मुंबई-पुणे एक्स्प्रेस वेवर टवेराचा अपघात, पाच प्रवाशांचा मृत्यू

रायगड : मुंबई-पुणे एक्स्प्रेस मार्गावरील अपघात काही केल्या कमी होताना दिसत नाहीत. भातण बोगद्याजवळ टवेरा जीपच्या अपघातात 5 प्रवाशांचा मृत्यू झाला आहे. अपघातग्रस्त टवेरा कारचा अक्षरशः चक्काचूर झाला. चिपळूणहून मुंबईकडे परत येत असताना टवेरा जीपच्या चालकाचा ताबा सुटला आणि जीपनं कंटेनरला जोरदार धडक दिली. यात गाडीतील 8 प्रवाशांपैकी 5 जणांचा उपचारादरम्यान मृत्यू झाला. गंगाराम रावण, संदीप रावण, संजय रावण, जयराम आंबेकर आणि मिलिंद पवार अशी मृतांची नावं आहेत. मृत्युमुखी पडलेले प्रवासी हे मुंबईतील शिवडी आणि ऐरोलीचे रहिवासी होते.