Ramdas Athawale: 'गो महाविकास आघाडी गो' रामदास आठवलेंचा नवा नारा, राज्य सरकारवर टीका

Ramdas Athawale: रिपब्लिकन पार्टी ऑफ इंडियाचे अध्यक्ष आणि केंद्रीय सामााजिक न्याय राज्यमंत्री रामदास आठवले ( Ramdas Athawale) हे आपल्या खास कवितांसाठी प्रसिद्ध आहेत.

Ramdas Athawale

Ramdas Athawale:  रिपब्लिकन पार्टी ऑफ इंडियाचे अध्यक्ष आणि केंद्रीय सामााजिक न्याय राज्यमंत्री रामदास आठवले ( Ramdas Athawale) हे आपल्या खास कवितांसाठी प्रसिद्ध आहेत. आपल्या कवितांमधून ते विरोधकांवर कायम निशाणा साधत असतात. दरम्यान, कोरोनाविरुद्ध लढण्यासाठी रामदास आठवलेंचा गो कोरोना गो असा नारा दिला होता. त्यांनी दिलेला नारा देशभर प्रसिद्ध झाला. यातच रामदास आठवले यांनी राज्यसभेचा उमेदवारी अर्ज भरल्यानंतर पत्रकारांनी त्यांना गो कोरोना गो नंतर आता ओमीक्रोन वर काही घोषणा आहे का? असा प्रश्न विचारला. यावर आठवलेंनी 'गो महाविकास आघाडी गो' असा नारा देत राज्य सरकारवर टीका केलीय. 

राज्यसभेचा उमेदवारी अर्ज भरल्यानंतर रामदास आठवले यांनी पत्रकारांशी संवाद साधला. त्यावेळी पत्रकारांनी त्यांना गो कोरोना गो नंतर आता ओमीक्रोन वर काही घोषणा आहे का? असा प्रश्न विचारला. यावर रामदास आठवले म्हणाले की, माझी 'गो कोरोना गो' ही घोषणा जगभरात प्रसिद्ध झाली. काही दिवसांपूर्वी दिल्लीत एक माणूस आला होता. मला बघून त्यालाही गो कोरोना मॅन हेच आठवलं, असं आठवलेंनी म्हटलं. त्याचवेळी रामदास आठवले यांनी गो महाविकास आघाडी गो म्हणत राज्य सरकारवर टीका केलीय. 

तसेच मध्य प्रदेशचा सत्तेचा व्हायरस लवकरच महाराष्ट्रात येईल आणि राज्यात भूकंप होईल असं भाकीत आठवले यांनी केलं. शरद पवार भूकंप होणार नाही असं म्हणत असले तरी भूकंप सांगून होत नसतात असा टोला आठवले यांनी पवारांना लगावला. आता फक्त हा व्हायरस मध्यप्रदेशातून थेट महाराष्ट्रात येतो की राजस्थान मधून एंट्री करतो हे बघावं लागेल, असं सूतोवाच आठवले यांनी केलंय. 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha

हे देखील वाचा-