Maharashtra News Live Updates : बालाजीच्या दर्शनासाठी मुख्यमंत्री एकनाथ शिंदे आंध्रप्रदेशमध्ये ; महत्त्वाच्या बातम्या एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो.
सर्वत्र नववर्षाचा उत्साह...
आजपासून 'या' गोष्टी बदलणार
- पोस्ट ऑफिस योजनेचा व्याजदर वाढणार
- वाहने महागणार
- क्रेडिट कार्डच्या नियमांत बदल
- बँक लॉकरचे नियम बदलणार
- विमा प्रीमियम महागण्याची शक्यता
कोरेगाव भीमा शौर्य दिन
कोरेगाव भीमा इथल्या विजय स्तंभास अभिवादन करण्यासाठी लाखो आंबेडकर अनुयायी येणार. अजित पवार (सकाळी 6 वाजता), चंद्रकांत पाटील, प्रकाश आंबेडकर, रामदास आठवले, जितेंद्र आव्हाड हे नेतेही कोरेगाव भीमाला भेट देतील.
ठाकरे सरकारच्या 19 बंगले घोटाळा प्रकरणी किरीट सोमय्या एफआयआर दाखल करणार
मुंबई- ठाकरे सरकारच्या 19 बंगले घोटाळा प्रकरणी किरीट सोमय्या रेवदंडा पोलीस स्टेशनमध्ये एफआयआर दाखल करणार आहेत, सकाळी 11.30 वाजता.
सिल्लोडला राज्यस्तरीय कृषी महोत्सवाच्या उद्घाटनाला मुख्यमंत्री उपस्थित राहणार
औरंगाबाद- सिल्लोडला राज्यस्तरीय कृषी महोत्सवाच्या उद्घाटनाला मुख्यमंत्री एकनाथ शिंदे, उपमुख्यमंत्री देवेंद्र फडणवीस, रेल्वेमंत्री रावसाहेब दानवे, अर्थराज्यमंत्री भागवत कराड उपस्थित राहणार आहेत, दुपारी 2 वाजता.
शरद पवार इंदापूर दौऱ्यावर
इंदापूर- राष्ट्रवादीचे सर्वेसर्वा शरद पवार इंदापूर दौऱ्यावर येत असून ते दत्तात्रय भरणे यांच्यासोबत आधुनिक द्राक्ष बागेची पाहणी करणार आहेत, सकाळी 10.15 वाजता.
हिंदू समाजाकडून लव्ह जिहादच्या विरोधी मोर्चा
कोल्हापूर- सकल हिंदू समाजाकडून लव्ह जिहादच्या विरोधी मोर्चा काढण्यात येणार आहे, सकाळी 10 वाजता
भाजप मेळावा आणि नवनिर्वाचित सरपंच आणि सदस्य यांचा सत्कार
सांगली- भाजप मेळावा आणि नवनिर्वाचित सरपंच आणि सदस्य यांचा सत्कार होणार आहे. कामगार मंत्री सुरेश खाडे, खासदार संजय काका पाटील आणि जिल्ह्यातील आमदार उपस्थित राहतील, सकाळी 11 वाजता.
मुंबई-नाशिक महामार्गावर भीषण अपघात, दोन ठार
मुंबई-नाशिक महामार्गावर भीषण अपघात झालाय. यात दोन ठार झाले असून तिघे जण जखमी झाले आहेत. मुंबई-नाशिक महामार्गावर शहापूर जवळील कुमार गार्डन हॉलजवळ मुंबईकडून नाशिककडे जाणाऱ्या टोयोटो गाडी, रिक्षा आणि स्कूटी अशा तीन वाहनांचा अपघात झालाय. यात स्कूटी आणि रीक्षाचा चक्काचूर झाला आहे. हा अपघात एवढा भीषण होत की, शहापूर तालुक्यातील अश्विनी गोळे युवती जागीच ठार झाली असून उपचारादरम्यान एका महिलेचा मृत्यू झाला आहे. रिक्षा मधील तीन जण जखमी असून त्यांच्यावर शहापूर येथील उपजिल्हा रूग्णालयात उपचार सुरु आहेत.
बालाजीच्या दर्शनासाठी मुख्यमंत्री एकनाथ शिंदे आंध्रप्रदेशमध्ये
मुख्यमंत्री एकनाथ शिंदे आंध्रप्रदेश येथील प्रसिद्ध देवस्थान तिरुपती बालाजीचे दर्शन घेण्यासाठी आंध्रप्रदेशमध्ये दाखल झाले आहेत. नववर्षाच्या पहिल्याच दिवशी ते सहकुटुंब तिरुपती बालाजीच्या दर्शनाला गेले आहेत. उद्या पहाटे तिरुपती बालाजीचे दर्शन घेऊन मुख्यमंत्री पून्हा मुंबईच्या दिशेने प्रस्थान करणार आहेत.
