Maharashtra Breaking News LIVE Updates : मराठा आरक्षण उपसमितीची वर्षां बंगल्यावर आयोजित महत्त्वपूर्ण बैठक संपली

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Nawab Malik : आजचा दिवस राजकीय रणकंदनाचा! मलिकांना सरकारचा 'महा'पाठिंबा, तर राजीनाम्यासाठी भाजप आक्रमक

Nawab Malik Arrested : राज्याचे अल्पसंख्याक मंत्री आणि राष्ट्रवादी काँग्रेसचे नेते नवाब मलिक यांना ईडीने अटक केल्यानंतर त्याचे राजकीय पडसाद उमटू लागले आहेत. आज महाविकास आघाडी आणि भाजपकडून आंदोलन करण्यात  येणार आहे. नवाब मलिक यांच्या अटकेच्या निषेधार्थ महाविकास आघाडीचे मंत्री मंत्रालयाजवळ आंदोलन करणार आहेत. तर, मलिक यांच्या राजीनाम्यासाठी भाजपकडून आंदोलन करण्यात येणार आहे. 

बुधवारी,  ईडीने नवाब मलिक यांच्यावर कारवाई केल्यानंतर राजकीय प्रतिक्रिया उमटण्यास सुरुवात झाली होती. आठ तासाच्या चौकशीनंतर ईडीने नवाब मलिक यांना अटक केली. त्यांच्या अटकेनंतर राष्ट्रवादी काँग्रेसचे कार्यकर्ते आक्रमक झाले होते. तर, महाविकास आघाडीच्या नेत्यांनी या अटकेच्या कारवाईचा निषेध केला. 

मलिकांना सरकारचा 'महा'पाठिंबा

तीन मार्चपर्यंत ईडी कोठडी मिळालेल्या नवाब मलिकांचं मंत्रिपद कायम ठेवण्याचा महाविकास आघाडीने निर्णय घेतला आहे. बुधवारी महाविकास आघाडीच्या नेत्यांची बैठक पार पडली. त्यानंतर हा निर्णय घेण्यात आला.  आज मंत्रालयाजवळ महाविकास आघाडीचे मंत्री, आमदार आंदोलन करणार आहे. तर, शुक्रवापासून जिल्हा पातळीवर आंदोलन करण्यात येणार आहे.

 

Petrol-Diesel Price : रशिया-युक्रेनमधील तणावामुळं कच्च्या तेलाच्या किमतींत मोठी वाढ; पेट्रोल-डिझेलवर काय परिणाम?

 

IOCL, Petrol-Diesel Price Today 24 February 2022 : भारतीय तेल कंपन्यांनी आजचे पेट्रोल-डिझेलचे दर (Petrol-Diesel Rates) जारी केले आहेत. सध्या युक्रेन आणि रशिया यांच्यातील वाढता तणाव संपूर्ण जगासाठी चिंतेचं कारण ठरला आहे. अशातच आंतरराष्ट्रीय स्तरावरील या सर्व घडामोडींचा परिणाम कच्च्या तेलाच्या किमतींवरही होताना दिसत आहे. असं असलं तरी देशात मात्र आजही पेट्रोल-डिझेलच्या किमती स्थिर आहेत. आंतरराष्ट्रीय बाजारात कच्च्या तेलाच्या किमतींनी उच्चांक (Crude Oil Prices) गाठला आहे. पण तरिही देशात पेट्रोल-डिझेलचे दर तब्बल तीन महिन्यांपासून स्थिर आहेत. त्यामुळे अनेकांच्या मनात प्रश्न उपस्थित झाले आहेत. अशातच देशात सध्या निवडणुका सुरु आहेत. त्यामुळे देशातील पेट्रोल-डिझेलचे दर स्थिर असल्याचं बोललं जात आहे. तसेच निवडणुकांनंतर देशात पुन्हा एकदा पेट्रोल-डिझेलच्या किमतींचा भडका उडू शकतो, असा अंदाजही तज्ज्ञांकडून व्यक्त केला जात आहे. 

