Maratha Reservation Protest LIVE : जालन्यात पुढील दोन दिवस इंटरनेट सेवा बंद
Maratha Reservation Protest : मराठा आंदोलनाला आता अधिकच झळ बसू लागली आहे. अनेक ठिकाणी जाळपोळीच्या घटना घडत आहे. मराठा आंदोलनाचे प्रत्येक अपडेट क्लिकवर
LIVE
Background
मुंबई : मराठा आरक्षणासाठी (Maratha Reservation) गेल्या सात दिवसांपासून उपोषण करणाऱ्या मनोज जरांगे (Manoj Jarange) यांची प्रकृती खालावत आहे. मराठा आंदोलकांच्या आग्रहामुळे जरांगे आजपासून पाणी पिणार आहे. मराठा आरक्षणासाठी (Maratha Reservation) राज्यभरात मराठा आंदोलक आक्रमक झाला आहे. मराठा आंदोलनाला हिंसक वळण लागलंय. अनेक ठिकाणी जाळपोळीच्या घटना घडल्यात. उग्र आंदोलन होत असल्याने आंदोलकांच्या आग्रहाने ते पाणी घेणार आहे. पाणी घेत नसल्याने तब्येत खालावत असल्याने आंदोलक हिंसक होत असल्याने मनोज जरांगे (Manoj Jarange) यांनी निर्णय घेतला आहे.
Maratha Protest Nanded : नांदेडमध्ये रस्त्यावरील वाहतूक सुरळीत ठेवण्यासाठी महामार्ग, राज्यमार्ग व इतर मार्गांवर उपोषण, धरणे, मोर्चे, रॅली आदी आयोजनावर निर्बंध
नांदेड : जिल्ह्यातील सर्व राष्ट्रीय, सर्व राज्य महामार्गावर व इतर सर्व मार्गांवर वाहतूक आवा-गमन सुरळीत चालू राहण्याच्यादृष्टीने नमूद ठिकाणी जिल्हाधिकारी तथा जिल्हादंडाधिकारी अभिजीत राऊत यांनी पुढील आदेशापर्यंत उपोषणे, धरणे, मोर्चे, रॅली, रास्ता रोको, आंदोलने इत्यादी आंदोलनात्मक कार्यक्रम घेण्यास, आयोजित करण्यास प्रतिबंध केले आहे.
Jalna News : जालन्यात पुढील दोन दिवस इंटरनेट सेवा बंद
Jalna News : जालन्यातील अंतरवली सराटीमध्ये मनोज जरांगे यांचे आमरण उपोषण सुरु आहे. त्यातच आता पुढील दोन दिवस जालन्यातील इंटरनेट सेवा ही बंद ठेवण्याचा निर्णय घेण्यात आला आहे.
Maratha Protest : इंदापूरमध्ये मराठा आंदोलकांचे अनोखे आंदोलन, जरांगे पाटलांच्या उपोषणाला दिला पाठिंबा
Maratha Protest : मनोज जरांगे यांच्या आंदोलनाला पाठिंबा देत मराठा समाजाला तात्काळ आरक्षण द्यावे या मागणी साठी इंदापूर मध्ये मराठा आंदोलनकांनी अनोखे आंदोलन केले. टॉवरवर चढत यावेळी या आंदोलकांनी आरक्षणाची मागणी केली. इंदापूर तालुक्यातील बावडा येथील घटना आहे. ओंकार घाडगे आणि सतीश डोके अशी या आंदोलकांची नावे आहेत. सध्या आंदोलस्थळी पोलिसांचा मोठा फौजफाटा तैनात करण्यात आला आहे.
Maratha Protest : सोलापूर पुणे राष्ट्रीय महामार्ग मराठा आंदोलकांनी अडवला
Maratha Protest : सोलापूर शहरातील बाळेजवळील फ्लायओव्हरवर टायर जाळून महामार्ग अडवण्यात आला. यामुळे पुण्याहून सोलापूरकडे येणारी वाहतूक पूर्णपणे थांबली. यावेळी मराठा आंदोलकांकडून एक मराठा लाख मराठाची घोषणाबाजी देखील करण्यात आली.
Amit Shah : राज्यातील परिस्थितीवर अमित शाह यांचा देवेंद्र फडणवीस यांच्याशी फोनवरून संवाद
Amit Shah : केंद्रीय गृह विभागाने राज्यात मराठा आरक्षणावरून उपस्थित झालेल्या कायदा आणि सुव्यवस्थेचा आढावा घेतला असल्याची माहिती सध्या समोर येत आहे. दरम्यान केंद्रीय गृहमंत्री अमित शहा यांनी राज्यातील परिस्थितीवर उपमुख्यमंत्री देवेंद्र फडणवीस यांच्याशी फोनवरून संवाद साधल्याची माहिती सूत्रांनी दिली.
महत्त्वाच्या बातम्या
ट्रेंडिंग न्यूज
