Pandharpur: 'माझा इम्पॅक्ट': दर्शन रांगेत भाविकांसाठी टाकले मॅट, पंढरपुरात दर्शन घेणे झाले सुसह्य

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra News LIVE Updates :  दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये... 

संत तुकाराम महाराजांच्या पालखीचं आज देहूतून आज प्रस्थान  

संत तुकाराम महाराजांच्या पालखीचं आज देहूतून आज प्रस्थान होणार आहे पालखी प्रस्थान दु. 2 वाजता होणार असून पालखीचा पहिला मुक्काम इनामदार वाड्यात असणार आहे.  यावेळी पालकमंत्री चंद्रकांत पाटील, विरोधी पक्षनेते अजित पवार आणि स्थानिक खासदार-आमदार उपस्थित राहणार आहेत.  १९ दिवसांचा प्रवास करून हा पालखी सोहळा २९ जून रोजी पंढरपूरमध्ये दाखल होणार आहे.

आज राष्ट्रावादीचा 25 वा वर्धापन दिन 

   राष्ट्रवादी काँग्रेसच्या वर्धापन दिनासाठी आज शरद पवार दिल्लीत. राष्ट्रवादीच्या पक्ष कार्यालयात आज वर्धापन दिनाचा कार्यक्रम दुपारी 12 वाजता होईल.  प्रफुल्ल पटेल, सुप्रिया सुळे आणि सुनील तटकरे यांच्यासह राष्ट्रीय कार्यकारणीतले इतर महत्त्वाचे नेते उपस्थित राहणार  आहेत. राष्ट्रवादी  काँग्रेस  पार्टीच्या वर्धापनदिनानिमित्त मुंबई  विभागीय  राष्ट्रवादी  काँग्रेस  पार्टीच्या  वतीने आज सकाळी  09.30 वाजता मुंबईच्या राष्ट्रवादीच्या कार्यालयात झेंडावंदनाचा कार्यक्रम  आयोजित केलाय. यावेळी खासदार जयंत पाटील , छगन भुजबळ उपस्थित राहणार आहेत. राष्ट्रवादी काँग्रेसच्या वर्धापन दिनाच्या कार्यक्रमास सायंकाळी पाच वाजता राष्ट्रवादी कार्यालयात अजित पवार उपस्थित राहणार आङेत. 

  नांदेडमध्ये आज केंद्रीय गृहमंत्री अमित शहा यांची जाहीर सभा

 नांदेडमध्ये आज केंद्रीय गृहमंत्री अमित शहा यांची संध्याकाळी 5.30 वाजता जाहीर सभा होणार आहे.  केंद्रीय गृहमंत्री अमित शाह काँग्रेसचे ज्येष्ठ नेते अशोक चव्हाणांचा बालेकिल्ला नांदेडमध्ये सभा घेणार आहेत. मोदी सरकारला 9 वर्ष पूर्ण झाल्यानिमित्त उपक्रमाअंतर्गत नांदेडमध्ये अमित शाह यांची जाहीर सभा होणार आहे. या सभेसाठी केंद्रीय मंत्री रामदास आठवले, भागवत कराड, भाजपा प्रदेशाध्यक्ष चंद्रशेखर बावनकुळे, उपमुख्यमंत्री देवेंद्र फडणवीस, अतुल सावे, प्रवीण दरेकर आणि इतर नेते उपस्थित राहतील. या सभेत, मोदी सरकारची कामगिरी अमित शाहा जनतेसमोर मांडणार आहेत. दरम्यान नांदेडच्या मैदानातून अमित शाह कुणावर बरसणार याकडे राजकीय वर्तुळाचं लक्ष लागलं आहे.

 वैद्यकीय शिक्षण मंत्री गिरीष महाजन आज नाशिक दौऱ्यावर

 वैद्यकीय शिक्षण मंत्री गिरीष महाजन आज नाशिक दौऱ्यावर असतील. सकाळी 11 वाजता आरोग्य विज्ञान विद्यापीठाच्या रौप्य महोत्सवी वर्धापनदिनच्या कार्यक्रमाला हजेरी लावणार. त्यानंतर भाजप कार्यलयात आढावा बैठक घेणार आहेत.  गेल्या काही दिवसांपासून भाजपने लोकसभा निवडणुकीच्या तयारीला सुरवात केलीय त्या दृष्टीने नवीन नियुक्त्या केल्यात त्यापासून महाजन याना नाशिकपासून दूर ठेवल्याची कार्यकर्त्यांची भावना आहे, त्यानंतर महाजन पहिल्यांदाच नाशिकमध्ये येत आहेत