मुंबई गुन्हे शाखेची मोठी कारवाई, 1.22 कोटी रूपयांचं अंमली पदार्थ जप्त, निघांना अटक
मुंबई क्राईम गुन्हे शाखेने मोठी कारवाई केली आहे. अंमली पदार्थ विरोधी घाटकोपर युनिटने 1.22 कोटी रुपये किमतीच्या 610 ग्रॅम मेफेड्रोनसह एका विदेशी महिलेसह तिघांना अटक केली आहे. हे अंमली पदार्थ 31 डिसेंबर रोजी मुंबई शहरात आयोजित विविध पार्टी पुरवला जाणार होता. ANC अधिकार्‍यांनी माहितीच्या आधारे प्रथम दोन स्थानिक ड्रग पेडलरला अटक केली आणि त्यांच्याकडे 150 ग्रॅम मेफेड्रोन सापडले. तपासात त्यांनी हे मेफेड्रोन एका अफ्रिकन वंशाच्या महिलेकडून विरार पूर्व येथून खरेदी केल्याचे निष्पन्न झाले.
पोलिस पथकाने नायजेरियन महिलेला अटक केली असून त्यांच्याकडून 460 ग्रॅम मेफेड्रोन सापडले आहे. असे एकूण 610 ग्राम मेफेड्रोने जप्त करून तिघांना अटक केले आणि पुढची साकळी शोधत आहेत.
अटक केलेल्या आरोपींना न्यायालयात रिमांडकामी हजर केले असता न्यायालयाने 6 जानेवारीपर्यंत पोलिस कोठडी सुनावली आहे.
केशवराव धोंडगे यांच्या निधनाने एका संघर्षशील अध्यायाचा अंत; विरोधी पक्षनेते अजित पवार यांनी वाहिली श्रद्धांजली
मुंबई : "शेकापचे ज्येष्ठ नेते केशवराव धोंडगे यांच्या निधनाने महाराष्ट्राच्या राजकारण, समाजकारणातला एक संघर्षशील अध्याय संपला आहे. जनतेच्या प्रश्नांसाठी रस्त्यावर उतरुन लढणारं, विधीमंडळात जोरदार आवाज उठवणारं निर्भिड नेतृत्वं काळाच्या पडद्याआड गेलं आहे. गल्लीपासून दिल्लीपर्यंत दरारा असलेला 'मन्याडचा वाघ' हरपला आहे. मराठवाड्याचा, महाराष्ट्राचा बुलंद आवाज शांत झाला आहे. देशाचा स्वातंत्र्यलढा, हैदराबाद मुक्ती संग्राम, संयुक्त महाराष्ट्राचं आंदोलन, आणिबाणीविरुद्धचा लढा लढणाऱ्या केशवराव धोंडगे साहेबांचं जीवन संघर्षशील होतं. त्यांनी जनतेच्या प्रश्नांसाठी रस्त्यावर उतरुन हजारो मोर्चे, सत्याग्रहं, आंदोलनं केली. त्यांचं एकशेदोन वर्षांचं जीवन दुर्बल, वंचित, उपेक्षित बांधवांच्या कल्याणासाठी समर्पित होतं. विधीमंडळातीन भाषणांनी महाराष्ट्र दणाणून सोडण्याची त्यांची ताकद होती. त्यांच्यासारख्या नेतृत्वाचं निधन ही महाराष्ट्राच्या राजकारणाची, वंचितांच्या हक्काच्या चळवळीची मोठी हानी आहे. केशवराव धोंडगे साहेबांचं जीवन हे राजकीय, सामाजिक कार्यकर्त्यांना सदैव मार्गदर्शन, प्रेरणा देत राहील, " अशा शब्दात विधानसभेचे विरोधी पक्षनेते अजित पवार यांनी शेकापचे ज्येष्ठ नेते केशवराव धोंडगे यांच्या निधनाबद्दल दु:ख व्यक्त करुन श्रद्धांजली वाहिली.
जंगल सफारी साठी वन विभागाला "बुलढाणा अर्बन" ने दिले तीन वाहने
बुलढाणा जिल्ह्याला ज्ञानगंगा, अमबा बरवा व लोणार अशी तीन अभ्यारण्य लाभले आहेत. या तिन्ही अभ्यारण्याच क्षेत्रफळ खूप मोठ असल्याने यातील पर्यटनाला चालना मिळावी म्हणून व त्यातील विविध जंगली प्राण्यांना जवळून बघण्यासाठी वन विभागाला मदत म्हणून बुलढाणा अर्बन हे पाऊल उचलले आहे. या अभयारण्यात बिबट , अस्वल, हरण, निलंगाय, अस्वल, या सह विविध प्राण्याचा वावर आहे. या अभ्यारण्यात हे प्राणी व अभ्यारण्य पाहण्यासाठी वन्यजीव विभागाने जंगल सफारी सुरु केली आहे. ही जंगल सफारी करण्यासाठी वाहनांची आवश्यकता होती म्हणून बुलढाणा अर्बन पतसंस्थेने तीन वाहणे जंगल सफारीसाठी उपलब्ध करून दिले आहे.
महत्त्वाच्या बातम्या
ट्रेंडिंग न्यूज
