(Source: ECI/ABP News/ABP Majha)
मोठी बातमी! मनसे महायुतीत सहभागी होणार?; मनसे नेत्यांकडून एकनाथ शिंदेंसह फडणवीसांची भेट
MNS News : मनसे महायुतीत सहभागी होण्याची शक्यता वर्तवली जात आहे. तर आगामी लोकसभा निवडणुकीच्या पार्श्वभूमीवर राज्याच्या राजकारणात अनेक राजकीय भूकंप होण्याची शक्यता.
MNS News : मनसे नेत्यांनी मुख्यमंत्री एकनाथ शिंदे (CM Eknath Shinde) यांची गुरूवारी तर सोमवारी उपमुख्यमंत्री देवेद्र फडणवीसांची (Devendra Fadnavis) भेट घेतली आहे. लोकसभा निवडणुकीच्या अनुषंगाने या बैठकीत चर्चा झाल्याचं समोर येतंय. सूत्रांनी दिलेल्या माहितीनुसार तीन पक्षाच्या वरिष्ठ नेत्यांची येत्या 8-10 दिवसात पुन्हा बैठक होऊ शकते. ज्यात काही फॉर्म्युला वर चर्चा होऊ शकते. त्यामुळे मनसे महायुतीत सहभागी होण्याची शक्यता वर्तवली जात आहे. तर आगामी लोकसभा निवडणुकीच्या पार्श्वभूमीवर राज्याच्या राजकारणात अनेक राजकीय भूकंप होण्याची शक्यता.
राज्याच्या राजकारणात लोकसभा निवडणुकीच्या पार्श्वभूमीवर मोठ्या घडामोडी घडताना पाहायला मिळत आहेत. अशात मनसे महायुतीमध्ये सहभागी होण्याच्या हालचालींना देखील वेग येतांना पाहायल मिळत आहे. मनसेचे नेत संदिप देशपांडे, बाळा नांदगांवकर, नितिन सरदेसाई यांनी उपमुख्यमंत्री देवेंद्र फडणवीसांची भेट घेतल्याची माहिती समोर येत असतानाच, आता मनसे नेत्यांनी मुख्यमंत्री एकनाथ शिंदे यांची देखील भेट घेतल्याची माहिती समोर येत आहे. सोबतच लवकरच तीनही पक्षातील वरिष्ठ नेत्यांमध्ये महत्वाची बैठक होणार असल्याची माहिती देखील समोर येत आहेत. त्यामुळे लोकसभा निवडणुकीपूर्वी मनसे महायुतीमध्ये सहभागी होण्याची शक्यता आहे.
भेटीगाठी वाढल्या...
मागील काही दिवसांपासून मनसे महायुतीसोबत जाणार असल्याची चर्चा आहे. त्याची काही कारणं देखील आहे. मनसे प्रमुख राज ठाकरे आणि मुख्यमंत्री एकनाथ शिंदे यांच्यात मागील काही दिवसांत सतत गाठीभेटी होतांना पाहायला मिळत आहे. विशेष म्हणजे मुख्यमंत्री शिंदे यांनी राज ठाकरेंच्या निवासस्थानी जाऊन त्यांची भेट देखील घेतली होती. या दोन्ही नेत्यांच्या भेटीमुळे मनसे आणि शिंदे गट आगामी लोकसभा- विधानसभा निवडणुकीत एकत्र येणार असल्याच्या चर्चा सुरु आहेत. अशातच राज ठाकरे आणि भाजप नेत्यांच्या देखील भेटीगाठी होतांना पाहायला मिळत आहे. त्यातच मनसेचे नेत संदिप देशपांडे, बाळा नांदगांवकर, नितिन सरदेसाई यांनी उपमुख्यमंत्री देवेंद्र फडणवीसांची भेट घेतली आहे. त्यामुळे या सर्व भेटी पाहता मनसे महायुतीमध्ये सहभागी होणार असल्याची चर्चा आहे.
मनसे नेत्यांची फडणवीसांसोबत गुप्त भेट...
मागील काही दिवसांत मनसे प्रमुख राज ठाकरे आणि देवेंद्र फडणवीस अनेकदा एकाच व्यासपीठावर आल्याचे पाहायला मिळाले. त्यामुळे मनसे- भाजप यांच्या युतीबाबत अनेकदा चर्चा झाली. सोबतच भाजपच्या नेत्यांनी देखील अनेकदा राज ठाकरेंची भेट घेतल्याचे पाहायला मिळाले. अशात आता मनसे नेते संदिप देशपांडे, बाळा नांदगांवकर आणि नितिन सरदेसाई यांनी फडणवीसांची गुप्त भेट घेतल्याने भाजप- मनसेमध्ये युती होणार का? याबाबत चर्चा होत आहे. विशेष म्हणजे मनसे नेते संदिप देशपांडे यांनी देखील फडणवीसांसोबत बैठक झाली असल्याचे म्हटले आहे.
इतर महत्वाच्या बातम्या:
भाजप मनसे युती होणार?; मनसेच्या नेत्यांची फडणवीसांसोबत गुप्त भेट; युतीच्या चर्चांना उधाण
महत्त्वाच्या बातम्या
ट्रेंडिंग न्यूज
