Maharashtra Breaking News Live Updates: महाराष्ट्रासह देशभरातील महत्त्वाच्या घडामोडी, वाचा एका क्लिकवर...
Maharashtra Breaking News Live Updates: महाकुंभ मेळाव्यात संगम किनाऱ्यावर चेंगराचेंगरीची घटना घडली. यामध्ये 10 जणांचा मृत्यू झाला असून अनेकजण जखमी झाले आहेत. यासह विविध बातम्यांचे अपडेट्स...
LIVE
Background
Maharashtra Breaking News Live Updates: प्रयागराजमध्ये महाकुंभ मेळाव्यात संगम किनाऱ्यावर चेंगराचेंगरीची घटना घडली. यामध्ये 10 जणांचा मृत्यू झाला असून अनेकजण जखमी झाले आहेत. अमृतस्नानापूर्वी रात्री दीडच्या सुमारास चेंगराचेंगरी झाली. संगम किनाऱ्यावर मौनी अमावस्येमुळे करोडो भाविकांची गर्दी जमली होती. भाविकांच्या गर्दीमुळे काही महिला खाली पडून गंभीर जखमी झाल्याची माहिती आहे. जखमींना रुग्णालयात दाखल करून त्यांच्यावर उपचार सुरू करण्यात आले आहे. चेंगराचेंगरीनंतर १३ आखाड्यांनी अमृतस्नान कार्यक्रम स्थगित करण्याचा निर्णय घेण्यात आला आहे. तसेच राज्यात विविध घटना घडत आहे. अभिनेता सैफ अली खान (Saif Ali Khan) याच्यावर झालेल्या प्राणघातक हल्लाप्रकरणी देखील अपडेट्स समोर येत आहेत. सरपंच संतोष देशमुख हत्या (Santosh Deshmukh Murder Case) प्रकरणी वाल्मिक कराडबाबत विविध माहिती समोर येत आहे. यासह देशभरातील विविध बातम्यांचे अपडेट्स...
दुख:द बातमी! जेष्ठ गांधीवादी मा. म. गडकरी यांचे निधन
वर्धा: सेवाग्राम आश्रम प्रतिष्ठानचे माजी अध्यक्ष आणि जेष्ठ गांधीवादी मा. म. गडकरी यांचे आज निधन झाल्याची माहिती समोर आली आहे. मा. म. गडकरी हे सण 2008 ते 2013 पर्यत सेवाग्राम आश्रम प्रतिष्ठानचे अध्यक्ष राहिले आहेत. ते बालपणापासून गांधी विचाराशी जुडून राहिले होते. दरम्यान, आचार्य विनोबा भावे यांच्यासोबत देखील विविध चळवळीत त्यांनी काम केले होतं. सोबतच त्यांनी महात्मा गांधी यांच्या विचारांचा प्रचार प्रसार केला. तसेच ते दारुबंदी चळवळीत ही सक्रिय राहिले आहेत. मा. म. गडकरी हे मूळचे वर्ध्याच्या सेलू तालुक्यातील हिवरा या गावचे रहिवासी होते. दरम्यान नागपूर येथील निवसस्थानी आज सकाळी साडेदहा वाजता त्यांचे दुख:द निधन झाले आहे. या बातमीने सर्वत्र शोककळा पसरली आहे.
आगामी स्थानिक स्वराज्य संस्थांच्या निवडणुकीसाठी भाजपकडून मोर्चेबांधणी; वरिष्ठ नेत्यांची बैठका सुरु
भाजपकडून आगामी स्थानिक स्वराज्य संस्थांच्या निवडणुकीच्या दृष्टीने मोर्चेबांधणी करण्यात येत आहे.
भाजपच्या वरिष्ठ नेत्यांची बैठक सुरु असल्याची माहिती पुढे आली आहे.
भाजपचे सहसंघटन मंत्री शिवप्रकाश यांच्या अध्यक्षतेखाली बैठक संपन्न होत आहे.
भाजप प्रदेशाध्यक्ष चंद्रशेखर बावनकुळे, कार्यकारी अध्यक्ष रविंद्र चव्हाण बैठकीस उपस्थित झाले आहे.
भाजप सदस्य नोंदणी बाबतीत आढावा घेतला जाणार असल्याची माहिती पुढे आली आहे.
गोंदियाच्या खमारी येथे गॅस सिलेंडरच्या स्फोट; साहित्य जळून खाक
गोंदिया: शहरालगत असलेल्या खमारी येथे आज सकाळी गॅस सिलेंडरचा स्फोट झाल्याने घराला आग लागली. या आगीमध्ये जीवनापयोगी साहित्याची राखरांगोळी झाली. गोंदिया शहरालगत असलेल्या खमारी येथील इंद्रकुमार उके यांच्या घरी आज सकाळच्या सुमारास अचानक सिलेंडरच्या स्फोट झाला. स्पोट इतका भीषण होता की यामुळे संपूर्ण घराला आग लागली. सुदैवाने या आगीमध्ये कुठलीही जीवित हानी झाली नाही. मात्र, जवळपास 3 लाख रुपयांचे जीवनपयोगी साहित्याचे यात नुकसान झाले आहे. नगर परिषदेच्या अग्निशमन दलाने वेळीच घटनास्थळी धाव घेत आटोक्यात आणली.
उपमुखमंत्री अजित पवारांच्या बीड आणि नाशिक जिल्हा बँकेच्या संदर्भात बैठकसत्र
उपमुखमंत्री अजित पवारांच्या मंत्रालयातील दालनात बीड आणि नाशिक जिल्हा बँकेच्या संदर्भात बैठक
बीड डीपीडीसी बैठकी आधी मंत्री पंकजा मुंडे अजित पवारांच्या भेटीला
तसेच मंत्री माणिकराव कोकाटे, नरहरी झिरवाळ यांची उपमुखमंत्री अजित पवार यांच्यासोबत नाशिक जिल्हा बँक प्रकरणी बैठक सुरू
नाशिक जिल्हा बँक अडचणीत असल्यामूळ लोकप्रतिनिधी उपमुखमंत्री अजित पवार यांच्या भेटीला
कुंभमेळ्यातील घटनेबाबत राज्यपालांनी व्यक्त केल्या संवेदना
नांदेड : कुंभमेळ्यात झालेल्या चेंगराचेंगरीच्या घटनेबाबत राज्यपाल सी पी राधाकृष्णन यांनी संवेदना व्यक्त केल्या. विद्यापीठाच्या दीक्षांत समारंभासाठी राज्यपाल नांदेड दौऱ्यावर आले आहेत, त्यावेळी त्यांनी शोक व्यक्त केला. कुंभ मेळ्यात सुरक्षेच्या सर्व उपाययोजना करण्यात आल्या आहेत. मात्र अपेक्षेपेक्षा जास्त भाविक आल्याने चेंगराचेंगरी झाल्याचे राज्यपाल म्हणाले. घटनेत मृत्युमुखी पडलेल्या भाविकांच्या कुटुंबाला दुःख पचवण्याचे बळ मिळो अशी प्रार्थना राज्यपालांनी केली.
महत्त्वाच्या बातम्या
ट्रेंडिंग न्यूज
