प्रवाशांच्या जीवाशी खेळ! गेल्या दोन वर्षात तब्बल 1951 वेळा विमानांच्या GPS सिस्टममध्ये छेडछाड; मोदी सरकारची 12 दिवसात दुसऱ्यांदा थेट कबुली
जीपीएस विमानांना अचूक स्थान, दिशा आणि उंची प्रदान करते आणि उड्डाण नेव्हिगेशनमध्ये महत्त्वाची भूमिका बजावते. जीपीएस डेटामधील दोषांमुळे विमान दिशा गमावू शकते, ज्यामुळे मोठी घटना घडण्याची शक्यता असते.
GPS System Tampering: भारतात गेल्या दोन वर्षांत विमानांच्या जीपीएस सिस्टीममध्ये छेडछाडीच्या तब्बल 1,951घटना घडल्या आहेत. केंद्र सरकारने गुरुवारी लोकसभेत ही माहिती उघड केली. जीपीएस विमानांना अचूक स्थान, दिशा आणि उंची प्रदान करते आणि उड्डाण नेव्हिगेशनमध्ये महत्त्वाची भूमिका बजावते. जीपीएस डेटामधील दोषांमुळे विमान दिशा गमावू शकते, ज्यामुळे मोठी घटना घडण्याची शक्यता असते. अलिकडेच दिल्ली, मुंबई, कोलकाता, अमृतसर, हैदराबाद, बेंगळुरू आणि चेन्नई विमानतळांवर जीपीएस स्पूफिंग आणि छेडछाडीच्या घटना घडल्या आहेत. नागरी विमान वाहतूक राज्यमंत्री मुरलीधर मोहोळ यांनी सांगितले की वायरलेस मॉनिटरिंग ऑर्गनायझेशन या प्रकरणाची चौकशी करत आहे.
10 नोव्हेंबर रोजी, डीजीसीएने दिल्ली विमानतळाभोवती जीपीएस स्पूफिंग/जीएनएसएस छेडछाडीच्या रिअल-टाइम रिपोर्टिंगसाठी एसओपी जारी केला. 12 दिवसांत सरकारने संसदेत जीपीएस स्पूफिंगची कबुली देण्याची ही दुसरी वेळ आहे. यापूर्वी 1डिसेंबर रोजी केंद्रीय नागरी विमान वाहतूक मंत्री किंजरापु राममोहन नायडू यांनी राज्यसभेत सांगितले होते की, 7 नोव्हेंबर रोजी दिल्लीच्या इंदिरा गांधी आंतरराष्ट्रीय विमानतळावर (आयजीआय) ऑटोमॅटिक मेसेज स्विचिंग सिस्टम (एएमएसएस) बिघाड झाला होता.
7 नोव्हेंबर रोजी दिल्ली विमानतळावरील उड्डाणे 12 तासांहून अधिक काळ विस्कळीत झाली. 800 हून अधिक देशांतर्गत आणि आंतरराष्ट्रीय उड्डाणे उशिरा झाली आणि 20 रद्द करण्यात आल्या. नायडू यांनी सभागृहाला माहिती दिली की जागतिक स्तरावर रॅन्समवेअर आणि मालवेअर हल्ल्यांचा धोका वाढला आहे. भारतीय विमानतळ प्राधिकरण (एएआय) त्यांच्या आयटी आणि महत्त्वाच्या पायाभूत सुविधांचे संरक्षण करण्यासाठी प्रगत सायबरसुरक्षा उपाययोजना अवलंबत आहे. खासदार एस. निरंजन रेड्डी यांच्या प्रश्नाच्या उत्तरात त्यांनी ही माहिती दिली. आयजीआय येथे जीपीएस स्पूफिंगच्या घटनेची सरकारला माहिती होती का आणि ती रोखण्यासाठी डीजीसीए आणि एएआयने कोणती तयारी केली होती, याबद्दल रेड्डी यांनी विचारले होते.
7 नोव्हेंबर रोजी काय घडले?
एअर ट्रॅफिक कंट्रोल (एटीसी) ऑटोमॅटिक मेसेज स्विच सिस्टीम (एएमएसएस) मध्ये तांत्रिक बिघाड झाल्यामुळे दिल्ली विमानतळावरील विमान उड्डाणांवर 12 तासांहून अधिक काळ परिणाम झाला. 800 हून अधिक देशांतर्गत आणि आंतरराष्ट्रीय उड्डाणे उशिरा झाली आणि 20 रद्द करण्यात आल्या. सिस्टममध्ये बिघाड सकाळी 9 वाजता झाला आणि रात्री 9:30 च्या सुमारास दुरुस्त करण्यात आला. दिल्ली विमानतळावरील उड्डाण विलंबाचा परिणाम मुंबई, भोपाळ, चंदीगड आणि अमृतसरसह देशभरातील अनेक विमानतळांवर जाणवला. दिल्लीला आणि दिल्लीहून येणाऱ्या विमानांनाही विलंब झाला.
मॅन्युअल काम करावे लागले
एटीसीच्या एका अधिकाऱ्याने सांगितले की, एएमएसएस लागू करण्यापूर्वी, विमान कंपन्यांकडून विमान उड्डाण योजना मॅन्युअली प्राप्त होत होत्या. ही प्रणाली लागू झाल्यानंतर, विमान उड्डाण योजना मेसेजिंगद्वारे प्राप्त होत होत्या आणि एटीसीने त्या आधारे टेकऑफ आणि लँडिंगचे निर्णय घेण्यास सुरुवात केली. सिस्टम क्रॅश झाल्यानंतर शुक्रवारी विमानतळावर मॅन्युअल काम करावे लागले. विमानतळ अधिकाऱ्यांनी प्रवाशांसाठी एक सूचना जारी केली आहे. त्यात म्हटले आहे की एएमएसएसमध्ये सतत सुधारणा होत आहे, परंतु प्रवाशांनी रिअल-टाइम फ्लाइट माहितीसाठी त्यांच्या विमान कंपन्यांच्या संपर्कात राहावे.
इतर महत्वाच्या बातम्या
महत्त्वाच्या बातम्या
