Maharashtra News Live Updates : बेळगावातील पाचव्या हाफ मॅरेथॉन स्पर्धेला उस्फुर्त प्रतिसाद
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो.
आज अंधेरी पूर्व पोटनिवडणुकीचा निकाल असणार आहे. ऋतुजा लटके विरुद्ध अपक्ष अशा झालेल्या लढतीकडे संपूर्ण महाराष्ट्राचे लक्ष लागून राहिले आहे. रमेश लटके यांच्या निधनाने रिक्त झालेल्या जागेसाठी मतदान 3 नोव्हेंबरला पार पडलं. भाजपकडून महापालिका निवडणुकीच्या प्रचारासाठी जागर मुंबईचा अंतर्गत पहिली जाहीर सभा वांद्र्यात होणार आहे. या महत्वाच्या बातम्यांसह आज दिवसभरात घडणाऱ्या काही पूर्वनियोजित घटना, कार्यक्रम, घटना-घडामोडींबाबत थोडक्यात जाणून घेणार आहोत. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी तुमच्यापर्यंत सविस्तर पोहोचवू याची थोड्यात माहिती देणार आहोत.
आज अंधेरी पूर्व पोटनिवडणुकीचा निकाल
ऋतुजा लटके विरुद्ध अपक्ष अशा झालेल्या लढतीचा निकाल आज लागणार आहे. रमेश लटके यांच्या निधनाने रिक्त झालेल्या जागेसाठी मतदान 3 नोव्हेंबरला पार पडलं. आज या निवडणुकीचा निकाल आहे. सकाळी 8 वाजता टपाल मतमोजणीला सुरुवात होईल.
सिंधुदुर्गमध्ये नारायण राणे यांची पत्रकार परिषद
केंद्रीय मंत्री नारायण राणे यांची दुपारी 12.30 वाजता पत्रकार परिषद होणार आहे.
मातोश्रीच्या अंगणापासून भाजपचं मिशन मुंबई, आजपासून जागर मुंबईचा
भाजपकडून महापालिका निवडणुकीच्या प्रचारासाठी जागर मुंबईचा अंतर्गत पहिली जाहीर सभा वांद्र्यात होणार आहे. आशिष शेलार, पूनम महाजन सभेला संबोधित करतील. वांद्रे पूर्व येथे संध्याकाळी सहा वाजता सभा होणार आहे.
बुलढाण्यात रविकांत तुपकर यांच्या नेतृत्वात जिल्हाधिकारी कार्यालयावर मोर्चा
अतिवृष्टी ग्रस्त शेतकऱ्यांना मदत, सोयाबीन, कापूस दराच्या मागणीसाठी स्वाभिमानी शेतकरी संघटनेचा रविकांत तुपकर यांच्या नेतृत्वात जिल्हाधिकारी कार्यालयावर मोर्चा काढण्यात येणार आहे. पोलिसांच्या माहितीनुसार या मोर्चात जवळपास 30 हजार शेतकरी राज्यभरातून सामील होणार आहेत.
मुख्यमंत्री ठाण्यातील काही सामाजिक कार्यक्रमांना उपस्थिती लावणार
मुख्यमंत्री ठाण्यातील काही सामाजिक कार्यक्रमांना उपस्थिती लावणार आहेत. ठाण्यातील पहिल्या 5 स्टार हॉटेलचे उद्घाटन मुख्यमंत्री यांच्या हस्ते केले जाणार. तर मुख्यमंत्री यांच्या मतदार संघातील वागळे इस्टेट, टोल नाका परिसरात देखील कोकण महोत्सव आणि मेळाव्यांना मुख्यमंत्री उपस्थित राहणार.
धारावी जंक्शनसमोरील नाल्यात मृतदेह आढळला
धारावी जंक्शनसमोरील नाल्यात पुरुषाचा मृतदेह आढळला आहे. शाहुनगर अग्निशमन दलाच्या जवानांनी खूप प्रयत्न करूनही नाल्यातून मृतदेह काढता आला नाही. कठीण परिस्थितीत सायन तलावाचे कार्यकर्ते विजय यादव आणि त्यांच्या धाडसी कार्यकर्त्यांनी जीव धोक्यात घालून मृतदेह नाल्यातून बाहेर काढला. पोलीस निरीक्षक प्रदीप सालेकर साहेब यांनी विजय यादव व त्यांच्या टीमचे त्यांच्या या धाडसाबद्दल अभिनंदन केले.
