Pune Crime News: संतापजनक! पुण्यात रात्रीच्या सुमारास भर रस्त्यावर तरुणीला लाथा बुक्क्यांनी मारहाण; घटनेचा व्हिडीओ समोर, नेमकं काय घडलं?
Pune Crime News : पुण्यात एका किरकोळ वादातून एका तरुणाने तरुणीला कानशिलात (Crime News) लावत लाथा बुक्क्यांनी मारल्याचे हा व्हिडीओ समोर आला आहे.
Pune Crime News : देशभरात सर्वत्र नवरात्र उत्सवाची धामधूम सुरु असून सर्वत्र देवीचा जागर केला जातोय. तर अनेक ठिकाणी कर्तृत्वान महिलांचा सत्कार आणि सन्मान सोहळे सुरू आहेत. मात्र असं असताना विद्येचे माहेरघर असलेल्या पुण्यात मात्र वेगळंच आणि तितकंच संतापजनक चित्र पाहायला मिळतंय. एका दानावाप्रमाणे एक तरुण एका तरुणीला लाथा बुक्क्यांनी मारहाण (Pune Crime News) करतानाचा व्हिडिओ (Video Viral) आता समोर आला आहे. एका किरकोळ वादातून एका तरुणाने तरुणीला कानशिलात (Crime News) लावत लाथा बुक्क्यांनी मारल्याचे हा व्हिडीओत दिसतंय. व्हिडिओ पुण्यातला असल्याची माहिती आहे. परिसरातील नागरिकांनी हा संपूर्ण प्रकार आपल्या मोबाईलमध्ये कैद केला आहे.
घटनेचा व्हिडीओ समोर, नेमकं काय घडलं? (Young Woman was beaten in Pune)
दरम्यान, ही घटना मंगळवारी रात्री 8 वाजण्याच्या सुमारास पुणे-सातारा रस्त्यावरील के के मार्केट ते चव्हाण नगर जाणाऱ्या मार्गावर घडली. आता ही मारहाण कुठल्या कारणामुळे झाली, मारहाण करणारा तरुण संबंधित तरुणीचा कोण आहे? याबद्दल कुठली ही माहिती मिळू शकलेली नाही. मात्र, रात्री उशिरापर्यंत कुठली ही तक्रार प्राप्त न झाल्याची माहिती सहकारनगर पोलीस ठाण्याचे वरिष्ठ पोलीस यांनी दिली. असं असलं तरी सुद्धा या घटनेनंतर सर्वत्र संताप व्यक्त केला जात आहे.
भारतात अमलीपदार्थचा पुरवठा करणारा मुख्य आरोपी अटकेत; पाकिस्तानात कनेक्शन झालं उघडं (Main Accused in Drug Supply in India Arrested)
नालासोपारा : पाकिस्तानातून भारतात हेरॉईन नावाचे अमली पदार्थ सप्लाय करणारा मुख्य सूत्रधारला बेड्या ठोकण्यात विरार गुन्हे शाखा कक्ष-3 च्या पथकाला मोठे यश आले आहे. अफगाणिस्तानवरून पाकिस्तानमार्गे थेट भारतात हे अमंलीपदार्थ सप्लाय करीत असल्याचे मोठ्या रॅकेटचा ही यात भांडाफोड झाला आहे. आरोपीला वसई न्यायालयात हजर केले असता 2 ऑक्टोबरपर्यंत पोलीस कोठडी सुनावली आहे.
दरम्यान, 11 सप्टेंबर रोजी विरार गुन्हे शाखा कक्ष-3 च्या पथकाने फादरवाडी रेंजनाका रस्त्यावरील श्रीपाल टॉवर येथे सापळा रचून 8 कोटी 4 लाख 40 हजार किंमतीचा 2 किलो 11 ग्रॅम वजनाचा हेरॉईन नावाचा अमली पदार्थ जप्त करून तीन आरोपीना अटक केले होते. समुंदरसिंग देवडा (वय 49), युवराजसिंग राठोड (वय 28 ), तकतसिंग राजपूत (वय 38) असे अटक केलेल्या आरोपींची नाव होती. या आरोपींचा कसून तपास केला असता, अमंलीपदार्थ तस्करीतील मुख्य सूत्रधार राजस्थानमधील असल्याचे समोर आले आहे.
इतर महत्वाच्या बातम्या
महत्त्वाच्या बातम्या