23:07 PM (IST)  •  10 Jun 2023

Majha Katta: मविआत राहू, पण सोलापुरात काँग्रेसला...; कामगारांचे नेते आडम मास्तर माझा कट्टावर

Majha Katta Adam Master: एबीपी माझा कट्टावर आडम मास्तर यांच्याशी खास संवाद साधण्यात आला. एक जून रोजी आडम मास्तर यांचे आत्मचरित्र प्रकाशित झाले. आडम मास्तर यांनी माझा कट्टावर बोलताना कामगार चळवळीतील संघर्षापासून ते कम्युनिस्ट पक्षातील दोष सांगत आत्मटीकाही केली. Read More

22:54 PM (IST)  •  10 Jun 2023

Pandharpur: 'माझा इम्पॅक्ट': दर्शन रांगेत भाविकांसाठी टाकले मॅट, पंढरपुरात दर्शन घेणे झाले सुसह्य

Ashadhi Wari: तळपत्या उन्हात विठुरायाचे दर्शन घेण्यासाठी येणाऱ्या भाविकांना चालताना पाय भाजत असल्याने चालणे देखील असहय्य झाले होते. Read More

22:19 PM (IST)  •  10 Jun 2023

Rohit Pawar: कर्नाटकात 40 टक्क्यांची चर्चा होती महाराष्ट्रात 50 टक्के वसुली सुरू; रोहित पवारांची बोचरी टीका

कृषी अधिकाऱ्यांना वसुलीच्या सूचना आहेत, त्यामुळे कृषी विभागात मोठा भ्रष्टाचार होत आहे. कर्नाटकात 40 टक्क्यांची चर्चा होती महाराष्ट्रात 50 टक्के वसुली सुरू झाल्याचा हल्लाबोल रोहित पवार यांनी केला. Read More

21:54 PM (IST)  •  10 Jun 2023

सहा कामगार जखमी, तर एकाचा मृत्यू झाल्याची माहिती

अंबरनाथमध्ये रासायनिक कंपनीत स्फोट होऊन आग लागल्याची घटना घडली. या घटनेत ५ कामगार जखमी झाले असून एका कामगाराचा मृत्यू झाला आहे. अग्निशमन दलानं ही आग विझवली असली, तरी कंपनीत सुरू असलेली नायट्रोजनची गळती मात्र सुरूच असून त्यामुळे परिसरात श्वसनाचा त्रास होत असल्यामुळे पोलिसांनी परिसर सील केलाय.

 

अंबरनाथ पश्चिमेच्या वडोळ एमआयडीसीत ब्लू जेट हेल्थकेअर नावाची कंपनी आहे. या कंपनीत डायनायट्रो बेंझो ट्रायफ्लोराईड नावाचं रसायन तयार केलं जातं. हे रसायन फार्मा कंपनीत वापरलं जातं. आज दुपारी सव्वाचारच्या सुमारास कंपनीतील प्लँट नंबर २ मध्ये नायट्रोजनची टाकी लिक झाली आणि फायनल प्रोडक्टच्या टाकीवर कोसळली. त्यामुळं मोठा स्फोट होऊन नायट्रोजनची गळती सुरू झाली. या घटनेत गुदमरल्यामुळे सहा कामगार जखमी, तर एका कामगाराचा मृत्यू झाला, मृत्यू झालेल्या कामगारांचे नाव सूर्यकांत झिमन असे आहे. या स्फोटाची माहिती मिळताच अग्निशमन दलानं घटनास्थळी धाव घेत आग विझवली, मात्र गॅसची गळती अजूनही सुरूच असून त्यामुळे पोलिसांनी हा संपूर्ण परिसर सील केला आहे.

20:38 PM (IST)  •  10 Jun 2023

Ajit Pawar: आता स्टॅम्प पेपरवर लिहून देऊ का...नाराजीच्या प्रश्नावर अजित पवारांचा उलट प्रश्न

Ajit Pawar: सुप्रिया सुळे आणि प्रफुल पटेल यांची कार्यकारी अध्यक्षपदी निवड झाल्याने आपण नाराज नसल्याचे अजित पवार यांनी स्पष्ट केले. Read More