बेळगावात आयोजित करण्यात पाचव्या हाफ मॅरेथॉन स्पर्धेला उस्फुर्त प्रतिसाद
आदित्य ठाकरे यांचा अकोला दौरा
शिवसेना नेते आदित्य ठाकरे यांचा उद्या अकोला जिल्हा दौरा आहे. सकाळी 9 वाजता त्यांचं अकोला विमानतळावर आगमन होईल. त्यानंतर शिवर, नेहरूपार्क चौक, अशोकवाटीका चौक, गांधीचौक, जयहिंद चौक अशा ठिकठिकाणी त्याचं स्वागत होईल. त्यानंतर अकोल्याचं ग्रामदैवत राजराजेश्वराचं ते दर्शन घेणारायेत. यानंतर त्यांची बाळापूर येथे सभा होणारेय. सकाळी 11 वाजता बाळापूर कृषी उत्पन्न बाजार समितीच्या मैदानावर ही सभा होणारेय. बाळापूर हा ठाकरे गटाचे आमदार नितीन देशमुखांचा मतदारसंघ आहेय. नितीन देशमुखांनी ही स्पर्धेची नितीन देशमुखांनी जोरदार तयारी केलीये. उद्याच्या सभेत आदित्य ठाकरे आणि नितीन देशमुख काय बोलणार याकडे सर्वांचं लक्ष लागलंय.
राजेश टोपेंच्या मुखड्यामुळं तीन लाख लोकांचा मृत्यू? भाजप आमदार बबनराव लोणीकर यांचा आरोप
कोरोना काळात राजेश टोपेंच्या मुखड्यामुळं महाराष्ट्रात तीन लाख लोकांचा मृत्यू झाल्याचा आरोप भाजपचे आमदार बबनराव लोणीकर यांनी केलाय.. जालना जिल्ह्यातल्या परतूरमध्ये सेवा समर्पण सप्ताह निमित्त धन्यवाद मोदीजी या अभियानाची माहिती देताना केलेल्या भाषणात लोणीकर यांनी हा आरोप केलाय आघाडी सरकारनं ग्लोबल टेंडर नावाचा इंग्रजी शब्द आणला.. आणि सहा हजार कोटींची लस विकत घेतली.. तत्कालीन आरोग्य मंत्री राजेश टोपे हा मुखडा रोज टीव्हीवर यायचा.. नुसता बोलाचा भात आण् बोलाचाच कडी.. त्यामुळं तीन लाख लोकांचा महाराष्ट्रात मृत्यू झाला. ग्लोबल टेंडरच्या नावाखाली आघाडी सरकारनं जनतेची फसवून केली.. आणि एकही लस विकत घेतली नाही.. त्यामुळं लबाड लांडगं ढोंग करतं लस आणण्याचं सोंग करतं असं म्हणत लोणीकर यांनी टीका केलीये..
Nagpur Crime : बँक कर्मचाऱ्यांनीच ठेवीदारांच्या नावाने काढलं बोगस कर्ज
नागपूरच्या संत जगनाडे क्रेडिट को-ऑपरेटिव्ह सोसायटी मध्ये शाखाप्रमुख आणि बँक कर्मचाऱ्यांनीच ठेवीदारांच्या नावाने बोगस कर्ज काढल्याची बाब समोर आली आहे. यासंदर्भात नागपूरच्या तहसील पोलीस स्टेशनमध्ये गुन्हा दाखल करण्यात आला असून बँकेचे शाखाप्रमुख विनोद फटिंग क्लर्क दुर्गा भवाळकर आणि दीपक तेलमासारे या तिघांना पोलिसांनी अटक केली आहे. 2001 ते 2021 या काळात आरोपींनी बँकेतील 70 ठेवीदारांच्या कागदपत्राचा गैरवापर करत बोगस साक्षऱ्या करून तीन कोटी 36 लाखाच्या कर्ज उचलल्याचे निष्पन्न झाले. पोलीस या प्रकरणाचा सखोल तपास करत असून या फसवणुकीची रक्कमेत आणखी वाढ होण्याची शक्यता वर्तवली जात आहे.
महत्त्वाच्या बातम्या
ट्रेंडिंग न्यूज
