शेतकऱ्याची मुलगी सीमा सुरक्षा बलात; परभणीच्या जिंतुर तालुक्यातील पहिली 'मिल्ट्री गर्ल', गावात जंगी स्वागत
Parbhani Jintur military Girl : शिल्पाची देशाच्या सीमा सुरक्षा बलात निवड झाली असून जिंतुर तालुक्यातील पहिलीच मिल्ट्री गर्ल बनण्याचा बहुमान तिनं पटकावला आहे.
Parbhani Jintur Miltry Girl : देशाच्या संरक्षणात ग्रामीण भागातील मुली कमी नाहीत हे परभणीच्या जिंतुर तालुक्यातील दुर्गम अशा सावरगाव येथील शिल्पा भुतकर या 22 वर्षीच्या तरुणीने दाखवून दिले आहे. शिल्पाची देशाच्या सीमा सुरक्षा बलात निवड झाली असून जिंतुर तालुक्यातील पहिलीच मिल्ट्री गर्ल बनण्याचा बहुमान तिनं पटकावला आहे. तिच्या यशाबद्दल सावरगाव आणि सावरगाव तांडा येथील ग्रामस्थांनी तीच जंगी स्वागत केलं आहे.
जिंतूर तालुक्यातील सावरगाव येथील शिल्पा मोकिंद भूतकर ही मुलगी वयाच्या 22व्या वर्षी सीमा सुरक्षा बल (SSB) दलात पात्र ठरली आहे. तिने भोपाळ येथे सीमा दलाचे प्रशिक्षण पूर्ण केले असून ती बिहार-नेपाळ सीमेवर रुजू झाली आहे. SSB दलात महिलांमधुन पात्र ठरलेली ती जिंतूर तालुक्यातील पहिली मुलगी आहे.
शिल्पाचे वडील शेती करतात तर तिच्या आईने धुणी-भांडी करण्याचे काम करते. अशा परिस्थितीत शिल्पानं तिचे शिक्षण पूर्ण केले आहे.शिल्पा भूतकर हिचे प्राथमिक आणि महाविद्यालयीन शिक्षण नाशिक येथे झाले असून अत्यंत हलाखीच्या परिस्थितीत तिच्या कुटुंबातील सदस्यांनी मजुरी करून तिला शिक्षणासाठी प्रोत्साहन दिले आहे.
शिल्पाने पदवी पर्यंत शिक्षण घेतले असून सन-2021 च्या सीमा सुरक्षा बल पात्रता परीक्षेत ती उत्तीर्ण झाली होती. या स्पर्धेत जवळपास दीड लाखाच्या आसपास विद्यार्थ्यांनी परीक्षा दिली होती. जिंतूर तालुक्यातील ती पहिली महिला मिल्ट्री गर्ल ठरली असून सर्व क्षेत्रातून तिच्यावर अभिनंदनाचा वर्षाव होत आहे.
तिच्या या यशाने गाव आणि परिसरातील मुलींना प्रेरणा मिळाली असून मुली देखील देशाच्या संरक्षणात अग्रेसर आहेत हे तिने दाखवून दिले आहे.गावकऱ्यांच्या वतीने संपूर्ण गावातुन मिरवणूक काढून तिचे जंगी स्वागत करण्यात आले, यावेळी सावरगाव गाव आणि तांड्यातील शेकडो महिला पुरुष सहभागी झाले होते. यावेळी सावरगाव गाव आणि तांड्यातील शेकडो महिला पुरुष सहभागी झाले होते.
महत्त्वाच्या बातम्या
ट्रेंडिंग न्यूज
