Petrol Diesel Price : राज्यातील सात जिल्ह्यात डिझेल 80 पार, 19 जिल्ह्यात पेट्रोलनं नव्वदीचा टप्पा ओलांडला
देशात पेट्रोल आणि डिझेलच्या (Petrol Diesel Price) किमती वाढतच चालल्या आहेत. कोरोना काळात पेट्रोल- डिझेलच्या दरात विक्रमी वाढ झाली आहे. त्यात आता राज्यातील सात जिल्ह्यामध्ये डिझेलचे दर 80 रुपयांच्या वर गेले आहेत.
मुंबई : देशात पेट्रोल आणि डिझेलच्या किमती वाढतच चालल्या आहेत. कोरोना काळात पेट्रोल- डिझेलच्या दरात विक्रमी वाढ झाली आहे. त्यात आता राज्यातील सात जिल्ह्यामध्ये डिझेलचे दर 80 रुपयांच्या वर गेले आहेत. काल सरकारी तेल कंपन्यांनी डिझेल- पेट्रोलच्या किंमती वाढवल्याचे जाहीर केले आहे. डिझेलच्या दरात 18 ते 20 पैशांची वाढ झाली तर पेट्रोलचे दर 15 ते 17 पैशांने वाढले होते. त्यात आज पुन्हा वाढ झाली आहे. कोरोना काळात पेट्रोल- डिझेलच्या दरात विक्रमी वाढ झाली आहे.
महाराष्ट्रभरातील तब्बल 19 जिल्ह्यांमध्ये पेट्रोलच्या किंमतींनी 90 रुपयांचा टप्पा ओलांडला असून मुंबई त्या उंबरठ्यावर आहे. मुंबई शहरामध्ये डिझेलची किंमत 24 पैशांनी वाढून 79.66 रुपयांवर गेली आहे. त्याचप्रमाणे पेट्रोलच्या किंमतीही 19 पैशांनी वाढल्या आहेत.
नागपूर, परभणी, नांदेड, सोलापूर, अमरावती, औरंगाबाद आणि बुलढाणा या जिल्ह्यात डिझेलच्या किंमत एका लिटरला 80 रुपयांच्या वर गेली आहे. परभणीत पेट्रोल दर सर्वाधिक 91.95 रुपये आहे.
मागील काही दिवसांत राज्यात पेट्रोल आणि डिझेलचे दर सातत्याने वाढताना पाहिला मिळत आहेत. 25 नोव्हेंबरला 77 रुपये 9 पैसे प्रति लिटर दर असणारे डिझेल आज 79 रुपये 66 पैसे इतके झाले आहे. मागील 9 दिवसांमध्ये डिझेलमध्ये 1 रुपया 76 पैसे इतकी दरवाढ झाली आहे. मुंबईत मागील काही दिवसांपासून डिझेलच्या किंमतीत होणारी दरवाढ ही आता 80 रुपयांपर्यंत येऊन पोहचली आहे तर दुसरीकडे पेट्रोलच्या किंमतीमध्ये देखील सातत्याने दरवाढ सुरूच आहे. आज पेट्रोलचा भाव 90 रुपयांपर्यंत पोहोचला आहे. वाढत जाणाऱ्या पेट्रोल- डिझेलच्या किंमतीमुळे आता सर्वसामान्य नागरिकांमध्ये नाराजीचा सूर पाहायला मिळत आहे.
आपल्या मोबाईलवर जाणून घ्या पेट्रोल-डिझेलची किंमत पेट्रोल-डिझेलची किंमतींबाबत एसएमएसच्या माध्यमातून तुम्हाला देखील घरबसल्या माहिती मिळू शकते. इंडियन ऑइलच्या वेबसाइटनुसार, तुम्हाला RSP आणि तुमचा सिटी कोड 9224992249 या क्रमांकावर पाठवावा लागेल. त्यानंतर तुम्हाला तुमच्या शहरातील पेट्रोल-डिझेलच्या किंमती कळतील.
महत्त्वाच्या बातम्या
ट्रेंडिंग न्यूज
