23 March 2022 Breaking News LIVE Updates : प्रदेशाध्यक्षपदाची संधी मिळाली तर सोनं करुन दाखवेन; रुपाली पाटील
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Petrol Diesel Price Hike : इंधन दरात सलग दुसऱ्या दिवशी वाढ झाली आहे. पेट्रोल-डिझेल प्रत्येकी 83 पैशांनी महागणार आहे. आज सकाळी 6 वाजल्यापासून देशात नवे दर लागू होणार आहेत. मंगळवारीही पेट्रोल प्रतिलीटर 84 पैसे तर डिझेलच्या दरात प्रतिलीटर 83 पैशांनी वाढ करण्यात आली आहे. त्याआधी गेल्या वर्षी 3 नोव्हेंबर 2021 पासून देशभरात पेट्रोल आणि डिझेलच्या दरात कोणतीही वाढ झाली नव्हती. युक्रेन-रशिया युद्धामुळे जागतिक बाजारात कच्च्या तेलाच्या किंमती 114 डॉलर प्रति बॅरेलवर पोहोचल्या आहेत.
उत्तर प्रदेशसह पाच राज्यातील विधानसभा निवडणूक निकालानंतर पेट्रोल आणि डिझेलची दरवाढ होणार शक्यता वर्तवली जात होती, ते संकेत खरे ठरले आहेत. शिवाय आगामी काळात पेट्रोल-डिझेलचे दर आणखी वाढण्याची शक्यता आहे. बुधवारी म्हणजेच, आज सकाळपासून पेट्रोल आणि डिझेलच्या दरात 83 पैसे प्रति लिटरने किरकोळ बाजारात वाढ होणार आहे. मुंबईत सध्या पेट्रोल 110.82 रुपये प्रति लीटर तर डिझेल 95.00 रुपये प्रति लीटर आहे.
Russia Ukraine War : रशिया आणि युक्रेनमध्ये संघर्ष अद्याप सुरुच आहे. युद्धात एकीकडे युक्रेनचे सैन्य आणि नागरिकांच्या शौर्याने संपूर्ण जगाची मने जिंकली आहेत. तर दुसरीकडे युक्रेनमधील परिस्थितीमुळे लाखो युक्रेनियन दुसऱ्या देशात स्थलांतरित झाले आहेत. यावेळी असे काही लोक आहेत जे बेकायदा संपत्ती घेऊन पळून जाण्याचा प्रयत्न करत आहेत. युक्रेनच्या हंगेरीच्या सीमेवर असेच एक प्रकरण समोर आले आहे. येथे युक्रेनच्या माजी खासदाराच्या पत्नीला सुटकेसमध्ये कोट्यवधी रुपये अवैध पद्धतीने नेताना सैनिकांनी पकडले आहे.
सुटकेसमध्ये लाखो डॉलर्स आणि युरो
मीडिया रिपोर्ट्सनुसार, युक्रेनच्या माजी खासदाराची पत्नी काही दिवसांपूर्वी एका सुटकेसमध्ये डॉलर आणि युरो घेऊन जात होती. युक्रेनच्या माजी खासदाराच्या पत्नीचं नाव कोटवित्स्की आहे. कोटवित्स्की पैसे घेऊन देश सोडण्याचा प्रयत्न करत होती, मात्र हंगेरीच्या सीमेवरील सुरक्षा जवानांनी तिला अडवले. सैनिकांनी संशयावरून तिच्या सुटकेसची झडती घेतली तेव्हा सर्वांनाच आश्चर्याचा धक्का बसला. सूटकेसमध्ये सुमारे 28 दशलक्ष डॉलर्स आणि 1.3 दशलक्ष युरो रोख होते. ती झाकरपट्टिया प्रांतातून हंगेरीत प्रवेश करण्याचा प्रयत्न करत असल्याचे सांगण्यात येत आहे.
Yavatmal News : झोपाळा खेळताना सिमेंटचा पोल अंगावर पडल्याने चिमुकल्या बहिण-भावाचा मृत्यू
सिमेंटच्या पोलला बांधलेल्या पाळन्याला झोका देताना सिमेंट पोल अंगावर पडल्याने बहिणीसह चिमुकल्या भावाचा मृत्यू झाला आहे. यवतमाळ जिल्ह्यातील पुसद येथील महावीर नगरात ही घटना घडली आहे. प्राची विजय घुक्से (वय 9) आणि तेजस विजय घुक्से (6 महिने अशी मृतांची नावे आहेत.
NCP : प्रदेशाध्यक्षपदाची संधी मिळाली तर सोनं करुन दाखवेन; रुपाली पाटील
रूपाली चाकणकर यांनी राष्ट्रवादी महिला प्रदेशाध्यक्षपदाचा राजीनामा दिल्यानंतर राष्ट्रवादी काँग्रेसच्या पुढच्या महिला प्रदेशाध्यक्ष कोण असणार याची उत्सुकता सर्वांनाच लागली आहे. काही दिवसांपूर्वीच मनसेमधून राष्ट्रवादी काँग्रेसमध्ये प्रवेश केलेल्या रूपाली पाटील ठोंबरे यांनी महिला प्रदेशाध्यक्षपद सांभाळण्याची तयारी दर्शवली आहे. जर संधी मिळाली तर चांगलं काम करुन दाखवेन असा विश्वासही त्यांनी व्यक्त केला.
Amravati News : शहरातील गौसनगर येथे पोलिसांनी जप्त केले अमली पदार्थ
अमरावती शहरातील नागपुरी गेट पोलिसांनी शहरातील गौसनगर येथे एमडी हा अमली पदार्थ जप्त केला आहे. अंदाजे चार लाख रुपये इतकी या अमली पदार्थाची किंमत असून याप्रकरणी एका महिलेला ताब्यात घेतलं आहे.
Nandurbar flash : शासकीय ठेकेदाराकडून 43 लाखांची लाच मागणाऱ्या अभियंत्यांना अटक
शासकीय ठेकेदाराकडून 43 लाखाची लाचेची मागणी करणाऱ्या दोन अभियंत्यांना अटक करण्यात आली असून नंदुरबार लाच लुचपत विभागाने ही कारवाई केली आहे. अक्कलकुवा पंचायत समितीचे बांधकाम विभागाचे उपविभागीय अभियंता सुनिल पिंगळे सहाय्यक अभियंता संजय हिरे आणि खाजगी व्यक्ती अभिषेक शर्मा यांना लाचेचा पहिला हप्ता 400000 स्विकारताना रंगेहाथ अटक करण्यात आली आहे.
महिला आयोगाच्या अध्यक्षा रुपाली चाकणकर राष्ट्रवादीच्या महिला प्रदेशाध्यक्ष पदाचा राजीनामा देणार, सूत्रांची माहिती
महिला आयोगाच्या अध्यक्षा रुपाली चाकणकर राष्ट्रवादीच्या महिला प्रदेशाध्यक्ष पदाचा राजीनामा देणार असल्याची माहिती एबीपी माझाला सूत्रांनी दिली आहे. राष्ट्रवादीकडून लवकरच नवीन महिला प्रदेशाध्यक्ष पदाची घोषणा होणार असून महिला आयोगाचं पद चाकणकर यांना मिळाल्यानंतर प्रदेशाध्यक्ष पदाचा राजीनामा घेण्यात येणार आहे.
महत्त्वाच्या बातम्या
ट्रेंडिंग न्यूज
