![ABP Premium](https://cdn.abplive.com/imagebank/Premium-ad-Icon.png)
शिवेंद्रराजेंनी साताऱ्याजवळचा टोलनाका बंद पाडला, खड्डे न बुजवल्यास खळ्ळखट्याकचा इशारा
पुणे-बंगळुरु महामार्गावर साताऱ्याजवळचा आनेवाडी टोलनाका साताऱ्याचे भाजप आमदार शिवेंद्रराजे भोसले यांनी बंद पाडला आहे. महामार्गावरील खड्डे बुजवण्यासाठी शिवेंद्रराजेंनी प्रशासनाला 15 दिवसांचा अल्टिमेटम दिला होता. त्यानंतर कोणतीही कार्यवाही न झाल्याने शिवेंद्रराजेंनी आक्रमक पवित्रा घेतला आहे.
![शिवेंद्रराजेंनी साताऱ्याजवळचा टोलनाका बंद पाडला, खड्डे न बुजवल्यास खळ्ळखट्याकचा इशारा shivendra raje bhosale Closed Anewadi toll plaza near Satara शिवेंद्रराजेंनी साताऱ्याजवळचा टोलनाका बंद पाडला, खड्डे न बुजवल्यास खळ्ळखट्याकचा इशारा](https://static.abplive.com/wp-content/uploads/sites/4/2019/12/18125400/Shivendra.jpg?impolicy=abp_cdn&imwidth=1200&height=675)
सातारा : साताऱ्याचे भाजप आमदार शिवेंद्रराजे भोसले यांनी पुणे-बंगळुरु महामार्गावरील साताऱ्याजवळचा आनेवाडी टोलनाका बंद पाडला आहे. महामार्गावरील खड्डे बुजवण्यासाठी शिवेंद्रराजेंनी प्रशासनाला 15 दिवसांचा अल्टिमेटम दिला होता. अल्टिमेटम दिलेला असूनही कोणतीही कार्यवाही करण्यात आलेली नाही. त्यामुळे शिवेंद्रराजेंनी आक्रमक होऊन आंदोलन केले. तसेच त्यांनी आनेवाडी टोलनाका बंद पाडला आहे.
पुणे-बंगळुरु महामार्गावर साताऱ्याजवळ आनेवाडी येथे हा टोलनाका आहे. पुणे साताऱ्यादरम्यान महामार्गावर मोठ्या प्रमाणात खड्ड्यांचं साम्राज्य आहे. त्याचबरोबर या महामार्गावर रस्ते विकास महामंडळाकडून प्रवाशांना कोणत्याही सुविधा पुरवल्या जात नाहीत. टोल प्रशासनाकडूनही कोणत्याही सुविधा मिळत नाहीत. प्रसाधनगृहांअभावी महामार्गावरुन प्रवास करणाऱ्या महिलांची कुचंबना होत आहे, असे दावे आंदोलकांनी केले आहेत.
एकीकडे प्रवाशांना सुविधा दिल्या जात नाहीत, मात्र दुसऱ्या बाजूला प्रवाशांकडून मोठ्या प्रमाणात टोलवसुली केली जात आहे. त्यामुळे 15 दिवसांच्या आत प्रवाशांना सर्व प्रकारच्या सुविधा पुरवा, खड्डे बुजवा नाहीतर टोल बंद पाडू असा अल्टिमेटम शिवेंद्रराजेंनी 15 दिवसांपूर्वी दिला होता. परंतु त्यानंतर गेल्या 15 दिवसात प्रशासनाने कोणतीही कार्यवाही केलेली नाही. परिणामी शिवेंद्रराजेंना आंदोलन करावे लागले आहे.
शिवेंद्रराजे आणि त्यांच्या कार्यकर्त्यांनी आज आनेवाडी टोलनाक्यावर आंदोलन करुन टोलनाका बंद पाडला. सध्या महामार्गावरील दोन्ही बाजूची वाहतूक विना टोल सुरु आहे. दरम्यान लवकरात लवकर प्रवाशांना सर्व प्रकारच्या सुविधा दिल्या नाहीत, तर पुढील आंदोलन हे खळ्ळखट्याक मार्गाने केले जाईल, असा इशारा शिवेंद्रराजेंनी दिला आहे.
शिवेंद्रराजे काय म्हणाले? शिवेंद्रराजे यांनी यावेळी एबीपी माझाशी बातचित केली. शिवेंद्रराजे म्हणाले की, आम्हाला मुख्य महामार्ग आणि त्याला लागून असलेले सर्व्हिस रोड खड्डेमुक्त झालेले हवे आहेत. महिला आणि पुरुषांसाठी प्रसाधनगृहांची व्यवस्था हवी. महामार्गावर रुग्णवाहिका आणि टोईंग व्हॅनची व्यवस्था असावी. त्याचबरोबत राष्ट्रीय महामार्ग प्रशासन आणि कंत्राटदारामध्ये करार करताना ज्या काही सोयी सुविधा देण्याचा करार झाला आहे. त्या सर्व सोयी सुविधा प्रवाशांना मिळायला हव्यात. येत्या काही दिवसात आमच्या मागण्या मान्य झाल्या नाहीत तर खळ्ळखट्याक आंदोलन होईल.
व्हिडीओ पाहा
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)