्रमाणे मेंढ्यांचे पालन पोषण करणाऱ्या मेंढ्यांचा दुर्दैवी मृत्यूने मेंढपाळांवर दुःखाचा डोंगर कोसळला आहे.
नागपूरच्या बेसूर शिवारात ट्रकने गायींना चिरडले, आठ गाईंचा जागीच मृत्यू
नंदुरबार पाठोपाठ नागपूर जिल्ह्याच्या उमरेड तालुक्यातील बेसूर शिवारात देखील अशीच एक दुर्दैवी घटना घडली आहे. यात एका कोळशाच्या ट्रकने गायींना अक्षरक्ष: चिरडले आहे. तर या अपघातात चक्क आठ गाईंचा जागीच मृत्यू झाला आहे. भरधाव ट्रक कोळसा घेऊन समुद्रपूरच्या दिशेने जात असताना उतारावर गाडी न्यूट्रल केली असल्यामुळे ट्रकवर नियंत्रण सुटल्याची प्राथमिक माहिती पुढे आली आहे. दरम्यान, चरायला जात असताना आठ गाई या अपघातात दगावल्याने शेतकऱ्यांचे मोठे नुकसान झाले आहे. घटनेची माहिती मिळताच पोलीस आणि गावकरी घटनास्थळी दाखल झाले आहे. तर दुसरीकडे या घटनेचा नागरिकांमध्ये प्रचंड संताप व्यक्त केला जात आहे. परिणामी, बेशिस्तीने कोळशा ट्रक चालवणाऱ्या चालकांवर कारवाई करण्याची मागणी आता गावकऱ्यांकडून केली जात आहे.
इतर महत्वाच्या बातम्या
महत्त्वाच्या बातम्या
