Jalna Accident : आयशरची दुचाकीला धडक, तीन चिमुकल्या मुली जागीच ठार, मंठा रोडवरील घटना
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
जालना शहरातील मंठा रोडवरील पुलावर आयशरने दुचाकीला धडक दिल्याने तीन मुलींचा जागीच मृत्यू झाल्याची घटना घडली. वडिलांसोबत सुट्टीच्या निमित्ताने खरेदीसाठी निघालेल्या दुचाकीवरील तीन मुलींना जीव गमवावा लागला. भरधाव वेगात असलेल्या आयशरला ओव्हरटेक करताना दुचाकीला धडक बसल्याने तीन मुलींचा जागीच मृत्यू झाला. तर दुचाकीस्वार पित्याला जखमी अवस्थेत खाजगी दवाखान्यात हलवण्यात आलं. दरम्यान आयशर अपघात स्थळी सोडून चालक फरार झाला आहे. नुरेन शेख -वय 6 वर्ष, आयेशा शेख- -वय 5 वर्ष, अदाबिया सय्यद- वय वर्ष 3 वर्ष- असे या मयत झालेल्या मुलींची नावे आहेत.
मुंबईतील विलेपार्ले परिसरातील नानावती हॉस्पिटलला लागून असलेली G+2 इमारत दुपारी अडीच वाजताच्या सुमारास कोसळली. इमारतीत अडकलेल्या 5 जणांची सुटका करण्यात आली आहे, ज्यांना उपचारांसाठी कूपर रुग्णालयात पाठवण्यात आलं आहे. इमारतीत अडकलेल्या 5 जणांपैकी 2 जणांचा मृत्यू झाला आहे.
Mumbai Rains: विद्याविहार येथील तीन मजली इमारत 'प्रशांत निवास' खचून सात तास उलटले आहेत. तरीही इमारतीच्या पहिल्या मजल्यावर असलेल्या कुटुंबापैकी अलका आणि नरेश पालंडे अजूनही ढिगाऱ्याखाली अडकले आहेत. एनडीएआरएफने शर्थीचे प्रयत्न करुनही या दोघांना बाहेर काढण्यात यश आलं नाही.अखेर, आता उभे असलेले दोन मजले पाडण्याचा प्रयत्न सध्या सुरू आहे.
पार्श्वभूमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
संत तुकाराम महाराजांच्या पालखीचं आज देहूतून आज प्रस्थान
संत तुकाराम महाराजांच्या पालखीचं आज देहूतून आज प्रस्थान होणार आहे पालखी प्रस्थान दु. 2 वाजता होणार असून पालखीचा पहिला मुक्काम इनामदार वाड्यात असणार आहे. यावेळी पालकमंत्री चंद्रकांत पाटील, विरोधी पक्षनेते अजित पवार आणि स्थानिक खासदार-आमदार उपस्थित राहणार आहेत. १९ दिवसांचा प्रवास करून हा पालखी सोहळा २९ जून रोजी पंढरपूरमध्ये दाखल होणार आहे.
आज राष्ट्रावादीचा 25 वा वर्धापन दिन
राष्ट्रवादी काँग्रेसच्या वर्धापन दिनासाठी आज शरद पवार दिल्लीत. राष्ट्रवादीच्या पक्ष कार्यालयात आज वर्धापन दिनाचा कार्यक्रम दुपारी 12 वाजता होईल. प्रफुल्ल पटेल, सुप्रिया सुळे आणि सुनील तटकरे यांच्यासह राष्ट्रीय कार्यकारणीतले इतर महत्त्वाचे नेते उपस्थित राहणार आहेत. राष्ट्रवादी काँग्रेस पार्टीच्या वर्धापनदिनानिमित्त मुंबई विभागीय राष्ट्रवादी काँग्रेस पार्टीच्या वतीने आज सकाळी 09.30 वाजता मुंबईच्या राष्ट्रवादीच्या कार्यालयात झेंडावंदनाचा कार्यक्रम आयोजित केलाय. यावेळी खासदार जयंत पाटील , छगन भुजबळ उपस्थित राहणार आहेत. राष्ट्रवादी काँग्रेसच्या वर्धापन दिनाच्या कार्यक्रमास सायंकाळी पाच वाजता राष्ट्रवादी कार्यालयात अजित पवार उपस्थित राहणार आङेत.
नांदेडमध्ये आज केंद्रीय गृहमंत्री अमित शहा यांची जाहीर सभा
नांदेडमध्ये आज केंद्रीय गृहमंत्री अमित शहा यांची संध्याकाळी 5.30 वाजता जाहीर सभा होणार आहे. केंद्रीय गृहमंत्री अमित शाह काँग्रेसचे ज्येष्ठ नेते अशोक चव्हाणांचा बालेकिल्ला नांदेडमध्ये सभा घेणार आहेत. मोदी सरकारला 9 वर्ष पूर्ण झाल्यानिमित्त उपक्रमाअंतर्गत नांदेडमध्ये अमित शाह यांची जाहीर सभा होणार आहे. या सभेसाठी केंद्रीय मंत्री रामदास आठवले, भागवत कराड, भाजपा प्रदेशाध्यक्ष चंद्रशेखर बावनकुळे, उपमुख्यमंत्री देवेंद्र फडणवीस, अतुल सावे, प्रवीण दरेकर आणि इतर नेते उपस्थित राहतील. या सभेत, मोदी सरकारची कामगिरी अमित शाहा जनतेसमोर मांडणार आहेत. दरम्यान नांदेडच्या मैदानातून अमित शाह कुणावर बरसणार याकडे राजकीय वर्तुळाचं लक्ष लागलं आहे.
वैद्यकीय शिक्षण मंत्री गिरीष महाजन आज नाशिक दौऱ्यावर
वैद्यकीय शिक्षण मंत्री गिरीष महाजन आज नाशिक दौऱ्यावर असतील. सकाळी 11 वाजता आरोग्य विज्ञान विद्यापीठाच्या रौप्य महोत्सवी वर्धापनदिनच्या कार्यक्रमाला हजेरी लावणार. त्यानंतर भाजप कार्यलयात आढावा बैठक घेणार आहेत. गेल्या काही दिवसांपासून भाजपने लोकसभा निवडणुकीच्या तयारीला सुरवात केलीय त्या दृष्टीने नवीन नियुक्त्या केल्यात त्यापासून महाजन याना नाशिकपासून दूर ठेवल्याची कार्यकर्त्यांची भावना आहे, त्यानंतर महाजन पहिल्यांदाच नाशिकमध्ये येत आहेत
- - - - - - - - - Advertisement - - - - - - - - -