देशात 4 नोव्हेंबरपासून पेट्रोल-डिझेलच्या किमती स्थिर आहेत. केंद्र सरकारनं पेट्रोलच्या उत्पादन शुल्कावर 5 रुपये आणि डिझेलवर 10 रुपये प्रति लिटर घट केली होती. त्यानंतर देशातील अनेक शहरांमध्ये पेट्रोल 100 रुपयांच्या खाली आलं. महाराष्ट्रातही पेट्रोल-डिझेलच्या किमतींमध्ये कोणताही बदल करण्यात आलेला नाही. दरम्यान, राज्यातील अनेक शहरांत पेट्रोलच्या किमती शंभरी पार पोहोचल्या आहेत. 

21:55 PM (IST)  •  24 Feb 2022

दुचाकी आणि इनोव्हाच्या धडकेत हिंगोलीमध्ये दोघांचा मृत्यू  

हिंगोली जिल्ह्यातील वसमत परभणी रोडवर चिखली पाटी दरम्यान इनोव्हा आणि मोटरसायकलच्या धडकेने मध्ये मोटरसायकलवर प्रवास करणाऱ्या दोन युवकांचा मृत्यू झाला आहे.

20:30 PM (IST)  •  24 Feb 2022

मराठा आरक्षण उपसमितीची वर्षां बंगल्यावर आयोजित महत्त्वपूर्ण बैठक संपली

Maratha Reservation :  मराठा समाजाला आरक्षण मिळावं आणि त्यांच्या मागण्या पूर्ण व्हाव्या, या मागणीसाठी खासदार संभाजीराजे 26 फेब्रुवारीपासून उपोषणाला बसणार आहेत. या  प्रश्नी मराठा आरक्षण उपसमितीची वर्षां बंगल्यावर आयोजित महत्त्वपूर्ण बैठक संपली. संभाजीराजे छत्रपती यांच्या उपोषणापुर्वी त्यांच्या मागण्यांबाबत तोडगा काढण्यासाठी बैठकीचं आयोजन करण्यात आले होते बैठकीला मराठा आरक्षण उपसमीतीच्या सदस्यांसोबत अण्णासाहेब आर्थिक विकास महामंडळाचे एमडी, राज्याचे महाधिवक्ता आशुतोष कुंभकोणी, प्रधान सल्लागार सिताराम कुंटे देखील उपस्थित होते. 

20:22 PM (IST)  •  24 Feb 2022

ओबीसी आरक्षणासंदर्भात सुप्रीम कोर्टातली सुनावणी लांबणीवर

OBC Reservation : ओबीसी आरक्षणासंदर्भात सुप्रीम कोर्टातली  25 फेब्रुवारीला होणारी सुनावणी आता सोमवारी 28 फेब्रुवारीला होणार आहे. 

18:40 PM (IST)  •  24 Feb 2022

Russia Ukraine War : अहमदनगर जिल्ह्यातील 18 विद्यार्थी युक्रेनला अडकले

Russia Ukraine War : रशिया आणि युक्रेनमध्ये युद्ध सुरू झाले असून अहमदनगर (Ahmadnagar)  जिल्ह्यातील युक्रेनमध्ये अनेक विद्यार्थी अडकले आहेत. त्यामुळे विद्यार्थ्यांच्या पालकांमध्ये चिंतेचे वातावरण पाहायला मिळत आहे. अहमदनगरच्या एज्युकॉन एज्युकेशनल कन्सल्टन्सी संस्थेचे डॉक्टर महेंद्र झावरे पाटील यांच्या मार्फत 40 विद्यार्थी युक्रेनमध्ये शिक्षणासाठी गेले आहेत. यापैकी जवळपास 16 ते 18 विद्यार्थी अहमदनगर जिल्ह्यातील आहेत. हे सर्व विद्यार्थी युनिव्हर्सिटीमध्ये सुरक्षित असल्याची माहिती त्यांनी पालकांना दिली आहे, मात्र युध्दजन्य परिस्थितीमुळे त्यांच्याजवळील पैसे संपत असल्याने केंद्र सरकारने तातडीने आम्हाला मायदेशी परत घेऊन जाण्याची विनंती विद्यार्थी करत आहेत.

18:27 PM (IST)  •  24 Feb 2022

Narayan Rane : नारायण राणे यांची शुक्रवारी पत्रकार परिषद

सिंधुदुर्ग - केंद्रीय मंत्री नारायण राणे यांची ओरोस शरद कृषी भवन येथे  शुक्रवारी सायंकाळी ४ वाजता पत्रकार परिषद होणार आहे.