पुण्यात नेमकं चाललंय काय? घरात घुसून महिलेसह मुलाला तलवारीने मारहाण, घटनेचा थरारक व्हिडिओ समोर

पुण्यात सातत्यानं गुन्हेगारीच्या घटना घडत आहेत. येरवड्यात महिलेस व मुलास तलवारीने मारहाण केल्याची घटना घडली आहे. चार आरोपींनी घरात घुसून दहशत माजवल्याचे समोर आले आहे.

Pune Crime News

Source : Getty Images

Pune Crime News :  पुण्यात सातत्यानं गुन्हेगारीच्या घटना घडत आहेत. येरवड्यात महिलेस व मुलास तलवारीने मारहाण केल्याची घटना घडली आहे. चार आरोपींनी घरात घुसून दहशत माजवल्याचे समोर आले आहे. या हल्ल्याचा थरारक व्हिडिओ देखील समोर आला आहे. येरवडा परिसरातील लक्ष्मीनगर येथे रविवारी सकाळी घडलेल्या एका थरारक घटनेने संपूर्ण भागात खळबळ माजली आहे. 

नागरिकांमध्ये संताप आणि भीतीचे वातावरण 

चार तरुणांनी घरात घुसून एका महिलेस आणि तिच्या मुलास तलवारीने वार करून  रक्तबंबाळ केले आहे.  या घटनेमुळे नागरिकांमध्ये संताप आणि भीतीचे वातावरण आहे. आरोपी जहुर शेख (28), सुलतान खान (20), आझाद खान (22) आणि मुस्तफा खान (21) सर्व एकाच परिसरातील रहिवासी आहेत. तिघेही फरार आहेत. पोलीस त्यांचा शोध घेत आहेत. आरोपी अचानक त्यांच्या घरात घुसले. माझ्या आईला का मारले ? असा प्रश्न विचारात आरोपी जहुर शेखने थेट तलवार हातात घेत महिलेस आणि तिच्या मुलगा साजिदवर वार केला. रक्ताच्या थारोळ्यात दोघेही जखमी झाले, तर इतर आरोपींनी घरातील वस्तूंचे नुकसान करत गलिच्छ शिवीगाळ केल्याचं पाहायला मिळालं. 

गेल्या आठवड्यातच पुण्यात तरुणीला लाथा बुक्क्यांनी केली होती मारहाण

गेल्या आठवड्यातच पुण्यात एक तरुण एका तरुणीला लाथा बुक्क्यांनी मारहाण (Pune Crime News) करतानाचा व्हिडिओ (Video Viral) समोर आला होता. एका किरकोळ वादातून एका तरुणाने तरुणीला कानशिलात (Crime News) लावत लाथा बुक्क्यांनी मारल्याचे हा व्हिडीओत दिसत आहे. व्हिडिओ पुण्यातला असल्याची माहिती आहे. परिसरातील नागरिकांनी हा संपूर्ण प्रकार आपल्या मोबाईलमध्ये कैद केला आहे. ही घटना मंगळवारी रात्री 8 वाजण्याच्या सुमारास पुणे-सातारा रस्त्यावरील के के मार्केट ते चव्हाण नगर जाणाऱ्या मार्गावर घडली. आता ही मारहाण कुठल्या कारणामुळे झाली, मारहाण करणारा तरुण संबंधित तरुणीचा कोण आहे? याबद्दल कुठली ही माहिती मिळू शकलेली नाही. या घटनेनंतर सर्वत्र संताप व्यक्त केला जात आहे.

महत्वाच्या बातम्या: